زواج سوداناس

الراجل ده وزير معانا؟؟


شارك الموضوع :

> الليله سبتنا الأحمر
> اليوم نكرر يوم عزام
> اقلها ثلاثية
> باصرار الشفوت
> بالوقفه المشرفه
> بالقيام بدورنا التشجيعي الاصلي
> سنقلب الاستاد جهنم حمراء علي الضيوف
> عشان يعرفوا حاجه
> نساند اولادنا
> نسعي للنصر ولا نستعجله
> فقط نجي كلنا
> الامر فرض عين لا فرض كفايه
> ونوحد الهتاف
> نبدأ بالتهليل
> لا اله الا الله.. لا اله الا الله
> لا اله الا الله منتصرين بإذن الله
> ونوريهم الامواج المريخيه
> وبالطول بالارض مريخنا يهز الارض
> ونغني
> للمدينة
> بي بكري جينا وكيه للمابينا
> ونهتف للجميع
> فريق رئيسو جمال وحارسو جمال واستاده قمة الجمال
> قصة يتأهل ساهله ومنطقيه ليست محال
> ايها الناس
> حقو الاتحاد الافريقي يطلع قرار
> يقول قون بكري بي اتنين
> لأنو بيدخل شبكة المنافس وشبكة ناس تانيين قبل المنافس
> يعني بكري يجيب قون
> نقول اتنين صفر
> راجي يجيب قون نقول بقت تلاته
> بكري تاني يجيب قون
> نقول خمسه
> ايها الناس
> كلنا من عصراً بدري
> قصة الجلاليب دي نخليها
> نجي بالاحمر وبالاصفر
> نشكل لوحة جميلة ترهب انجولا وعميله
> غايتو يا روشا
> تبارونا تبقو زي جامعة افريقيا العالمية
> تشجعوا افريقيا دي كلها
> بلد بلد
> وفي الآخر نمشي المطار برانا
> ايها الناس
> نطمع في نتيجة تعلن تأهلنا من اليوم ان شاء الله
> ولكننا لا نستعجلها
> يوم عزام ناس روشا كتبو
> بعد الدقيقه اربعة واربعين مسحوا
> وفي الدقيقة ستة واربعين شرطوا الورق
> نلعب لي صفارة الحكم
> اصلو ما نستعجل
> والنتيجة الدايرنها بتجينا
> صدقوني
> بالقرآن مريخنا مصان
> مافي خوف من دفن حمار وحصان
> والله لو دفنوا الثروة الحيوانيه كلها
> ما بغيروا في النتيجة
> غالبين ان شاء الله
> وبكري كان كعب بجيب قون
> وكان سمح انت وعسل انت
> بجيب قونين
> المرة دي الا تشكوهو لي الله الخلقو ده
> اصلو الشكية لغير الله مذله
> ايها الشفوت
> لون النار احمر واصفر
> الليله ناس انجولا يعرفوا حاجه
> نوقد افراننا ليتصاعد اللهب
> ووقتها بنجض اي شيء
> واي ني بنجضوا
> بس نجي كلنا من عصراً بدري نعصر الانجولي
> وننجض نص الاستواء من بدري
> المهم
> حضرت لقاء كردنة مع ميرفت بالنيل الازرق
> ياخ ضحكت لمن وقعت علي صلعتي دي
> الراجل ده ما يخلصشي
> واتذكرت مسرحية الزعيم للفنان عادل امام
> ضمت تلك المسرحيه ممثلين عمالقه
> جميعهم اجادوا ادوارهم بامتياز
> فيهم يوسف داوود
> الزول الطويل ابو صلعه اللسانو بره طوالي ده
> الزول الرموشو كبااااار وطواااااال
> بتطربق سااااي
> في المسرحيه طربق
> عادل امام عاين ليهو
> تاني طربق
> عادل امام عاين ليهو تاني
> المرة التالتة لما طربق
> عادل امام عاين لي زول تاني وقال ليهو
> الراجل ده وزير معانا هنا؟
> لما انتهى لقاء كردنة بميرفت
> اتخيلت ميرفت حاتقول
> الراجل ده وزير معانا هنا؟؟
> زي مافي مسرحية الزعيم المصرية
> عندنا مسرحية الزعيم السودانيه
> رجاء الجداوي بي هناك ابدعت
> ورجاء الصادق اقصد فاطمة الصادق بي جاي تبدع
> وكردنة قال عشرة الف روشا وعشرة الف فطومة ما بغيروا قراري.
> ورجع وقال الاسياد هي خط الدفاع الأول
> يعني ناس معتصم احتياطي للخط الاول خلي بالك
> لكن يا صديقي معتصم ما تزعل
> وخليك علي الخط
> اسي روشا ولا فطومة بتعوقوا
> كردنة ده بعوقم ليك اسي
> أصبر بس
> ده لو ما جلدهم ليك بالقطرة
> القطرة البلبسوها الخليجيين في ريسينهم وبثبتوا بيها طرحتهم ديك
> ياخ الجابوها في الفيديو في الواتس
> لما الهندي خرش عربية المواطن
> موش المواطن نزل جلد الهندي؟؟
> اها الحاجة السوداء الجلدوا بيها دي اسمها القطره
> اسي قاطرنوا
> لكن باكر بلقطهم ليك بالقطرة
> جنس بطان
> احتمال البطان يبدأ الاحد عشرة بالليل
> بطان من امو
> اول من تسمع يا معتصم شبطك
> أجهز
> كردنة عوق فيهم واحد
> الراجل ده وزير معانا؟؟
> ايها الناس
> بي طبولنا وراياتنا واصرارنا
> كلنا من بدري بدري
> لنكون شركاء في صناعة النصر الكبير
> بكري لو جاب قونين
> وبكرة ناس ملاوي اتلولوا
> صدقوني كبسور المرة دي بشتكي بكري في الجنائية الدولية
> عندنا واحد حضر لقاء كردنة
> متخصص انجليزي
> من حضر اللقاء وهو جاري لي اسي
> كردنة رمي ليهو درابتين
> لو قالهم ازهري للانجليز كان لي الليلة مامرقوا
> الراجل ده وزير معانا؟؟
> درابتين انجليزي يا مرسي
> النوع التقيل داك
> ذكروني ارجع ليهم يوم الاتنين
> بفلق ساي الزول ده
> ايها الناس
> كلنا من عصراً بدري
> بالقرآن مريخنا مصان يا صديقي عراقي
> ويا صديقي حسن حمد ويا صديقي عكاشة
ايها الناس
> ان تنصروا الله ينصركم
> اها
> نجي لي شمارات والي الخرتوم
> ده يوم شمار يا والينا؟؟
سلك كهربا
ننساك كيف والسؤال الراجل ده وزير معانا؟؟
والي لقاء
سلك

شارك الموضوع :

تعليقات الفيسبوك

تعليقات


2 التعليقات

      1. 1
        abu aabid

        يا ناس اليس فيكم رجل رشيد يعنى الكبكبه دى كلها عشان دورى الاتنين وتلاتين والا ختى ال 16 هل هذه هى غاية المريخ او الهلال عجبى الزول اليسمع فى فصاحتكم دى يقول برشلونة والا الريال غايتو غير الاسفاف والانحطاط ما شايف لى شىء

        الرد
      2. 2
        shms

        ماتعنى يسمى عقال بكسر العين وليس قطره .. وبعدين شفت الماسورة بتاعكم بكرى ؟ والله لوكنت المدرب يقعد بره من الشوط الاول ، عندى راى فيه من زمن الهلال والله كردنه ذى مابتقول عرفه مابستهال 10 مليون بالقديم مقلب ياالوصيف غايتو ينتهى الموسم ده شوفوا ليه صرفه بيعوا ان شاء الله بالعشر مايبقى ليكم كسرين …

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *