زواج سوداناس

الكهرباء تتمسك بزيادة التعرِفة



شارك الموضوع :

تمسك وزير الموارد المائية والكهرباء معتز موسى، بتطبيق تعرفة جديدة تشمل زيادة أسعار الكهرباء في الفترة المقبلة، مشدداً على عدم تأثر الفئات الضعيفة بالزيادة تنفيذاً لتوجيهات الرئيس عمر البشير، ومؤكداً استمرار الدعم الحكومي لـ(200) كيلوواط الأولى.

وأعلن في برنامج مؤتمر إذاعي بالإذاعة السودانية يوم الجمعة، أن خطة الوزارة للعام 2016م، ستكون خالية من برمجة قطوعات الإمداد الكهربائي بعد إضافة توليد إسعافي حراري وتشغيل المحطات بطاقتها القصوى، مؤكداً أن العام القادم سيكون أفضل “ما لم يحدث طارئ خارج نطاق التحكم”.

وقال موسى إن تعديل تعرفة الكهرباء ليس الغرض منها زيادة الموارد المالية وإنما الحد من الاستهلاك الكبير للكهرباء في ساعات الذروة والتي تكلف الدولة مئات الملايين من الجنيهات.

اجتماع الرئيس

وزير الكهرباء: تعديل التعرفة يهدف لتحقيق قدر من العدالة بين فئات المجتمع والحد من استهلاك ذوي الدخل المرتفع للكهرباء في ساعات الذروة

ووصف الاجتماع الأخير الذي عقده الرئيس عمر البشير بخصوص الكهرباء والذي ضم نائبيه ومساعديه ووزارتي الكهرباء والمالية وجهاز الأمن والمخابرات بأنه كان رفيعاً ومهماً جداً واستغرق أربع ساعات تناول الخطة الإسعافية لما تبقى من العام 2015 والعام القادم 2016، والخطة حتى العام 2020.

وقال موسى -بحسب وكالة السودان للأنباء- إن تعديل تعرفة الكهرباء ليس الهدف منه توفير موارد مالية للحكومة إنما السعي لتحقيق قدر من العدالة بين فئات المجتمع والحد من استهلاك ذوي الدخل المرتفع للكهرباء في ساعات الذروة.

وأوضح أن قطاع الكهرباء يكلف كثيراً، مدللاً على ذلك بأن تكلفة بناء محطة كهرباء تبلغ مليار ونصف المليار دولار يضاف إليها تكلفة عملية التشغيل من الوقود التي تبلغ ما بين 500-600 مليون دولار، بجانب تكلفة قطع الاسبيرات.

الفئات الضعيفة

موسى أكد سعادته بالتداول الإعلامي الواسع لقضايا الكهرباء عبر مواقع التواصل الاجتماعي ووصفه بالتعاطي المحمود رغم النقد والرسوم الكاريكاتورية الساخرة

وشدد موسى على عدم تأثر الفئات الضعيفة ومتوسطي الدخل من أي تعديل يطرأ على تعرفة الكهرباء، وأضاف متسائلاً “ما هي الأسس الأخلاقية والقانونية التي تجعل الحكومة تدعم مواطناً مقتدراً”، مؤكداً أن الـ(200) كيلوواط الأولى من الاستهلاك ستظل مدعومة.

وكشف عن شراء السودان لطلمبات ألمانية تعمل بالطاقة الشمسية تبلغ قيمتها حوالى 16 إلى 17 ألف دولار لري مساحات تتراوح ما بين 20 إلى 30 فداناً، مشيراً إلى ارتفاع تكلفة تصنيع الخلايا الشمسية في السودان. وأكد دخول محطة بورتسودان للتوليد الحراري بطاقة 1500 ميقاواط للخدمة خلال الأيام المقبلة.

ووصف موسى التداول الإعلامي الواسع لقضايا الكهرباء والحوار حولها عبر كل وسائط الإعلام المقروءة والمسموعة والمرئية ومواقع التواصل الاجتماعي بـ”التعاطي المحمود”، مؤكداً سعادته به رغم النقد والرسوم الكاريكاتورية الساخرة”.

شبكة الشروق

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        OMAR ALKASHEF

        ياربي في توربينة ح تتمرد عشان كده جهاز الامن والمخــــابرات كان موجود في الاجتماع؟؟
        الطاقة الشمسية المتوفرة بكثافة في السودان زائد المساحات الشاسعة الغير مستقلة ممكن تخلي السودان يصدر كهرباء باعلي من قيمة البترول.
        ياريت ينبرئ لنا احد الافذاذ ويورينا لو دخلنا في مشروع توليد الطاقة الشمسية بحسابات الربح والخسارة ايه الناتج.

        الرد
      2. 2
        محمدو

        الناتج يا عمر انو البلد إنسانها حيتطور و حيخلي الجري وراء الرجرة و الدهماء ديل .
        و ناس الأمن ديل بقوا يخشوا الحمام مع الرئيس زاتو بكونوا

        ياخي ديل ناس فقر

        انا و الله كنت بفتكر الناس ديل ما بالسوء للدرجة دي

        لكن مع الزمن اكتشفت انو السجم ديل عايزين …..

        ياخي ديل فشلللللللللللة
        مافي شي ما فشلو في
        الكذب زاتو فشلو فيهو

        انت حسه بيت الرئيس بيدفع كهرباء
        الوزير بتاع الكهرباء الساكن المنشية في زمن الغفلة بيدفع كهرباء

        ناس الحلة بتاعتو زاتها خلو ليهم الحلة و بقوا بيبيعوا في البيوت ، ياخي والي بورتسودان الفات عندو بيت في المنشية حسه البي خلي زول من بورتسودان يسيبها و يجي للخرطوم و يشتري بيت في المنشية شنو!!!!. ما بس دي زاتها الجوع و عقدة الحرمان و لانو الناس الغنت في زمن الغفلة ( الرجرة و الدهماء ).

        انا بس داير اعرف نسايب الرئيس عايشين كيف ؟!!!!!!!! اخوانه المافي تجارة ما أخدوا فيها عمولة و مافي شغل وسخ ما عملوهو

        ياخي بن علي بتاع تونس ده رحمة بالنسبة لي ديل – علي الأقل داك السرقة جاية فيهو – لكن السجم الرعاع ديل – ياخي سمعة السودانيين و فساد الحكومة علي اي لسان

        ياخ اخد اقل حاجة شوف برامج البر و الاحسان الفي رمضان الجابوها في التلفزيون العربي- عليك الله ما بيخجلو اولاد المقطعة ديل – دشليون سنة بيحكمو – جايين شافعين من قطر يصدقوا علينا !!!!!!!!! شوفو تعليقات الناس شنو ( الحكومة الفاسدة – أفو عليهم شباب السودان قامو بدور الحكومة – … ) – البرنامج العملته الإعلامية السودانية بتاعت قناة sky عن النوبة – عليك الله ما بيخجلو – و احلي حاجة الراجل البيتحدث باسم النوبيين بينبذ في الحكومة ( عندو حق – المفروض لو لاقى الرئيس يتف في وشو ) كل شوية يقول احنا عمرنا ما لقينا حاجة من الحكومة لكن احنا الوحيدين الما اتمردنا ( قال احنا هجرونا و دمروا اقدم حضارات افريقيا و ما اتكلمنا ) و الله كلامه كله صح .

        و حتي الخرطوم الهاجر ليها كل الشعب السوداني – ما يسمي بخدمات فيها ( و هي لا خدمات لا زفت ) – الحاجات الفيها ما عملوها عشان عيون ناس الخرطوم ، لكن لانو الرجرجة و الدهماء – أسفل و أوطي مافي السودانيين رحل الخرطوم و عاوز يصلح الحتة الجه فيها – لكن طبعا. الحاجة الما عرفنها الجعانيين ديل انو الخرطوم الخدمات كانت فيها احسن – لكن لانو الجعانيين ديل عمرهم ما سمعوا بي استاندرد و جابو الهمباتة يشغلوهوم.

        ياخي مدني الكان ناس الخرطوم بيجوها عشان يستمتعوا ( انا من ناس الخرطوم ) لكن بعترف مدني دي لحدي الثمانينات احسن من الخرطوم مليون مرة ؛ شوف مدني دي بقت كيف ( قال ليك نص أهل مدني في الخليج و النص الثاني في الخرتوم ( بالتاء ) ) –

        و الله المفروض البشير و شرامته ما يودوهم الجنايات لكن يعملو ليهم محاكمة في شارع النيل ( شارع الهرم بتاع الخرتوم ) و بعداك يجدعوهم في النيل زي فرعون ( داعش استايل )

        ده كلو ما بيعفي الشعب السوداني من عيوبه – لكن العدل و الحساب اول شي بعداك نفكر ننضف كيف

        غايتو يا الترابي الله يجازيك في العملتو فينا – جبت لينا الوسخ – و انت زاتك نفسك مريضة بالكرسي – و باعترافك ( مش جيت تعتذر ) تعتذر لي منو و لي منو و منو البعفي ليك – الناس الماتو و لا الهاجرو و لا التنهبو و لا لاجئي الداخل و لا ضحايا الحروب !!؟؟؟؟

        اما بالنسبة للرجة و الدهماء ، الجعانين – اكالين الحرام و الله عمركم ما حتنضفو و تبقوا اولاد ناس – و لو كنت بتقرر دين و لا تاريخ كان سمعتو بي علوم الرجال هههه

        اما ناس السودان و الله بلدكم دي فيها لعنة الظلم و الفساد و الحرامية اولادكم – الكيزان ديل ما رسلوهم الكفار و الشيطان زاتوا برئ منهم – لكن ديل اولادكم – و هم نتاج المجتمع السوداني بي عيوبو الكثيرة ( الساكتين عنها – لانها عيب ) الفضائح بقت في كل العالم . و احسن تتلموا براكم قبل ما يجوا يلموكم زي ما بلملموا في العرب بلد بلد .

        الرد
      3. 3
        الزعيم

        ده قرار كارثي جدا اعملوا حسابكم

        بعدين ف حل واحد بس انو الكهرباء بعد المليون الزياده فيها اقل من مليون لا زياده

        لكن اذا انت يا وزير الهناء ح تقيف ف ال200 كيلو المدعوم و تكست الناس ع كده انت غلطان ال 200 دي الغفير العذابي بشفطها ف

        ايام بسيطه

        الرد
      4. 4
        Naser

        لو القرار زي ما بتقول يا وزير الضلمة انو صدر عشان تخفيف الاستهلاك الكهربائي!!!.. يبقى أول حاجة تقلعو مكيفات الوزارات التسعة وتسعين بتاعت الحكومات الاتحادية والولائية والمحليات وتبدلوهم بي ميكفات موية وقش… لكن شغلتكم دي حتخلي الشعب يخش ليهو في (مكيفات) تانية عشان ينسى واقعه المر…
        بعدين أنت مالك ومال تعرفة الكهرباء.. أنت وزير مالية؟؟!! عشان تغير فيها.. (الله يغيرك ومانشوفك تاني ياتعيس)..
        الفالح فيكم تغلبوا شغلتوا يقبل ويعصر علينا..
        ووالله مالنا الا الله سبحانه وتعالى اذ نرفع اليه الاكف ونتضرع بأن يولينا خيارنا ويبعد عننا شرارنا, ويغفر لنا ما أقترفناه من ذنوب ومن ربا اموال تلك التي تم بناء سد مروي بها..وهذه عاقبة الربا ((ويمحق الله الربا ويربي الصدقات))..
        ونذكرك ياوزير الضلمة بدعاء النبي صلى الله عليه وسلم:((اللهم من تولى أمراً من أمور أمتي فشق عليهمو اللهم فأشقق عليه)).
        آمين آمين آمين

        الرد
      5. 5
        محمد عزالدين محمد الامين

        lما نقووول إلآ نذكرك ياوزير بدعاء النبي صلى الله عليه وسلم:((اللهم من تولى أمراً من أمور أمتي فشق عليهمو اللهم فأشقق عليه)).
        آمين آمين آمين

        الرد
      6. 6
        مواطن

        اقول للوزير لو انت فعلا مش هدفك القروش ترفع المدعوم ل 400 كيلو وتخليهو بالسعر القديم 15 قرش للكيلو وترفع ما زاد عن ذلك فكدا الزيادة الجديدة حتكون رجعتها للمساكين اللي زدت ليهم الميتين كيلو الجديدة عشان تكفيهم وحيدفعوا الزيادة الناس المركبين الفريون والاسبلت وكدا حيكون فعلا هدفك ما القروش. وان كنت اشك في انو هدفك ما القروش.

        الرد
      7. 7
        الكذب حبلو قصير

        اين كهرباء السد التي قلتم في حفل الافتتاح انها تكفي كل السودان وسوف نصدر الفائض ارجعوا لخطاب الافتتاح في اليوتيوب —الرد بالسد !!!!!!!!!!!!!!!!!!!!!!!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *