زواج سوداناس

بالصور..عبد الرحمن يسلم عبد الرحيم مفاتيح مشاريع الخرطوم (عاصمة الخدمات والجمال)



شارك الموضوع :

جرت يوم السبت على نطاق واسع عمليات تسليم وتسلم ميدانية لمشاريع البني التحتية والخدمات تحت التنفيذ بولاية الخرطوم وذلك بين الفريق أول ركن مهندس عبد الرحيم محمد حسين والي الخرطوم ود. عبد الرحمن الخضر والي الخرطوم السابق وذلك بحضور وزراء البني التحتية والمواصلات والمالية والتخطيط العمراني ومعتمدي محليات الخرطوم وشرق النيل ومدير عام وزارة البني التحتية والمواصلات ، حيث شملت المشاريع مشروع جسر سوبا ومشروع العودة للإسكان الفئوي وجسر الشهيد مندور المهدي بميدان المولد بالخرطوم ومحطات القطار المحلي للمواصلات ومحطة ود دفيعة لمعالجة مياه الصرف الصحي ومواعين ومراسي النقل النهري حيث وصل العمل بهذه المشاريع مراحل متقدمة ومن المتوقع ان تكتمل جميع الأعمال الخرصانية بجسر سوبا في منتصف سبتمبر القادم بالإضافة إلى الأعمال المستمرة في مسار الجسر من الجهتين الشرقية والغربية فيما وصل مشروع العودة للإسكان الفئوي مراحله الأخيرة وبدأت بالفعل عمليات طرح المرحلة الأولى للمشروع بعدد 1260 شقة ، ووقف الوالي على مشروعات الإسكان الفئوي الأخرى بمناطق كرري وأبو آدم وطالب بضرورة وضع التدابير اللازمة لاستمرار مشاريع الإسكان باعتبارها من المشروعات المهمة التي يحتاجها المواطن ، وفي كبري الشهيد مندور وصل العمل نسبة 85% ومن المتوقع ان يكتمل خلال شهر واحد وسيعمل الكبرى على تسهيل حركة المرور في كل الطرق المتفرعة من تقاطع الامدادات الطبية ، وفيما يلي محطات القطار المحلي فقد اكتملت الأعمال الخرصانية بجميع المحطات ومن المتوقع ان تصل من الصين خلال الأيام القادمة والمطلوبات التي سيتم تركيبها بهذه المحطات لتصبح جاهزة للعمل .
كما استلم الوالي محطة الصرف الصحي بود دفيعة التي ستعمل على معالجة مياه الصرف الصحي لتضع حلاً نهائياً للمشكلة البيئية في المنطقة ودخلت المحطة مرحلة التشغيل التجريبي بنقل المياه المعالجة إلى منطقة حطاب بشرق النيل للاستفادة منها في إقامة حزام غابي في المنطقة ، كما تفقد الوالي مراسي النقل النهري وقام برحلة تجريبية على متن احد المواعين التي تستخدم في النقل النهري واستمع إلى تقرير من مجموعة جياد المنفذة للمشروع حول المراحل المتبقية وبقية المواعين والتي يتوقع وصولها قريباً.

الخرطوم 13-6-2015م(سونا)
الخرطوم1

الخرطوم2

الخرطوم3

الخرطوم4

الخرطوم5

الخرطوم6

الخرطوم7

الخرطوم8

الخرطوم9

الخرطوم10

الخرطوم11

الخرطوم12

شارك الموضوع :

تعليقات الفيسبوك

تعليقات


23 التعليقات

إنتقل إلى نموذج التعليقات

      1. 1
        فيصل

        خسرت ولاية الخرطوم قيادياً لا يشق له غبار يسهر الليل ولا ينام الا قليلا رجل طيب القلب سعادة الدكتور عبد الرحمن الخضر مبروك عليك راحت البال فهنيئا” لك ،،،،انجازاتك الضخمة ستظل علامة تاريخية في نهضة الخرطوم ونسأل الله التوفيق ل عبد الرحيم ان يكمل المسيرة

        الرد
        1. 1.1
          محايد

          أكبر حرامي ولص .. وأفشل والي في تاريخ السودان ..
          وعبد الرحيم فعلا حيكمل المسيرة ..

          الرد
          1. hassan

            كل اناء بما فيه ينضح . هل لك دليل على ما تقول يا محايد ام تتكلم عن حالك.

            الرد
            1. محايد

              لما غسان مات قالو ما تتكلموا في زول ميت ..
              وهسه الخضر قلتوا جيبوا الدليل ..
              طيب ياربي الزور الأراضي واكل القروش منو ؟؟ .. واللي ابتدع فقه التحلل منو ؟؟ .. والأراضي نفسها مشت لصالح منو ..
              عندي دليل يا أخوي .. وتاني بقول حراااااااااااااااااااااااااااااااااااامي ولص محتال كمان .. ولو ما حرامي يجي يورينا السرق قروشنا منو .. دي مليارات كانت كافية لإقامة مستشفى في كل حي من أحياء الخرطوم مشت ويييييييييييييييييييييين ..

              الرد
          2. Mukh mafi

            ليس دافعا ولكن احقاقا للحق .. الله بيسالك ماذا تعرف له من سرقات ؟؟ هو او غيره هل رايت او شاهدت او تاكدت من شيئ لتقول هذا الكلام ام انكم ابواق ببغاوات تردد مايقوله سفهاء لا يعرفون مايكتبون ويرمون الناس بالياطل دون دليل ..
            انا شخصيا لست نظاميا ولا ادافع عن النظام الا في حالات المساس بالوطن وفي نفس الوقت لا اومن بمثل هذه الاتهامات التي يفبركاها الراوكبية وغيرهم .. في السبعينات كنا نتظاهر ضد المرحوم نميري ونقول سرق وعمل وعمل وامتلك شقق في لندن وسويسرا وانه وانه ووزرائه يفعلون ويفعلون مات الرجل ووجدنا انه لايملك حتى حجر يوضع كشاهد على قبره فيا ايها السودانيون لاتكون كلكم مشاطات تنقلوا الكلام من غير دليل ولا وزاع ضمير او خوف من الله ..
            انت يا محايد ان كنت محايدا فلن تشتم بل تعدد السلبيات والا فان لجؤك للشتم يبرهن انك في خندق اخر ..
            ونسألك بالدارجي قبل عشر سنوات هل الخرطوم هي الخرطوم ام تغيرت .. نعم هناك تضخم وضائقة ولكنها مشكلة سببها الحصار والمقاطعة التي لا مبرر لها مع الخرطوم الخرطوم ليست اسوأ من القاهرة ولا اسوأ من اي دولة اخرى فلم تحارب دون غيرها .. او تدري لماذا ؟؟ لان اليهود يتمسكون بكلمات السابقون منهم يجب ان لا يسمح للسودان بالتطور فاهله اكثر الدول العربية يمكنهم التعلم والتطور ويمكن ان يصبحوا في سنوات قليلة في مصاف الدول المتقدمة وهذا خطر على اسرائيل .. والا بماذ تفسر لنا لم السودان دون غيره ؟؟؟ لاتقل حقوق وماحقوق فحقوق المواطن ليست باسوأ من بورما ولا ارتريا ولا ليبيا ولا المغرب ولا الاردن كلها اسوأ بكثير كثير مننا فلم العين علينا فقط .. ولم نحن فقط تخلق لنا المشاكل الاقليمية وتدعمها الامم المتحدة

            الرد
            1. محايد

              أوريكم ماذا أعرف من سرقات ؟؟
              فساد الأراضي يا سادة .. قام به أعضاء مكتبه .. وحين تم القبض عليهم أبتدعوا فقه التحلل ..
              علما بأن الأختام هي أختام الوالي .. فمن يضمن انه غير مشارك فيها ؟؟ .. ولماذا لا يحمي اختامه ؟؟ .. ولماذا يمنح الوالي أصلا صلاحية التصديق بأراضي مليارية ؟؟
              غسان مات .. أين البقية ؟؟ .. أين التحقيق ؟؟ .. من الذي سرق ؟؟ .. غسان نفسه من هربه وكيف افرج عنه ؟؟ .. من المسئول عن القضية كلها إن لم يكن الوالي ؟؟
              حماية الفساد يا سادة ليس أقل من الفساد ..

              الرد
            2. محايد

              تغيرت نعم لكن للأسوأ ..
              عندما استلم هذا الوالي الفاشل كانت العاصمة نظيفة وتحولت في عهده الغابر لمكب نفايات ..
              عندما تسلم هذا الفاشل لم تكن هناك مشكلة مواصلات .. بدأت في زمنه وجلس في المنصب ستة سنوات لم ينجح في تخفيف المشكلة ناهيك عن حلها ..
              حين تسلم هذا الوالي الكارثي .. فشل في حل مشكلة تصريف الأمطار .. أو تعويض المتضررين .. أو مشكلة المياه التي تفاقمت ..
              في ماذا نجح إذن ؟؟ .. وأين ذهبت مليارات الجبايات ؟؟
              هذا الشخص عبارة عن فشل يسير على قدمين .. وكان عليه أن يستقيل حين انكشفت فضيحة الأراضي لكنه لا يستحي من فشله والشئ من معدنه لا يستغرب ..

              ورجاء ما يجي يفك لينا قرايبه هنا يدافعه عنه .. لو كان عمل حاجة نافعة كان شفناها .. وبراكم شفتو إيلا كيف استقبلوه في الجزيرة وكيف ودعوه في البحر الأحمر .. ولو فيكم زول في الخرطوم كان حيشوف فرحة الناس بزوال هذا الهم .. مع قناعتي أن عبد الرحيم أيضا شخص فاشل وفاسد بدليل عمارة الرباط التي سقطت وفندق الشرطة الذي لا يزال لليوم أعمدة خرصانية .. والعمارة الأخرى التي احتاج تدعيمها ما يوازي ثمن عمارة أخرى .. ثم ما فعله بشراء أسلحة فاسدة للجيش مما تسبب في إنقلاب مجموعة ود إبراهيم .. جميعهم لصوص نعم .. لكن الفرق أن عبد الرحيم سيحاول عمل شئ عكس الخضر الذي لم يحاول أصلا أن يخرج من الفشل قيد انملة ..

              الرد
        2. 1.2
          عصام تاج الدين محمد

          سهران الليل في شنو يا الحبيب؟؟؟ كملتو علينا الثلج في الصيف الحار دا!!! ووين التحلل ووين قروش الشعب السوداني اللي سرقوها ناس مكتبه وقال ليهم تحللوا تحللوا ؟؟؟؟ ولا شنو يا Hassan باشا، ومحايد صادق فيما قاله. بعدين يا كثر الأدلة اللي جابوها الناس في كل حالات الفساد والسرقة وفي الآخر حصل شنو!!! كدي نشوف مفوضية الضبابية ومساندة الفساد الجديدة دي حتعمل إيه!!! بلاي عمرك في العالم كله سمعت بوالي أو حاكم يركب يمشي الصين عشان يشتري باظات ، والنتيجة كل الباظات بايظات ولو ما مصدق يا Hassan أركب بص الوالي وامشي سباق الخيل في الخرطوم وشووووووووف بأم عينك مقبرة الباصات الوالية!!!!!!!

          الرد
      2. 2
        طارق ابوالحسن

        البعرف عبد الرحيم بقول ليك الرجل كان ما بنوم طول الليل حائما في الخرطوم

        الرد
      3. 3
        الجعلي الحر

        بسم الله

        اللهم ارحمنا
        المطلوب الان من حاكم الخرطوم الاهتمام بالخرطوم و انسان دوله الخرطوم السودان المصغر

        المطلوب نظافه العاصمه و تصليح الشوارع من الحفر و المطبات و البلاعات

        الاهتمام بوصول الماء و الكهرباء لاي بيت بزياده الطلمبات و الابار
        البلد دي وين شركاتها نزلهم درش نزلال الاليات الي الشوارع و اي محليه تساعد بشبابها من اجل ترميم شوارعها
        دايرين انجاز دايرين شغل تعبنا من النضمي

        حاكم الخرظوم الرجاء الرجاء زياره اقدم اسواق السودان سوق الشولات و الاغتصابات ام درمان سابقا
        لتري بام غينيك كيف حولوا المسؤليين انظف سوق سابقا الي سوق شوالات و قاذورات و بلاعات و تكدسات
        انتقاما من اهل امدرمان السودان الصغير
        صدقوا لالاف الطبالي و الشوالات و المحلات العشوائيه ف اماكن ضيقه بدون خرطه هندسيه و لا يحزنون بس همهم الكاش
        اذا حبييت ان تعرف نظافه بلد انظر الي اسواقها

        الرد
      4. 4
        الواضح مافاضح

        الناس الكتار ديل كلهم تبع الولاية والله شنو طيب لماذا المشاريع دايمن غير مجوده وبعد مدة بسيطه تخرب لو كل واحد من هؤلاء مسك ليهو مشروع وتابعه بنفسة كان الخرطوم بقت جنه ولكن للاسف جلوس في المكاتب ومتابعة المسئول في الزيارات فقط وبعدين صرف الحافز بتاع مبارات المسئول .

        الرد
      5. 5
        كعوشل

        في اي معركة استشهد الشهيد منــــــــــــــــــــدور المهدي ………………!؟

        الرد
      6. 6
        زيكو

        مشكلة بلدنا في رأيي هي مشكلتنا كشعب – المشكله ليست في الحكومة المشكله فينا كشعب تحكمه الحكومه نحنا شعب جاهل دي كل المشكله البتواجه السودان – فان كان العكس كان حا يكون عندنا بلد وحكومة نفتخر بهما وتفتخر بنا وترعاناوتعمل مليون حساب لنا .. واعتقد ان من مصلحة الحكومة والنظام ان نظل جهله ونحن مستسلمون للجهل والمرض والفقر ونتتريق ونضحك ونصنع النكات

        الرد
      7. 7
        كركاب

        يعني كبري الدباسين ح يستلمه الوالي الجاي بعد انتهاء فترة عبدالرحيم (5سنوات)

        الرد
      8. 8
        جستن بيبر

        علي الشعب أيضا ان يقوم بدوره .. نحن شعب صعب اذا تعطلت إشارة المرور ثواني تلقي الشارع اتقفل ومافي واحد بيزح يمرر التاني الا يجي بتاع حركة ! واذا واحد بيبني في بيته بيشيل انقاض البيت يكبها يقفل بيها الشارع وما يشيلها .. وبنرمي الوساخة في الشارع .. تلقي واحد بياكل ساندوتش في عربيته وهو سايق ويرمي الكيس والوق بتاع السندوتش في الشارع وبرضه يرمي فوارغ قوارير المياه والعصير .. وبعدين بصراحة لازم نرتقي ونخاف الله كشعب عشان البلد تمشي

        الرد
      9. 9
        abu hassan

        انتو يانس النيل م احترامي ليكم تقول عاصمة الجمال والخدمات هي وين الخدمات دي كهربتنا لحد الان بتقطع والمويه سيئة انتو سبب تدمير بلادنا لانكم بطبلو للحرامية

        الرد
      10. 10
        أبو الحسن مصطفى العقلى

        نصيحتى للوالى أبعد ذوى الكروش ديل من عندك -اصخاب اضرب واتحلل

        الرد
      11. 11
        أبو أحمد

        استغفر الله والحمدلله ولا اله الا الله والله اكبر

        الرد
      12. 12
        ِالسوداني

        مشاريع شنو وكلام فارغ بتاع شنو ؟؟؟ الخرطوم عطشانة وسوف تغرف في شبر موية من هطول أول مطرة “رشة” شوف أبو كرش كبير البتكلم معه عبدالرحيم محمد حسين ده ” هل هذا يرجي منه …. “

        الرد
      13. 13
        خرطومي قديم

        المشكلة الخرطوم ضاقت بما رحبت لم تصمم الخرطوم لهذا الكم الهائل من البشر والذي سببه المباشر الحكومة بعدم التنمية في الولايات فالكل صار يبحث عن لقمة العيش والعلاج والتعليم في الخرطوم فحصل تكدس رهيب وتمددت الخرطوم بدون دراسة لأن التمدد يحتاج لخدمات لاتستطيع الحكومة توفيرها أصبحت أسعار الأراضي في الخرطوم أغلي من دول أوربية زمان الخرطوم كانت نظيفة وهادئة وأهلها يحافظون علي نظافتها وكانت ثقافة سائدة لكن مع التوسع ودخول تركيبة أخري لاتحمل هذة الثقافة أصبح من الطبيعي أن تشاهد واحد يقود عربتة ويرمي الكيس في الشارع عادي لقد اصبح هذا واقع وعلينا التعايش معه والبحث عن العلاج والذي يصعب أيجادة في ظل عدم وجود موارد تساعد علي التنمية

        الرد
      14. 14
        عباس احمد

        وما فائدة التسليم من غير محاسبة دى نفسها دعوة للفساد لانو بقولوا المال السايب بيعلم السرقة التسليم مفروض يكون من محاسبين ومراجعين لكل ما ا ستلمه الوالى القديم من اموال وقروض وجبايات وغيرة والمحاسبة اين ذهبت وماذا تبقى منها ويتم الجرد والماسبة ويستلم الوالى الجديد ويوقع على ما استلمه لان طربقة تسلمكم هذه بقالة بقالة فى ناصية شارع ما بسلموها بهذه الطريقة ولكن نقول ايه مال الشعب مال سايب ولكن اعلموا ان من لم يحاسب اليوم فسوف يحاسب غذا والحساب عسير وليس هناك مجاملات لاحد ايا كان .

        الرد
      15. 15
        صديق حامد

        للجميع إياكم والحديث عن الناس كلهم إى كان هكذا بدون وجود إدله وتزكروا جيدا أخوتى وأخواتى قوله تعالى ( يوم لاينفع مال ولا بنون الإ من أتى الله بقلب سليم ) وإيضا قوله ( كلهم آتيه يوم القيامه فردا ) الله ورسوله أعلم فأن سرق الوالى أو أفسد أو قتل سيعرض يوم القيامه على القوى الجبار خالق السموات والارض فلا رئيس يحميه ولا بطانه تقيه من عزاب القبر و حساب الله عز وجل وكثيرين هم الذى باعوا أنفسهم للشيطان وأخزتهم العزة بلإثم فحسبهم جهنم ولنعم المهاد وأسال الله لهم الهدايه والتوبه والرجوع لله سبحانه وتعالى فى هذه الشهور المباركات .

        الرد
      16. 16
        هشام

        خير خلف لخير سلف

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *