زواج سوداناس

كهربة الجنريتر ما بتعالج جنريتر



شارك الموضوع :

> اكتب قبل لقاء سموحه
> وسموحه للدنيا والزمان
> فريق بتاع كرة طائرة
> هفت ليهم يلعبوا كرة قدم
> قاموا شافوا جكتهم فيها
> وهو فريق مغمور
> الحظ وحده ابقاه بالممتاز المصري
> وفريق حله ساي
> بدليل انو جاب معاهو طلطاشر لاعب بس
> جايين بي هايص يا كافي البلا !!!!
> المهم
> من المتمهيدي والي اليوم
> ماشه باسطه مع ابو الهل
> القرعه طبعا
> طواااالي (طره )
> من كي ام كي ومرورا بالفشنكات ثم سانغا الماعندو ولا مشجع في بلدو
> الي سموحه والتطواني وحتي مازيمبي اصبح تايواني
> لكن يا القرعه بالغتي
> ده كلو قرعه عاديه سااااي؟؟؟
> المهم
> برغم مستوي سموحه المتواضع
> لكن نتوقع منه نديه للهلال
> لان مستوي الهلال لايميزه عن سموحه
> ولو لا اخطاء التحكيم السوداني (الماقمقصوده )
> لكن الهلال اليوم في المركز السابع في الممتاز
> اتنين بلنت في كورة النسور لصالح النسور اخطأ فيهما الحكم
> وبلنت في كورة المريخ كالعاده حرم منه المريخ (بخطا) للحكم غير مقصود
> يخطئ ولا يظلم
> والامثله كثيره
> المهم
> مافعله مامادو كيتا بالمريخ في الجزائر
> جزار في الجزاره ما عملو
> بدون ادني خجله
> نقض اجمل هدف في البطوله بدون مبرر
> وتقاضي بعدها بدقيقة عن ضربة جزاء اوضح من الشمس
> مامادو تراوري مقتنع انو الهدف صحيح
> البقنع ناس روشا شنو؟؟؟؟؟
> قال اتقوست بره ودخلت تاني
> اتقوست بالقا يا روشا !!!!!
> البلنت برضو اتقوس لاعبنا بره الخط حتي وقع جوه خط سته ؟؟؟
> ايها الناس
> لو لا ان المريخ كبير
> لما تواطأ اهل الجزائر عليه
> جوه بلدهم ويعتمدوا علي التواطوء
> ده اعتراف منهم بان المريخ كبير
> ولكن الي متي يعيش الاتحاد الافريقي في هذا الظلم؟؟؟
> الفساد الذي ظهر من بلاتر وادارته
> هو فساد معظمه في اروقة الاتحاد الافريقي
> والله افسد من ظلم
> لكن ماممكن رب العباد يخلقهم ويخليهم للفاسدين يعملوا فيهم زي ما دايرين
> اكيد ربنا حاينصر المظلومين
> ان الله لا يصلح عمل المفسدين
> المهم
> تحيه اكررها لاشاوس الزعيم
> جهاز فني واداري ولاعبين
> وجماهير شفوت
> وصدقوني
> مهما حصل
> لن يستطيع مفسد ان يوقف مسيرتنا للمطار
> ايها الناس
> كنت اتوقع تصرف بحجم الكارثه من المجلس
> علي الاقل تلويح بالانسحاب
> او خطاب رسمي نشكو فيه الحكم والفساد ونحذر
> وموقف يخل ي الاتحاد الافريقي يبرطم
> ولكن الرئيس خارج البلاد
> ونائب الرئيس مستقيل
> والسكرتير اعتزل بالدس
> ونائب السكرتير خارج البلاد
> والبقيه لاتسمن ولا تغني من جوع
> حته زي دي مفروض نصعدها عشان يعرفوا حاجه
> نوريهم الطفي النور منو
> المهم
> لايوجد فريق بالمجموعات يستحق البطوله غير المريخ
> ده تقييم من ناحية مستوي
> هي كورة ولا حاجه تانيه !!!
> لو كانت كورة الكاس كاسنا
> ونحنا اهلو
> ونستاهلوا
> ولو كانت حاجه تانيه
> نحنا ما بننافس علي حاجه تانيه
> نزيهين نحمد الله
> وامور تلاته ورقه بعرفوها ناس ابو ورقه
> ابو ورقه فيها غيروا فيها اتني لي اطناشر
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> عندنا مريض نفسيا يا والينا
> هايج تلاته يوم يا والينا
> كهربا نعالجوا بيها ما لقينا
> وكهربة الجنريتر مع الجنريتر ما بتنفع يا والي
> نخليهو كده طايح فينا
> ولا نفكوا ليكم يوريكم ويورينا ؟؟؟؟
سلك كهربا
ننساك كيف والكلب بجي قبل العربيه والكهربا ما بتجي يا والينا
والي لقاء
سلك

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        ابوخليل

        هضربة وبس

        الرد
      2. 2
        الكترابة

        البقية لاتسمن ولاتغنى عن جوع .. يعنى ياسلك المريخ مدور بس بالوالى اذا الوالى غاب غاب المريخ …
        وكهربة الجنريتر مابتعالج الجنريتر .. اتقطعت فيها

        الرد
      3. 3
        محمد الزين

        يا سلك رمضان كريم انت لاتري شي في الهلال جميلا وبعدين مواضيع الحكام دي شاغلين بيها الناس كتير في الفاضي انت لو عندك حبت ضمير هل ضربة الجزاء التي حسبها الحكم ضد الترجي في ام درمان صحيحة كل الناس اتكلمو عنها وهي كانت سبب في تاهلكم لدور الثمانية وبعدين تعال هنا كم هدف ضايع من اتحاد العاصمة وكم تسلل حسب عليهم انت ما لعبيت في الجزائر اكثر من 14 دقيقة الاخيرة كنت مدافع بس واعطيت الفريق الجزائري اكثر مما يجب كوفي واوكرا ديل لو دخلو من بداية الشوط الثاني كان الجزائريين فهمو حاجة انتو مطبلاتية ساكت لقيتو فرصة واصبحتو صحفيين بالصدفة جد ليكم .

        الرد
        1. 3.1
          ابو خالد

          هههههههههههههههههههه حلوة الجملة الاخيرة (صدقت ياود الزين — بالله بس ده جابو من وين)

          الرد
      4. 4
        ADIL

        الزول دا عارف انه سموحة لاعب في البطولة دي بصفته بطل للدوري المصري؟بعدين نفس الصدفة الخلت سموحة يلعب في هذه المنافسة هي الخلت واحد متخلف زيك يعمل فيها صحفي.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *