زواج سوداناس

الترابي زار الجريدة وطاف علي الاقسام ودخل قسم التصميم ،وجد حنان بلوبلو مهججة الدنيا.. وحسين خوجلي يصاب بالاحراج



شارك الموضوع :

تصميم الجرايد زمان ما كان بالكمبيوتر زي هسع .. كان في كم نفر كدا بصمموا الجرايد كلها ..

صحيفة الوان ..الله لا كسّبها .. كان بصممها واحد عندو عجلة ومسجل .. بخش الجريدة ويشغل المسجل بتاعو علي شريط حنان بلوبلو فنانتو المفضلة ..

بعدين يوم ..الشيخ حسن الترابي زار الجريدة وطاف علي الاقسام ودخل قسم التصميم لقي ليك بلوبلو مهججة الدنيا .. حسين خوجلي بسرعة مد ايدو يقفل المسجل لكن الشيخ منعو .. حسين احرج جدا واخر اليوم نادي الراجل وقاليهو وقت انت بتحب الاصوات النسائية هاك اسمع دي .. وادهو شريط لفنانة عربية مجيدة .. تاني يوم الراجل جا ورجع الشريط لحسين وقاليهو ..

هاك .. انا الغنا … المعسّم دا … ما بنفع معاي ..

حلقة الليلة ما فيها ولا غنية واحدة معسّمة ..لا لحن ولا كلام ..

ابوقطاطي وخليل اسماعيل من ابسط الناس .. واغناهم عاطفة ..

خليل اسماعيل ود بلد ..حساس وبحبو الناس ..خفيف وقلبو حي ..

امهاتنا الكبار كانن بلبسن السبحة في ايدهن .. زي الغويشة احفظ مالك .. المنظر دا بقي اكبر رمز للحنية علي الجميع ..حتي ولو لم تسمع كلمة ..يا حشاي ..!

خليل اسماعيل قدر ما عمل ..ما قدر يفرّغ لهف نفسو الشفيفة .. ربط السبحة علي ايدو متل حبوباتنا .. حين غني .. بكرة يا قلبي الحزين تلقي السعادة .. !

ود اللمين ..الباشكاتب .. قال ..كنا لمن نكون دايرين نسمع غنا وننطرب ..كفنانين ..كنّا بنادي خليل اسماعيل .. فاصبح اسمه ..فنان الفنانين ..!

من صفات خليل الشخصية انه كان يحب النظافة .. قيل لدرجة الهوس … في يوم مشي يغني في حفلة ..فدخلوهو البيت في اوضة جنب صيوان الطباخ ..الطباخ كان جايط الدنيا جوطة شديدة .. فخليل استاء جدا .. بعدين جاتو غفوة كدا .. وصحي علي صوت طلقات رصاص لمن العرسان جوة .. فصحي وقال للجنبو .. اها قتلتوهو ..? قالوا ليهو منو .. قاليهم ..الطباخ ..

احنا ناس بسيطيين .. بساطتنا جاية من روح خفيفة شفافة رقيقة ..سوّت ليها درقة .. الدم الحار ..زي ابو القدح كدا يعني ..!!!

اقل هبشة ..كااافية انها تهز الساكوبيس الخفيف دا .. كلو كدا علي بعضو .. ديل نحنا كدا .. اكثر حساسية ..لكننا لسنا اكثر هشاشة ..!

الله يرحمك يا استاذنا خليل اسماعيل .. ويرزقك جنة بغير حساب ..

و …

سلّميلي علي الحبيّب …

المهم .. تلقيهو طيب .

بقلم: محمد حسن المهدي

شارك الموضوع :

تعليقات الفيسبوك

تعليقات


3 التعليقات

      1. 1
        البجاوي

        علي اليمين سرحت بينا ونسينا الحاصل شنو؟ الله يرحمك يا خليل اسماعيل ونحن في فجر ليلة 27 رمضان.

        الرد
      2. 2
        الصريح

        ثعلب مكار !!!!!

        الرد
      3. 3
        مون

        الجمهور – سرّبت مجموعة قراصنة إلكترونية شهيرة، تحمل اسم CyberBerkut، ومقرّها روسيا، فيديو من الحاسوب الشخصي لأحد مساعدي السيناتور الأميركي، جون ماكين، يظهر فيه كواليس تصوير أحد أفلام “داعش”. فالمقطع الذي اقتنصته المجموعة أثناء زيارة ماكين لأوكرانيا، كشف عن كواليس سينمائية، لتصوير أحد فيديوهات الذبح الشهيرة لتنظيم الدولة الإسلامية في العراق والشام “داعش”، حيث الذابح الداعشي، والمذبوح الضحية، ممثلان يؤديان دوراً، وليسا واقعيين، إذ يبدو واضحاً في الفيديو الإشراف “الهوليوودي” على التصوير في استديو سينمائي محترف، وليس في إحدى مناطق سيطرة داعش. ووجّهت مجموعة القراصنة رسالةً إلى ماكين أكدت فيها، أنها تمتلك ملفاً “غاية في الخطورة”، استحوذت عليه من ملفاته الشخصية، ونصحته بأخذ الحيطة والحذر في المرات القادمة، بعدم حمل ملفات مهمة، خصوصاً عن زيارة أوكرانيا. مقطع الفيديو الذي تم تداوله على منصات التواصل، ومن المتوقع أن يفتح مجالاً واسعاً للجدل والنقاش، وسيستقبله أصحاب نظرية “المؤامرة” بالكثير من الترحاب، يطرح تساؤلات حول كل فيديوهات “داعش” السابقة، ويدعم كل الفرضيات حول وقوف محترفي سينما خلفها، خصوصاً مع زوايا الكاميرا، والمؤثرات البصرية والصوتية، والتي يصعب تواجدها مع تنظيم، يفترض أن “التحالف الدولي” يقصف مواقعه ليل نهار. القراصنة رفعوا الفيديو على أكثر من عشرة حسابات على “يوتيوب” في توقيت متقارب، وهو يأتي بعد زلة لسان الرئيس الأميركي باراك أوباما، والتي قال فيها، إن الولايات المتحدة تقوم بتدريب قوات “داعش”. – See more at: http://aljomhoor.net/content/13947/%D8%A7%D9%84%D8%AA%D8%B3%D8%B1%D9%8A%D8%A8-%D8%A7%D9%84%D8%A3%D8%AE%D8%B7%D8%B1-%D8%AC%D9%88%D9%86-%D9%85%D8%A7%D9%83%D9%8A%D9%86-%D9%8A%D9%8F%D8%AE%D8%B1%D8%AC-%D8%A3%D9%81%D9%84%D8%A7%D9%85-%D8%AF%D8%A7%D8%B9%D8%B4%D8%9F#sthash.fCQC3FSF.dpuf

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *