زواج سوداناس

صور سلمى سيد حاسرة الرأس تثير موجة إستياء واسعة



شارك الموضوع :

أثار حضور النجمة الإعلامية السودانية “سلمى سيد” فرحة كبيرة وهي عضو في لجنة تحكيم مهرجان على الهواء الإعلامى الذي إنعقد بالعاصمة السودانية الخرطوم، سلمى سيد وصلت من دبى إلى مطار الخرطوم ثم مباشرة إلى مهرجان “أونير” (AIR Media Festival ﻣﻬﺮﺟﺎﻥ ﻋﻠﻰ ﺍﻟﻬﻮﺍﺀ ﺍﻹﻋﻼﻣﻲ).

إلا أن صور سلمى سيد حاسرة الرأس وهي في منصة تحكيم المهرجان أثارت موجة إستياء واسعة على صفحات التواصل الإجتماعي ومن التعليقات التي رصدها محرر “النيلين”.

Radwan Jooda
للاسف موضة كشف الراس عادة دخيلة على مجتمعنا السودانى لاحظت فى بعض المحطات حتى اللابسات الثوب السودانى والطرحة بكونن عاملاتا شعرهن عند الكوفير وبتركن الثوب حتى ينزل نهائي من الراس بجرنو بغطن شوى وتانى برجع يقع والطرح نفس الشئ بس اكيد مش كلهن فى بنات محتشمات تحت الثوب بتلقاها واضعة الخمار مستحيل تبين شعرة من راسها بعدين لو ملاحظين كشف الراس مش ظابط مع السودانيات بالتحديد بالعكسى بالحجاب بتكون احلى بى كتير من كشف الراس نسأل الله ان يهدى الجميع.

وأضاف مصعب الحاج الوناس تعليقاً بحسب متابعة “موقع النيلين”
افتكر مافى رجل مسلم حر يرضى فى أهله مثل هذه.
اللهم اهدينا جميعا إلى الصراط المستقيم وثبتنا فيه يا ارحم الراحمين .
وأسألكم بالله الذين يقولون هذا اللبس ساتر هل هو فعلا ساتر ؟
أهكذا لبس المسلمه ؟
الاستاذه سلمى سيد نموذج مشرف للإعلام السودانى ويكفى ما قدمته مع العملاقه محمد وردى محمد الأمين صلاح بن الباديه على قناة الشروق .لسنا ضد سلمى أو نجاحها لأن نجاحها يعنى نجاح الوطن ولكن هى فى الأخير اختنا وابنت الوطن . وصدقونى ان الله لم يجعلنا قضاة على الناس ولكن جعلنا دعاة للخير .
ويا بعض السودانيين بطلوا التطبيل والتجميل واتقوا الله وابعدو من أنفسكم أفكار أهل الضلال والكفر . وسلمى ليست وحدها كثير بنات السودان لابد أن يلتزمو باللبس وعلى فكرة معظم السودان ما لابس نسأل الله الهداية لنا ولهم . نحن سودانيين نفتخر بسودانيتنا وتلك العادات والتقاليد الجميلة التى تحافظ على العرض وعلى النفس والشجاعة والكرم . اللهم اهدينا واهدى بنا واحفظنا وزريتنا من الضلال والهلاك واحفظ السودان وبنات السودان برحمتك يا ارحم الراحمين.

Gasim Alrgaf
الناس اليقولوا دا حاجه شخصية طيب أية الحجاب دي ما لاقتكم وكذلك الحديث في كيفية تغير المنكر ؟ لو ما مسلمين ورونا؟.

Alwathig Ali Alhiday
النساء السودانيات مشهورات بالثوب السوداني والاحتشام ولكن للاسف كل يوم تظهر واحده تسئ الينا كسودانيين وتجعل كل من هب ودب يصفنا بأسوا الصفات.

وأضاف عزالدين خليل تعليقاً بحسب متابعة “موقع النيلين”
حقيقه بالثوب أجمل و بالف مرة من الموضة وكشفت الرأس دا ..
أفتكر انتقاد الناس دا نابع من محبة الاستاذة سلمى وهي كوجه ألفناه صورتها المعهودة وهي في قناة الشروق.. أتمنى أن تقبل إنتقاد الناس بصدر رحب لأنه نابع من تقدير لمكانتها لدينا جميعا.

Mohamad Abaker
الأخت سلمي لك التحية والتقدير لكن عليكي الإلتزام بالزي السوداني الجميل.

الخرطوم/معتصم السر/النيلين
سلمى2

سلمى3

سلمى4

سلمى5

شارك الموضوع :

تعليقات الفيسبوك

تعليقات


54 التعليقات

إنتقل إلى نموذج التعليقات

      1. 1
        البجاوي

        انت يا جماعه دبي دي فيها شنو الناس دي ماشي دبي جيت من دبي …الحاصل شنو ؟

        الرد
        1. 1.1
          south¬wind

          دبي دي امريكا الجديدة بالنسبة للسودانين الباحثين عن الشهرة الحرام .

          الرد
      2. 2
        ود الغرب

        مافى شى جديد
        هى متين كانت مغطيه راسها ؟

        الرد
      3. 3
        osman

        البشوفا بالتوب يقع وترفعو يقول القبه تحتا ولى
        هسى عادية جدا
        بالتوب كانت اكثر اثاره

        الرد
      4. 4
        ابو احمد

        عدم الوليان

        الرد
      5. 5
        ودالفكي

        الله يصلح حالنا وحال المسلمين جميعا 👏

        الرد
      6. 6
        ابو عباده

        لو شوفتوا ليها عريس سوداني حا يعدل ليها رأسها

        الرد
      7. 7
        عطبراوي

        البنت دي ما بتخاف الله…….
        الله يهديك يا زوله للطريق القويم

        الرد
      8. 8
        عبدالله الطيب

        حقيقة يا اختنا سلمى ربنا يهديك هذا لبس غير اسلامى وهذا تشبه بالكافرات اتقي الله في نفسك وفي سمعة السودان لانك انت سفيرة بلدك البسي ذي سوداني كامل محتشم لتعرفي العالم السودان الحقيقي سودان جدودنا

        الرد
      9. 9
        حاتم

        كان ما متزوجه قولى لى عوووووك

        الرد
      10. 10
        nasir

        المشكلة الاساسية ان السودان كدولة صار ليس به اي وازع ديني للناس.وهذا ناتج عن تفشي الجهل والبعد عن الله.فقد صار الدين لعبة ووسيلة لا غاية. وابرز دليل على ذلك ما يمارسه حكام البلاد من كذب وتدليس وظلم باسم الدين.
        فاذا كان رب البيت بالدف ضارب فشيمة اهل البيت الرقص والطرب.

        الرد
        1. 10.1
          عباس احمد

          ناس الحكومة انتكسوا الما بخلى البنات ينتكسن شنو بعدما كانت هى لله هى لله بقت للاسف للجاه والسلطان كيف لاتنتكس البنات والبنات هن براهن الانتكسن ما السودان بقى كلوا ماشى غلط فى غلط رشوة وسرقة مال عام ونهب لاراضى الدولة ربنا يهدى الجميع ونقول لاختنا سلمى انتى بالثوب والله احلى وكل بنت سودانية بالثوب والحشمة هى احلى .

          الرد
      11. 11
        ودراعي

        احذري اختي لا ينطبق عليك قول الرسول ( كاسيات عاريات) ولا يغرنك الإعلام الفاجر فلو لم تفارقي الحياة لفارقك من ينظرون اليك مع تقدم العمر

        الرد
      12. 12
        mazin

        عادية جدا ولاتحتاج لكل هذة الضجة بعدين المراة دي ماتشوف ليها راجل بلغتي من الكبر عتيا جيبي ليك زرية تنفعك تنططي من دبي لي الخرطوم سلمي سافرت سلمي رجعت وبعدين مقابلتك مع كبار الفنانين عادية جدا ياما شفنا لقاءات لهولاء الفنانين مع أعلاميين عمالقة ندعو ليك بالهداية وربنا يرزقك بالزوج الصالح والزرية الصالحة .

        الرد
      13. 13
        غمر الامين

        زودتيها شويه\\\\\راعى واتلفت وراك انت بت سودانيه\\\ ولنا ان نسال هل يسمح القانون للمراة انتعمل بالخارج دون محرم

        الرد
      14. 14
        الطيب محمد

        كل ما تظهر سودانية بمظهر يرى الكثير ان ينصحوها وهذا شئ جيد ولاكن بعضهم يفتكر حل الموضوع يتوقف عليه يقولك انا بعرسها بكل سخف وقد تكون هى لها اولاد فى عمره

        الرد
      15. 15
        إبراهيم

        انتو شفتو حاجه
        أمشوا شواطئ دبي وشوفوا الرخصه

        تقول لي سودانا فوق

        الرد
      16. 16
        إبراهيم

        بعدين يا جماعه مملكة الحيوان عندها قانون أي حيوان عارفه
        وهو قانون اسمه الحق العام وقانون تاني إسمه الحق الخاص

        public rights and private rights

        يعني أي حيوان ما يبرطع زي ما هو عايز في مكان عام ومن حقو يبرطع في مكانه الخاص

        المطار و السوق العربي والشارع والجامعه والقاعه دي أمكنه عامه يضبطك فيها القانون العام

        لكن نجن ببساطتنا الكل يبرطع زي ما عايز

        الرد
      17. 17
        فاعل خير

        وين حرية الراي والراي الاخر

        الرد
      18. 18
        سوداني وافتخر

        فعلا للأسف انا ملاحظ كتير من النساء والبنات اللابسات توب او طرحه الواحده فيهن قدام الناس تعمل فيها مهتمه بتغطيه وستر شعر راسها بتمسك طرف التوب او الطرحه وتجروا لقدام جره خفيفه كدا وتاني تقوم تسحب لـ ورا عشان التوب او الطرحه تجي نازله تاني والشعر ينكشف ! غايتوا جنس استهبال

        الرد
      19. 19
        جدو القراشي

        صدقوني التحرر بعد الالتزام بالشرع الاسلامي ناقوس خطر علي كل فرد اتمني ان يعود لكل شخص فهم التحرر خطأ ان يرجع لصوابة والتحلي بالخلق الحسن

        الرد
      20. 20
        كاسر

        دى ماتجلدوها بس فالحيين فى الغلابه

        الرد
      21. 21
        ameen

        سلمى سيد متزوجة وعندها اولاد

        الرد
      22. 22
        salaheldin

        مكبرين الموضوع في شنو ياخي انتو اابحاسبه منو مش رب العالمين مالكم وماله ناس ماعندها موضوع والله تهتمو بالحاجات الفارغه بس

        الرد
      23. 23
        غصن الشوك

        يا جني اتمنى ان تختار الفاظ تليق بالقراء و بهذا الموقع فأذا كتبت بمثل هذه الألفاظ اقل ما يمكن ان يقال عنك انك غير مؤدب و ان مثل هذه الألفاظ يتعلمها الشخص منذ الصغر ،،،، الله اسامح والديك احياء او امواتا ،،،،،،

        الرد
      24. 24
        علي ادريس

        بدون ثوب شكلها قبيح

        الرد
      25. 25
        الطيب عباس نور الهادي

        انتو عارفين يا اخونا السبب الاساسي في الحاجات دي الاعلام والله الظرف الماري بيهو بلدنا دااا بما فعلت ايدنا يا اخوانا في الدين ماف شي اسمو حريه شخصيه نحن عبيد لله سبحان وتعالي نهانا عن حاجات وامرنا بحاجات …والله حاجه محزنه جد لينا نحن كا سودانيين البنات داسن برؤسنا الوطه … رسالتنا نحن كاسودانيين ولكل الشباب في الفيس وتويتر وكل وسائل التواصل الاجتماعي لازم نرفض هدااا الوسخ…..

        الرد
      26. 26
        مؤمن

        للاسف سقوط وانجراف اعمى شئ مؤسف والله

        الرد
      27. 27
        عطبراوي

        ما كنت متخيل انو في ناس تقيف مع سلمي دي و هي ضاربة عرض الحائط بكلام الله و رسوله و تظهر متبرجة كده في مكان عام و فيهو رجال ….. انا شخصيا لا أحضر أي برامج لها أو مثيلاتها في التلفزيون

        الرد
      28. 28
        ابوقدوره

        ربنا يهديها ويحفظ الشيطان الرجيم
        دعك من كشف الشعر صوت المراه عوره وظهور بالتوب البدون مشكله هداكم الله

        الرد
        1. 28.1
          البطل النميري

          عرفنا ربنا يهديها ، (كيف ربنا يحفظ الشيطان الرجيم)؟؟؟

          الرد
      29. 29
        hashim abbas

        اتقو الله فى الناس والله يهديها

        الرد
      30. 30
        البطل النميري

        في الوقت الذي تقوم به بعض الإعلاميات الغربيات والعربيات في أوروبا بالحجاب في تلك الدول ، مع الأسف تظهر لنا مثل هذه بهذا التبرّج ، ومن يقول هذا شأنها نقول ليس بشأنها لأنها تظهر إعلامياً وسوف تكون قدوة سيئة للاتي يشاهدنها ، إنما شأنها عندنا تكون عادية وبلا شهرة.. هنيئاً لزوجها تبرجها ومبروك عليه شعرها ووجهها وأكيد زوجها سعيد كل السعادة لأنه سلعته معروضة على الملأ … ولك مشتري ..

        الرد
      31. 31
        البنجوس

        موقع النيلين .. الخرطوم/معتصم السر/النيلين :

        ” صور سلمى سيد حاسرة الرأس وهي عضو في لجنة تحكيم مهرجان على الهواء الإعلامى الذي إنعقد بالعاصمة السودانية الخرطوم أثارت موجة إستياء واسعة على صفحات التواصل الإجتماعي ”

        البنية معذورة … لإنها تعبت .. وقالت الروووووب .. كلما تظهر في التلفزيون تتعمد أن تظهر شعرها … والعقد الذي يكون متشعلق حول رقبتها .. لتلفت الأنظار .. وياما كتير نبهنا لذلك لعلها تنتبه .. وتحتشم .. ولما فاض بيها الكيل قالت تظهر كده .. لكن لبس الموضة عايز شماعة متناسقة وما بنفع مع أي واحدة .. يا ليتها استشارت متخصصات في الأزياء قبل أن تخلع التوب على الأقل التوب بستر بعض عيوب الجسم .

        الرد
      32. 32
        KmK

        ربنا يهدينا جميعا ..

        الرد
      33. 33
        abo ali

        التحرر والتعصب وجهان لعمله واحده كل شاه معلقه من عصبتها مثل سوداني جميل نحن ما لنا ومالها ما عندنا معاها شغله خالص الله يهديها قولو اميييين

        الرد
      34. 34
        ود إبراهيم

        أقول أساءت للمرأة السودانية المحتشمة المؤدبة والأسوأ إنها تعمل في التلفزيون وتظهر أمام الملأ مما يجعلها قدوة سيئة للآخرات من الجيل الجديد. ندعوها أن تهتدي وتعود الى الطريق القويم وتلعن الشيطان وتتذكر يوم الموت ومفارقة الدنيا ولا يبقى معك إلا عملك وما قدمته في هذه الحياة الدنيا . ادعوا لها بالهداية …..

        الرد
      35. 35
        abuqussai

        لا اساءت ولا شي لبسها وهي حرة فية ولو كانت دي خطيئتها من فينا بلا خطيئة كل واحد بغض بصرو سريع ودمتم سالمين

        الرد
      36. 36
        عابد

        اعوذ بالله من الخوض في اعراض الناس لكن الامر بالمعروف والنهي عن المنكر واجب كل مسلم . الانسان معدن زيه وزي اي معدن في ناس دهب في ناس الماظ وفي ناس نحاس وفي ناس حديد البطن او العرق دساس البنت الحرة لا تتبرج لا تتلاعب بشرفها كشف العورة تلاعب بالشرف وللعملم الحرارة ليست لون ولا جنس الحرارة في القلب في الاخلاق والله والله وانا احلف لكم صادقا لا تتخيلوا انا بتوتر بضايق من مثل هذه التصرفات قدر شنو السبب بحس في رجال بقوا جلاليب دلاقين هدوم فقط وين النخوة وين الراجل البنهر النسوان يامراة يابت عيب البت دي انصحها لوجه الله انا لن اخوض ولن امس شرفك ولا عرضك لكن استهدي بالله وارجعي لصوابك تصرفك هذا لا يزيد من علمك ولا عملك شيء . وين زوجها والله امك لا تقبل لك بان تظهر زوجتك بهذا المظهر لكن رجال اخر زمن ما هو امكانية وعلم هذه البنت الى ان تصل لتحكم ولجنة السبب الجعل البلد دي ترجع مليون سنة للخلف شنو ياهو الشخص الغير مؤهل للمنصب متولى امورنا

        الرد
      37. 37
        ابومازن

        ان لم تسترى نفسك فسوف يسترك الكفن

        الرد
      38. 38
        ابوشنبات

        south – wind
        اتقي الله دبي اصوات الماذن فيها مرفوعة خمس مرات في اليوم مثل الخرطوم تماما وانا شاهد علي ذلك لاني مقيم بدبي – لاتتعجل في الحكم بالتحريم وممكن بكرة تجي دبي وتعمل تاجر شنطة – لان هذه البلد بلد خير بشهادة الاجانب قبل العرب اهل الدم والعشيرة- كما انها دبي تاوي وتطعم كل العرب والمسلمين دون فرز ودون من او أذيي

        الرد
      39. 39
        عبدالرحيم

        اغضبت ربها وارضت معجبيها نسال الله ان يهديها للطريق القويم

        الرد
      40. 40
        سماحة

        سميميحة…تشبه ويني مانديلا في شبابها…

        الرد
      41. 41
        ابومحمد

        طيب مسكو لبنى حسين فى شنو؟ ولا الحكاية طلقت (اللام مشددة)

        الرد
      42. 42
        عزالدين وديدي

        الله يهديك يا بنت الناس هل هذه الصورة ترضي الله ورسوله. اين اباكي واخاكي وولي أمرك الا تتقي الله في الناس اذا لم تتقي الله في نفسك

        الرد
      43. 43
        اشرف احمد ادم

        ولله يا سلمي الثوب فيكي شي جميل لا افهم لماذ انتو الاعلاميات تحبو ان تتمسخرو في نهاية اعماركم . اتقو لله في انفسكم وفينا .

        الرد
      44. 44
        جميل بثينة

        والله الشعب السودانى ما عندو موضوع اعلامية وملابسها غير فاضحة ويعنى شنو الرأس مكشوف وكل السودانيات
        الرأس مكشوف او الثوب خفيف او الطرحة صغيرة وخفيفة ومن زمان الا بعد حضور الانقاذ ثورة الحرامية بس الشئ الوحيد
        الذى تريد ان يطبق هو غطاء رأس المرأة شعب بدون موضوع فى لحظه كل شعب يخاف الله واذا
        بحثت عن المعلقين عن الموضوع تجد العجب العجاب

        الرد
      45. 45
        الاستاذ

        احترام التفس والعمر واجب

        الرد
      46. 46
        ahmed ali

        يا ناس عووووووك..البلد ما فيها لا مويه ولا كهربيه شغالين لينا بسفاسف الامور: سلمى فاكه شعرها ومش عارف آيه. وبعدين كل واحد عليهو بنفسو و دعو الخلق للخالق يهديكم الله.

        الرد
      47. 47
        احمد السر

        عندما تجد امة تتحدث عن طول فستان المرأة و عدد خصلات شعرها من تحت الخمار فأعلم انك في العالم الاسلامي !!
        الغرب يستعد لغزو المريخ, و انتم لا زلتم تتحدثون عن العورة و انتم عورة البشرية ….

        الرد
      48. 48
        د. محمد عثمان

        سلام عليكم
        زوجها عاوز كدا!!! والإعلام يرحب!!! والجمهور ما ح يعرف حاجة قريب!!!

        الرد
      49. 49
        د. محمد عثمان

        سلام عليكم
        بالدارجي:::
        قلتو لي وصلت من دبي لي مطار الخرطوم ومباشرة للمهرجان!!!
        وانتو واصلين من وين؟؟؟
        ومباشرة عاملين شنو؟؟؟

        الرد
      50. 50
        ابوشنبات

        رد سريع علي
        south – wind

        اتقي الله south – wind
        دبي اصوات الماذن فيها مرفوعة خمس مرات في اليوم مثل الخرطوم تماما وانا شاهد علي ذلك لاني مقيم بدبي – لاتتعجل في الحكم بالتحريم وممكن بكرة تجي دبي وتعمل تاجر شنطة – لان هذه البلد بلد خير بشهادة الاجانب قبل العرب اهل الدم والعشيرة- كما انها دبي تاوي وتطعم كل العرب والمسلمين دون فرز ودون من او أذيي

        الرد
      51. 51
        د. محمد عثمان

        سلام عليكم
        صح دبي بلد المسلمين…
        بس لازم تقروا تقرير صحيفة الراي العام في يناير عن السودانيات في دبي..
        فالمسألة ليست مهرجان إعلامي ومسميات فارغة…
        المسألة سفور وتحدي وراه لعيبة..
        والمسألة ليست اتهامات وهضم حريات…
        المسألة دين ومسؤولية مسلمين…
        بالله عليكم هسع نحن كان عاوزين نتونس نقول شنو؟؟؟

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *