زواج سوداناس

المسافرون عبر مطار الخرطوم.. بكاء على حال واجهة البلد .. شكاوى من سوء الخدمات ورداءة المكان



شارك الموضوع :

المسافرون عبر مطار الخرطوم يشتكون من سوء أرضية المطار والفوضى في شباك الاستعلامات بالإضافة للمنظر غير اللائق في صالة المودعين، فالأوساخ تتناثر في كل مكان من أكياس وقوارير فارغة وغيرها، وقال الشاب صديق وكان مرافقاً لصديقه المسافر للمملكة العربية السعودية عبر مطار الخرطوم، الخدمات في المطار سيئة جداً ولا ترقى لمستوى المطار الذي يحمل اسم مطار دولي، وأضاف الأرضية في المطار التي يمر بها المسافر وهو متجه إلى صالة المغادرة سيئة جداً ولا تساعد في أبسط الأشياء من سحب الحقائب وما إلى ذلك، وهذا الوضع يعتبر فضيحة لدولة باعتبار أن المطار هو أول واجهة ومحطة يدخل منها الزوار وهو أيضاً آخر ما يشاهده المغادر للبلاد من المواطنين أو الزوار الأجانب، فيما يرى احمد حسن أن شركة مطارات الخرطوم تهمل المطار إهمالاً شديداً ولا تسعى لتطويره، وقال: أين تذهب الأموال التي تتحصل عليها الشركة في المطار من المسافرين، ولماذا لا تنعكس على شكل المطار والخدمات التي فيه.
محمد حسن لم يختلف عن سابقيه، وقال أنه سافر إلى عدة دول أفريقية أفقر من السودان لكن المطارات فيها أفضل بكثير من مطار الخرطوم.

صحيفة التغيير

شارك الموضوع :

تعليقات الفيسبوك

تعليقات


17 التعليقات

إنتقل إلى نموذج التعليقات

      1. 1
        هاني أحمد رامي

        من الرسوم البندفعها 25 ألف جنيه يوميا دخل المطار بتكون بالملايين اضربها في 30يوم في 12 شهر مليارات ماقادريين يبنوا ليهم دورين ارضي وصول ودور ثاني مغادرة ده فساد …..
        الله يكون في عون بلدنا ….
        يكفي …. مافي داعي للكلام … لان السكوت !!!!!!!!!!!!!!!!!!!!!!!!!!!!

        الرد
      2. 2
        mohad

        والله بالجد حاجة ماتسر لاعدو ولا صديق الصالات سخنة ووسخانة وموظفي الجوازات الواحد يمسك جوازك ويقعد يتلفت و يفتش في الحروف في الكيبورد تفتيش وكل راكب بياخد معاهو اكتر من ١٠ دقايق وفوضة في كاونترات الخطوط ماف نظام نهائي

        الرد
      3. 3
        Mohamed

        شي يحير لك الله يا بلادي تخلف في كل المرافق العامه

        الرد
      4. 4
        امريكي

        يازول أفقر مننا مافي

        الرد
      5. 5
        الصادق

        A signboard in Khartoum Airport reads; Don’t leave your luggage untained
        and the correct is unattended

        الرد
      6. 6
        الخال

        هووووى ياناس اللقلقة ليكن شنو دايرين تسافرو بيهو ولا دايرين تنومو فيهو الحكومة بالنسبة ليها موقف كركر ولا جاكسون ومطار الخرطوم كلو واحد ما كلها محطات سفر بطلو دلع وخمج

        الرد
      7. 7
        Barakat

        والله شي موسف ما وصل اليه حال مطارنا كنت قبل فترة في اجازه وتالمت جدا لما ال اليه مطارنا من تردي في الحدمات وكمثال في الصاله الاخيره ومنها الركوب للطائره تمعنت في ارجائها وسجلت هذه الملاحظات
        1. كاميرات المراقبه من النوع القديم وتوحي وكانها لا تعمل
        2ز احد البلكات مكشوف مما يشكل خطر علي الاطفال وهذه ابسط اجراءت السلامه
        3. صبغ الحائظ حدث ولا حرج وحتي الحائظ بنفسه كانه تم بنيانه من قبل شخص لا يمت للبناء وهندسة البناء بشي
        4. ارضيه الصاله لا تليق بواجهة البلد ومقاعد ممزقه وحال يرثي لها
        نريد ان نطلق نقير كشارع الحوادث حتي نعيد لمطارنا هيبته ونقول ارفع راسك انت سوداني
        ورساله اخيره لمن يتولون امر الوطن الا يخزنكم ما تشاهدوه ام ان معظمكم يستخدم صاله كبار الزوار اتمني ان تسافروا عبر تلك الصاله لتشاهدوا المهزله والله في عون وطنا

        الرد
      8. 8
        هاشم

        من الحاجات الماﻻقي ليها تسميه، عدم السماح للامجادات بإنزال الركاب امام الصاله. وعدم السماح بادخال عربات العفش لمنطقة مكاتب الخطوط والميزات.
        بهدله للمسافر ما قادر اعرف القصد منها سنو!

        الرد
      9. 9
        سودانية موجوعه

        سافرنا يوم الجمعة دخلونا صالة المغادرة كأننا مواشي وحيوانات كانت حاره جدا لان التكيف ما شغال اجمل شي سوداني قلبو حار جاط فيهم واداهم شكلة جامده لكن لا حي لمن تنادى يا حسرتاه على السودان وأهل السودان

        الرد
      10. 10
        عطبراوي

        يعني بعد خروجكم من المطار هل الخرطوم نظيفة ما حتشوف نفس الوسخ و القاذورات في الشارع لمن تصل بيتكم

        الرد
      11. 11
        ابوعلى

        هل تعلموا ان مدرج المطار فيهو جزء كبير غير صالح لهبوط الطائرات والدليل خلال الاجازة الصيفيةهبطت بنا الطائرة والكابتن داس على الفرامل بكل قسوة مما اضطرنا للتمسك بالمقاعد رغم اننا نربط حزام الامان وسالنا لماذا هذا اعتذر قائد الطائرة لكن علمنا فيما بعد بان باقى المدرج غير صالح للهبوط . وارجو ان تحققوا فى هذا الموضوع لان هذا المطار يثمل بوابة السودان .

        الرد
      12. 12
        طه عمر

        بحكم عملي ذهبت لمقديشو
        ولله مطارها أحسن بكثير من مطار الخرطوم ، مبني انيق وجميل ونظيف وممر هبوط ممتاز وذلك بالرغم من ظروف الصومال الصعبه
        اما الشركه القابضه لمطارات السودان فاسألوا منها المدير السابق وسمساره اللبناني

        الرد
      13. 13
        محمد الرشيد

        شكل المطار وما يقدمه من خدمات لا يليق بالبلد نهائياً ، هذا أمر مفروغ منه ولكن لا حياة لمن تنادي ـ المسئولين يسافرون إلى بلاد العالم ويرون المطارات بأنفسهم ولا تأخذهم غيرة بواجهة بلدهم ليعملوا على تحسينه أو إنشاء مطار جديد والذي يتعثر منذ سنوات وحتى الآن لأسباب غير مقبولة . أما المطار القديم فيفتقد إلى كل شيء له علاقة بالمطارات حيث المباني متنافرة وغير متناسقة وتبدو وكأنها كرتونة مساعدات أسقطت من طائرة إغاثة فتبعثرت محتوياتنا على الأرض ـ كل مبنى له تصميم مختلف ومخالف ـ ومن المعلوم أن مباني المطارات لا تضم أبنية شاهقة فالمباني إما طابقين أو ثلاثة وتشغل مساحات أفقية ومتناسقة . كلما تم إضافة مبنى لمطار الخرطوم يزيد تشويها لأن كل مبنى يختلف تماماً عن المباني القائمة فالإضافة تتم كيفما إتفق وبتصاميم متخلفة لا تحمل أي لمسات جمالية أو إبداعية في مجال الهندسة المعمارية ـ أما الخدمات داخل هذا الصرح العجيب فحدث ولا حرج .

        الرد
        1. 13.1
          ابن الوطن

          المسئولين الان يا اخ محمد الرشيد اصبحوا مهمومين ببناء العمارات والبيوت الخاصة بهم واهملوا المرافق العامة

          الرد
      14. 14
        ابن الوطن

        سوء الحال ليس في المطار وحدة فكل المرافق في السودان طالها الاهمال وسوء الادارة وسبب كل هذه البلاوي هو الفساد والمفسدين … لعنة الله علي جميع الفاسدين والمفسدين

        الرد
      15. 15
        احمد السر

        يا جماعة باختصار كده و من الاخر , المطار ده مصمم لي رحلة واحدة و هي الخروج من غير عودة و الباقين عليهو شدييييد رسلوا ليهو فيزا و منها يغير هو زااااتو جو , و لو ممكن تسوق امك و ابوك تكون ما قصرت و بي كده نحاول نستمتع لينا كم سنة عيشة محترمة قبال ما نقابل ربنا .
        و الله , السودان ده موضوعه منتهي …

        الرد
      16. 16
        عطبراوي

        أحمد السر
        اراك فقدت الأمل خالص في السودان و لك العذر …. انا فكرتك دي طبقتها في منتصف الثمانينات و لحد اسع ما ندمت علي قراري ده ولا أزال في غربتي الي أن ألقي ربي

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *