زواج سوداناس

نكون او لانكون !


شارك الموضوع :

* اليوم يومنا
* نكون او لانكون
* لاخيار آخر
* نكون فقط
* لأننا نريد ان نكون
* وليس بمستحيل ان نكون
* لأننا كنا قبل ذلك فلا غرابة ان نكون
* كنا حينما أقصينا الأفريقى التونسى وأتينا بمانديلا
* فماذا يمنعنا من ان نكون ونقصى الترجى لنعود بجوية جديدة؟!
* نكون او لانكون
* هو الشعار اليوم
* نكون لأننا كبار ونؤمن بأننا كبار وتاريخنا يثبت اننا كبار
* ليس بوبار فى بيت الأيجار
* بل بى حقنا وبى جوياتنا
* بل شديد
* ولا أظن أن التاريخ قد نسى ذلك
* مهما تناسى الآخرون
* أيها الناس
* إن كان البعض قد عود الترجى على الترجل عن صهوة التنافس أمامه
* فنحن اليوم نريد ان نجبر الترجى على الترجل
* دق الكفر دق الكفر يا مريخ يا خطر
* الترجى فريق كبير وعريق ومنظم
* ولكن لا نهابه
* نعمل له الف حساب لنقصيه
* ولن نستهتر به
* حتى نصفيه
* ووقتها يحق لنا ان نحتفل
* ضبيحة قدر ده بتحتاج إحتفالات
* إحتراماً للضحية
* أيها الناس
* المريخ يحتاج ثقتكم فيه ودعواتكم له
* وبعد ذلك اتركوا الأمر للمحاربين
* قطعاً سينتصرون
* سينتصرون لنا ولهم ولتاريخنا
* للكيان
* فقط نثق فى أنفسنا
* ونسد دى بطينة
* ودى بى عجينة
* حتى لايدخل كلام المرجفين والحاقدين والذين يشعرون بدونيه امام كل ما هو أجنبى
* المهم
* لانستعجل النصر
* ولاا نجرى خلف الهدف
* خلوا الجرى لى بكرى
* وجرية واحده مركزة من بكرى
* ستعلن توجه الترجى للكونفدرالية
* يشوف كونفدراليتو وين
* ويعرف حاجة
* المهم
* كورة ناس محمد عبدالماجد بتبدا الساعه تمنية
* ونحنا كورتنا بتنتهى تمنية
* كنا دايرين نقيف معاكم يا محمد عبدالماجد
* لكن اعذرونا
* عندنا حفلة بتبدأ الساعه تمنية إنشاء الله
* وكان ما عندكم حفلة يا محمد عبدالماجد
* تعالوا حفلتنا عازمنكم
* عندنا تصريح يا حمادة
* اوفر نايت
* ايها الناس
* البقت بقت
* الترجى أمامنا
* والكونفدرالية خلفنا
* بالتأكيد نختار الترجى ونبارزه فى بطولة ورجوله
* نفوز عليهو
* لأن الفوز على الأقوياء شرف كبير
* أما إستعراض العضلات امام الضعفاء
* فهذا لا اسم له غير حقارة ساى
* ونحنا ابطال
* بس ما حقارين
* الخفاف ديل بى هبشه بنبعدهم عن دربنا
* ونحب مقارعة الأقوياء
* لأنهم كبار مثلنا
* أقوياء بى حقهم
* بى بطولاتهم
* مابى السنتهم فقط
* ايها الناس
* ندعو الله بقلوب ثابته
* وننتصر بإذن الله تعالى
* ثم نفرح
* من حقنا ان نفرح
* نفرح لأننا إنتصرنا على فريق قوى وكبير
* معروف ومشهور وصاحب تاريخ
* حارس سانقا اسمو منو يا محمد عبدالماجد؟!!!!
* طيب رئيس سانقا اسمو منو؟!!!
* طيب رئيس الكونغو الفيها سانقا اسمو منو؟!!!
* لأنو كونغو سانقا بتختلف عن كونغو مازيمبى وفيتا
* إنفصلن يا عمك عن بعضهن
* يعنى زى ما تقول كده
* سودان كتور بختلف عن سودان المريخ وسودان اهلى شندى سياسياً ورياضياً
* اللهم أنصرنا لتسكت الذين يحقدون من باب ينتقدون
* اللهم وبلغنا مجموعات نستحقها يا رب العالمين
* اللهم بكرى المدينة
* قونو عندنا بالمجموعتين يا رب العالمين
* قون كده يجرى بالكورة من النص
* بكرى يجرى والتوانسه جاريين وراهو
* بكرى يجرى وفى سودانيين جاريين وراهو
* بكرى يجرى وفى بعض السودانيين جاريين منو
* ويدخلها قون
* يدخلها فى زمن صعب
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* قصة الجقور دى بقت قصة محيرة لينا
* لو جيتنا فى البيت يا والينا
* وشفته الجقور تتقدل سمينة وأمينة
* تحلف تقول أمينة الجقر والجقر امينة
* ولو شفتنا نتجرجر ضعاف لاطحنيه ولا طحينه
* تحلف تقول الجقور سيد البيت
* ونحنا الفيران يا والينا

ﺳﻠﻚ ﻛﻬﺮﺑﺎ

* ﻧﻨﺴﺎﻙ ﻛﻴﻒ ﻭالجقر كان سرحت ليهو يمين يشيل شنطتو ويمشى المدرسة، بس الخوف وهو راجع من المدرسه ياكل ليهو كوبرى؟؟!!
ﻭﺍﻟﻲ ﻟﻘﺎﺀ
سللللللللللللك

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *