زواج سوداناس

الملحق الإعلامي بسفارة السودان بالدوحة يطالب بمعالجة ظاهرة الذباب في تلفزيون السودان والتي وصفها بالمزعجة



شارك الموضوع :

تعتبر مجموعة (برس ليدرز) قادة الصحافة علي (واتساب) من اميز المجموعات الإعلامية حيث تضم لفيف من رؤساء التحرير والقيادات الصحفية والإعلامية بجانب كتاب رأي من داخل وخارج السودان بقطر ، بريطانيا ، الولايات المتحدة ، البحرين ، السعودية .. المجموعة تدير نقاشات مستفيضة وعميقة خاصة السياسية ..

الزاوية اوردت امس ذباب في التلفزيون وهو نقلاً عن المجموعة وقد طالب الملحق الإعلامي بسفارة السودان بالدوحة د. هاشم الجاز بمعالجة ظاهرة الذباب والتي وصفها بالمزعجة.

أخر لحظة

شارك الموضوع :

تعليقات الفيسبوك

تعليقات


10 التعليقات

إنتقل إلى نموذج التعليقات

      1. 1
        محمد أحمد

        الذباب بس, أي حاجة عاوزة معالجة في القناة السودانية! الصوت أولاً, أي برنامج صوته مختلف عن الآخر, كل مرة تعلي أو تخفض الصوت, الضوء خافت خصوصاً في اللقاءات الخارجية, ممكن الوجه يكون مظلم عديل كده.نقل الرسائل من خارج الاستديو شبه مستحيل. تضييع الزمن بين البرامج بالأغاني و بعض الفديوهات المسجلة. أقدم قناة في المنطقة كلها لكن مافي أي تطور, حاجه مؤسفة.

        الرد
      2. 2
        ابو عباده

        قناة الشروق هي المتخصصة بموضوع الذباب الحايم في الاستوديو _ الرجوع الي حلقة فتاوي والتي قدمتها رنا هارون هذا الاسبوع _ حاجة تخجل

        الرد
      3. 3
        المعلم

        المصيبة الكبيرة في تلفزيون السودان كل شي يحتاج معالجة وانا بام عيني شاهدت الطاولات التي يجلس عليها الضيوف مدقشة ومشرمة وبعض زرات التراب تكون واضحة على الديكور يعني التلفزيون ماعندو الإستطاعة يعين عامل مسئول عن مسح الطاولات وترتيب الإستوديو قبل كل حلقة والمستفذ أكثر كل بعد فترة يتم إستضافة بعض المواطنيين والسؤال عن جودة البرامج وعمل التلفزيون
        انا عن نفسي بشوف تلفزيون السودان فضيحة للسودانيين ولو دل على شي يدخل على الوسخ والعفن وعدم الإهتمام بالمشاهد
        وعكس صورة سئية جدا عننا

        الرد
      4. 4
        مغترب سوداني

        هو الذباب براهو نسيتو العرق في كل القنوات السودانية …مقدمي البرامج والضيوف يتصببون عرقاً..يا جماعة استفيدوا من العالم حولكم ما تورمونا

        الرد
      5. 5
        ود جعـــل

        يا ال Press Leaders موضوع الذباب لا يعالج بهذه الطريقة (شيل حال)، اشتروا ليكم دستة بيف باف ورسلوها لي ناس التلفزيون ..

        الرد
      6. 6
        ودالعيلفون

        طلبتوا الحلول التى تعالج كل مشاكل البلد من خلال طرحكم لموضوع الذباب شعب طيب طيب طيب وبسيط ربى يسهل الحال

        الرد
      7. 7
        كاكا باكا

        هو الذباب شاركنا في صحن الاكل مافي واحد اتكلم
        عاوزيين تمنعوا من التلفزيون….
        مابقي واحد من ناس البيت. شئ عجيب

        الرد
      8. 8
        كاكا باكا

        في السودان اي حيوان وﻻ طاائر عنده كلمه ببعدوهو
        بيها مثﻻ الغنمايه تك….الجداده هششش والاسماء كثيره ماعدا الذباب ليس له مفرده للطرد نسبه لتمتعه
        بحصانه دبلوماسيه من وزارة الصحه….عرت….. دي للحمار

        الرد
      9. 9
        ود جعـــل

        يا كاكا باكا ..!! تقول لي الجداد بيقولوا ليهو (هششش – هاشتاق # !!) .. الجداد بيقولوا ليهو (كر) ما سمعت مهيرة بت عبود قالت : قول للباشا الغشيم قول لي جدادك كر
        الضبان لا يحتاج ويطير بمجرد حركة اليد، بس أحيانا تستعمل كلمة (كر) أيضا .. بس في نوع كدا (عكليت) stubborn زي ضبان الحمير مثلا.
        الغنم : تك
        النعاج : عي
        البقر : هورت أو هرت بضم الهاء
        الجداد : كر
        الحمير : عرت / عر
        الكدايس : بس (البسة التبسك !)
        الكلاب : جر (جرت)

        الرد
      10. 10
        kimo

        وماتنسوا يا شباب قبل كد وقع ديكور الاستديو وملحقاته علي الهواء مباشرة فاحتار المذيع واتخلعوا الضيوف
        وكانت مهزلة بجد قبل عدة سنوات

        فتم قطع البرنامج

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *