عاجل بالصور: بعد معاناة دامت لثلاث سنوات معتز كبير يخرج من السجن حراً طليقاً
ويرجع الفضل في خروج اللاعب من أزمته الي الله عز وجل ومن بعده لرئيس الهلال السيد أشرف الكاردينال والذي إستجاب لمناشدات الوسط الرياضي بحل أزمة اللاعب السابق.
وقد تكفل الكاردينال بدفع المبلغ المتبقي علي اللاعب والبالغ قدره 145 الف جنيه سوداني.
وكان موقع النيلين قد أشار في وقت سابق لخبر تكفل رئيس الهلال بحل أزمة اللاعب ودفعه للمبلغ عن طريق شيك قام بتحريره وتسليمه للاعب الهلال السابق الدكتور عمر النقي والذي قام بمجهود كبير من أجل حل أزمة مهاجم السودان السابق والملقب بالكوبرا.
وفور خروج اللاعب من السجن قامت الصحفية فاطمة الصادق والتي كانت حضوراً في موقع الحدث بنشر صور لها مع معتز كبير ونجم المريخ السابق الطاهر هواري ولاعب الهلال السابق عمر النقي.
وقامت فاطمة الصادق بنشر صورها مع معتز كبير علي صفحتها الرسمية علي موقع التواصل الإجتماعي.
ياسين الشخ _ الخرطوم
النيلين
[/JUSTIFY]ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ربنا يجزى الجميع خير الكاردينا والنقى والهوارى وفطومه وكل من ساهم فى هذا العمل الجليل ودائما اولاد السودان وخاصه الاجيال السابقه كل يوم يعلمون الاجيال اللاحقه دروسا مستفاده الهوارى من المريخ يا سلام ده درس فى نبذ التعصب والاصطفاف لصالح الانسان والنقى يا سلام على الانسانيه لما يكون مترع بالانسانيه ومعتز كبير له علينا حق فكم امتعنا باهدافه الرائعه وكم ادخل الفرح فى قلوبنا وله علينا حق والحمد لله انو ربنا حل اسره وأرجعه الى بيته وعياله وربنا يوفقو فى مشوار حياتو التحيه والتجله لكل الهلالاب والمريخاب والمجتمع الرياضى قاطبه لهذا الدرس البليغ الذى يثلج الصدر ويخرج الناس من العداوات والاحقاد(وانا مريخابى على فكره) ولكننى اشعر بالزهو والرح لهذا العمل الجليل وياهو ده السودان …. اخو الاخوان … ياهو ده السودان … عزه وامكان ….. ياهو ده السودان …. شكرا كاردينا شكرا فطومه شكرا النقى شكرا هوارى وبالتوفيق معتز كبير
حمدالله علي السلامه ياكبير واعمل حسابك من الحيتان الكبيرة دي وشكرا كردنال
يا جماعه فطومه دي ما عاوزه ليها عريس هيع هيع هااع
غايتو شفنا المحن فى اللعيبة السودانيين ديل ,,, غايتو معتز كبير فتح ليهم الطريق ,,, بكرة نلقى بلة جابر فى السجن,,
[FONT=Arial Narrow][SIZE=7]فاطمة الله جابو الشهيرة بفاطمة شاش دي مالا مبسوطة كدا دفعت حاجة من جيبا ؟؟[/SIZE][/FONT]
فطومة بقيتي حليوة حلا بس الله يجمل لسانك كمان
معليش يا جماعه كدى وضحوا لينا الحاصل شنو والسبب شنو لحدى ما معتز كبير يخش السجن
حمدالله علي السلامة انا مريخابي ….بس شكرا فاطمة فهي متواضعة وسبق انني حكيت معها
حمدلله علي سلامتك يا كبير قيدوك بمبلغ صقير اتمني
ان التجربه افادتك الشكر لكل من اهتم بك
حمدلله على السلامة وعمل الخير صفة اصيلة في السودانيين واروع مثال في هذه الصورة هو وقوف الطاهر هواري الذي ضرب مثل رائع في كل لقاءاته التي شاهدتها له في الفضائيات السودانية والتي ناقشت قضايا الكرة السودانية والمنتخب خصوصا فله التحية