زواج سوداناس

بكرة تعالوا بدري وسكوا بكري .. !


شارك الموضوع :

* وبسم الله نبدأ اليوم بالدعوات ونسأل المولى سبحانه وتعالى للوصايفة الثبات ..!
* الله يثبتكم لينا لحدي ما بكرة تجوا علينا ..(ويا سيمبو بطِلوا الرجفة والحركات وخليكم محترفين بحجم الدولارات والثبات) ..!
* خلخل المريخ عرش الترجي في رادس فأرتجف الكوكي في كنبة الوصايفة بالخرطوم ..!
* التوانسة يا كوكي عارفين حجم الزعيم ..(خليك تونسي عاقل وما دايرين كسير وحرائق ..ويلا إنضرب وأبقى مارق) ..!
* التباين الكبير في مستوى الزعيم والهلال لا يعنى أن التسعين دقيقة ستكون من طرف واحد فمباراة القمة لها حساباتها الخاصة و(نطلب من الجمهور الأزرق ضرورة مساندة “الأولاد” من الإستاد فالفريق حاجته للتشجيع الآن ضرورية وماسة) ..!
* الأولاد بخير طالما أن الهلال (جاي للضرب وسايق شفعوا ديل) ..!
* يا جماعة خليكم عاقلين قاهر عملاق باب سويقة لا يمكن أن تنتحر أمامه باطهر ووليد علاء الدين ..!
* من حق جمهور الوصايفة الإمتناع عن مشاهدة المباراة من داخل الإستاد إن كان الهلال سيلعب بمحمد عبد الرحمن والبرنس الصغير ..و(يا كوكي كدا غلط ورفقاً بالجماهير) ..!
* وين بوتاكو .. دايرين سيمبو .. وجيبوا سيسيه ..و(خليكم من سيدي بيه لانو أصلاً الكورة راحت عليه) ..!
* لو كنت من مشجعي الهلال – لا قدر الله – كورة بكرة في التلفزيون ما بحضرا ..و(يا الكوكي دق سدرك للماتش دا براك والله ما أمر بالهلاك) ..!
* هلاك .. سحق .. إبادة ..!
* بكرة خليكم جاهزين للإستمتاع بفيلم (هلاك الملايين) .!
* كورة بكرة نتيجتها يا مزمل محسومة لكن الإختلاف في معرفة عدد المرضى الذين سيتدافعون للمستشفيات بعد العاشرة مساء ..!
* بكرة بعد (العاشرة مساء) حتشوفوا برنامج وائل (الإنبراشي) ..!
* بالمناسبة : الكوكي بدي ملامح لوائل الإبراشي عشان كدا أوكرا قال فولت الأداء حيكون عالي ولو الناطقة بإسم التيم بقت منى الشاذلي ..!
* المشجع الهلالي العاقل هو من يكتفي بمشاهدة مباراة بكرة من منزله ..(ويا جماعة الزموا بيوتكم وجهزوا حبوبكم) ..!
* بكرة البخلي دارو ويسك هلالو بفقد مقدارو ..!
* أجمل مافي لاعبي الهلال أنهم يدخلون مباراة الغد وهم مقتنعين بالهزيمة ويبحثون عن الخروج بأقل عدد من الأهداف ..!
* تقليل الأهداف مسؤولية بكري المدينة .!
* يا عقرب .. (قونين كفاية .. خلي في قلبك شوية رحمة) ..!
* اي زول عندو شكوى ضد بكري بكرة المدينة بحسمها .. !
* بكرة تعالوا بدري وسكوا بكري ..!
* بكرة .. النطق بالحكم في كل الشكاوي و(العقرب حالف يعمل فيكم بلاوي) ..!
* بمناسبة البلاوي : الضرب ببدأ من سيمبو وبنتهي عند مكسيم مروراً بمساوي ..!
* سيبكم من أوكرا وركزوا مع العقرب ..!
* إذا كان بكري عقرب فإن كوفي دبيب ..!
* قلبي يحدثني بأن الدبيب كوفي سيفعلها غداً
* و(مادام نسي ” العقرب”
بكرة بجيهو ” دبيب”
وخلينا لي كفي
أصلو ضربو عجيب) ..!!
* ماهر ود يا كوفي ..!!
* أغرب ما في المحترف الغاني كوفي أن (ضلو ميت) و (ضربو حي) ..!!
* غريب يا ود يا كوفي ..!
* يدخل الغاني الفنان علي الكرة برفق ويستلمها بحنيه ويراوغ بيسر ويتحرك بـ(شبحات أخطبوطية) ويمرر لزملائه بمهارة ناعمة ولمسات سحرية ، ويلعب في المساحات الضيقة بأريحية فضفاضة ويجعلك ما بين الدهشة والقلق والتوتر عند استلامه للكرة أو التحامه بلاعب من الفريق الخصم .. لا يعرف العنف ويجيد السباحة في البر ويدخل المباريات لتنفيذ أجندة مسبقة ورؤى محددة بينما تسديداته لا تري بالعين المجردة ..!!
* ويا سمبو : عينك لكوفي البمتع الجمهور تتبرش ل(ديكور) .!
* للمعلومية : لم يستطع الوصايفة هذا الموسم الفوز على اي نادي يحمل أسم المريخ ..و(عقدة الأسم ستظل تلازمهم على مر التاريخ) ..!
* تذكروا أنكم غداً تلعبون مع قاهر الترجي، لذا يرجى الإستسلام المبكر والإبتعاد عن رفع رأيات التحدي ..!
* مخطئ من يظن أن الدفاع يمثل مشكلة الوصايفة الأولي فذاكرتهم الخربة تمثل أخطر داء وأكبر إبتلاء ..!!
* وما دام نسي (العقرب) .. يجينا بكرة بدري للبهدلة والشطب وإعادة (التذكير)..!!
* (التذكير) سبب النجاح ..!!
* إن كنت قد شاهدت من قبل أفلام (الإرهاب والكباب ، الراقصة والطبال ،الجميلة والوحش ، السلم والثعبان) فلابد لك غداً من حجز مقعدك مبكراً لإكمال المنظومة بمشاهدة فيلم (الإستسلام بدون كلام) ..!!
* الإستسلام لن يشفع لكم غداً وتسليم النقاط الثلاث لن يمثل لكم حائط صد ، فالخمساوية موعودون بإعادة مسلسل مازيمبي وتجرع كاسات هزيمة نكراء في ليلة (العقرب الحمراء) ..!!
* يا صفوة : تعالوا بكرة بدري أستمتعوا بالرش ..!
* و(الرش) داخل الإستاد على مسؤولية (عقربه) ..!
نقش أخير
* صدق صديقنا محمد طه القدال عندما أنشد قائلاً :-
(إن بليتا .. أختّ الرملة .. ما تقع المكان الهش.. دي الممطورة ما بتبالي من الرش) ..!

شارك الموضوع :

تعليقات الفيسبوك

تعليقات


3 التعليقات

      1. 1
        ابو خالد الدمام

        اخبار ستونة مجروس وانصاف مدني شنو يا بتاع ال….ما مشكلة اخبار المريخ زي اخبار الراقصات والفنانات

        الرد
      2. 2
        سوداني__لا حزبي__لا انفصالي _وحدوي

        خليك مع فلانة طلقوها وفلانة حننوها
        في كل مقال لازم تجيب اسم ولي نعمتك مزمل
        ياخي تعرصة الكبار شينة
        متصحف بليد

        الرد
      3. 3
        abo albnat

        والله العظيم انت اسخف من مشئ على الارض بكرى شنو ياوهم بكرى حيشوف جنس دروشه والشطب حيكون بالكوم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *