زواج سوداناس

الهضم بـ(الاغاني).!


شارك الموضوع :

*في شهر رمضان، وفي كل بلاد العالم يقوم المواطنين بهضم الطعام عبر وسائل مختلفة واغذية ومشروبات مختلفة كذلك.
*اما نحن في السودان، فنصنف بأننا الوحيدون الذين نقوم بهضم الطعام بـ(الاغاني)،
واقرب مثال برنامج (اغاني واغاني).
*بالله تختّ (اللقمة) بي جاي…وتقبل على عمك قدور طوالي.!
*في واحد قال لي قبل كدا: (يااستاذ…ياخي اغاني واغاني دا برنامج عندو اكتر من هدف).!
*والله كلام الزول دا ماوقع لي إلا هسي.!
*وعرفت انو واحد من الاهداف دي (تسهيل عملية الهضم على المشاهدين).
*دي البرامج ولا بلاش.!
*شاهد…واهضم.!
*الان…فرصة ذهبية…شاهد (اغاني واغاني) واهضم فطورك (مجاني).
شربكة:
*واحد صاحبي سألني: (طيب…طالما الموضوع كدا…انا بحضر اغاني واغاني وبرضو الاكل مابتهضم لي).
*قلت ليهو: (طوالي تمشي الدكتور وتشوف روحك مالا…كمان عايز تشككنا في البرنامج)..؟..هووووووي…احسن ليك.!
شربكة ونص:
*ممكن في البرنامج يكون في فنان او فنانين او تلاتة مابساعدوا على عملية (الهضم)…بس كمان ديل عندهم فوائد تانية بوريكم ليها بكرة بأذن الله.!
شربكة ونص وخمسة:
*ههههه…والله نحن شعب طيب خلاص.

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *