زواج سوداناس

اطرف مقلب يتعرض له سائق تاكسي بمطار الخرطوم



شارك الموضوع :

امس نص النهار وأنا داخل على مطار الخرطوم، أشر لي شاب شاكي وآخر قيافة وكمان لابس كرفتة، أهو الزبون لازم يكون مهندم زي دا وللا بلاش… فتح الباب وسلم وسكت ..

أصلاً ما سأل بي كم وللا لييه؟ تمام ياخ ديل الزبائن وللا بلاش مش ناس بعشرة جنيه ليه أصلو شنو… إحتراماً للزبون (الماركة دا) قمت شغلت التكييف وكمان ختيت شوية بخور إماراتي والعربية بقت غرفة عروس بس… المهم.

جات لحظة الحقيقة ووقفت بيهو أمام السفريات الخارجية، أصلاً زول بالمواصفات دي لازم يكون مسافر يروب او يو اس اي.. ومال ايه…
زولك نزل من العربية وقال لي دقيقة أشوف ناس التشريفة جهزوا لي البساط الاحمر وللا في مشكلة، ثم أشر لبتاع المرور وقال ليهو يا جنابو بتاع التاكسي دا معاي ما تعمل ليهو إيصال…

لحدي هنا أنا بين انو الزبون الماركة طلع كهربتو زايدة وبين انو لسع في امل تطلع الحكاية كميرا خفية ويدفع لي حقي… وقفت على جنب .. شويتين جاني بتاع المرور يضحك قال لي يا عمك انسي قروشك والله يعوضك الزول دا معذور وبرا الشبكة…

صراحة كدا زي جأتني حالة ( black out) ثانتين كدا انا ما فاهم وبعد داك انفقعت بالضحك… ياخ معقولة بس الزبون الماركة يطلع كهربتو زايدة وكمان عليّ ادفع تلاتة جنيه لشركة الوثبة… إنا لله ياخ

بقلم: علي ميرغني

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        zool

        هاهاها .. شكرا علي السرد (الظريف).. وبرضوا احسن ليك من ما يلاقيك واحد من النيقرز.. سوود الله وجوهم.

        الرد
      2. 2
        sudani100al100

        وممكن يجيك واحد تاني مفوت وفاطي سطرين يعني اول ما يركب يمسك جواله وهاك يا قنابل الو .. ايوا معاك الزول جاب ليك الشيك ؟.. آي انا كان قلت ليو ما اقل من 300 مليون .. خلاص اودع المبلغ في رصيدي .. وبعدين ما تنسى اتصل بي الشركة واتفق معاهم على المعدات الطلبناها منهم بس قوليهم يخفضوا شويه من ال800 مليون آي يلا خلاص انا بكره مسافر بورسودان اشوف البرادو دي وصلت ولاّ لسه .. ويقول لبتاع التاكسي عليك الله الصراف الهناك داك لانه ما معاي كاش ويلا تعال ياصراف واقلب هوبه من الصراف وعييك فك الزوقه

        الرد
      3. 3
        غصن الشوك

        ههههههه ههههههههه مقلب ظريف و بصراحة سائق التاكسي مفروض اكون خبرة ،،، ما معقول على طول تشغل المكيف و البخور قبل ما تتأكد من الوضع ،،، و رجل مرور طلع طيب و خلاك تختصر زمنك كان ممكن تنتظر بالساعات و ما تلاقي اي واحد افهمك حالة الاخ المريض ،،،

        الرد
      4. 4
        الهادي

        ياسائق التكسي احمد الله ما وداك مدني اوكوستي

        الرد
      5. 5
        ابن الوطن

        أكيد تكون فكرت في مشروع بمبلغ الأجرة الضخم

        الرد
      6. 6
        كابوس

        أريته كان دقاك كمان ،، زول يقول ليك ماشي أشوف جهزوا لي بساط التشريفة لازم يكون فاطي عشره سطور

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *