زواج سوداناس

طلاب من جامعة الخرطوم يصنعون سيارة زهيدة التكاليف تثير موجة من الإعجاب



شارك الموضوع :

تحت شعار (صنع ﻓﻲ ﺟﺎﻣﻌﺔ ﺍﻟﺨﺮﻃﻮﻡ)قام مجموعة من طلاب جامعة الخرطوم أكبر وأعرق الجامعات السودانية بصناعة سيارة بإستخدام مواد محلية وغير مكلفة ، عبر مشروع تخرج لطلاب من كلية الهندسة، قسم الميكانيكا.

والطلاب أصحاب المشروع ، هم ﻋﺒﺪ ﺍﻟﻌﺰﻳﺰ ﻫﺎﺷﻢ، ﻋﺒﺎﺱ ﺍﻟﻮﻟﻴﺪ وﻋﺒﺪ ﺍﻟﻌﻈﻴﻢ ﻛﻨﺪﺍﻭﻱ بمعاونة ﺍﻟﻤﺨﺘﺒﺮ: ﺍﺑﻮﻋﺒﻴﺪﺓ ﻡ .ﺍﻟﺒﺸﺮﻯ وتحت إشراف الدكتور ﻣﻀﻮﻱ ﺍﺑﺮﺍﻫﻴﻢ.

ويقول الطالب ﻋﺒﺪ ﺍﻟﻌﺰﻳﺰ ﻫﺎﺷﻢ عن السيارة “مرفق صورتها بالأعلى” (فكرة المشروع، حل أزمة المواصلات و إرتفاع الآسعار في السودان .. و ان شاء الله تكون بداية تصنيع العربات محلياً المركبة مصنعة بالكامل من اكتر المواد المتوفرة و ارخصها في السوق هي كانت موازنة بين قلة التكلفة .. قوة التحمل و الآدآء

بالنسبة للتصميم نحن طبقنا كل العلوم الاساسية من أساسيات الفيزياء و الحركة و كل علوم التصميم الميكانيكي بمراعاة أوضاع الشوارع في السودان لكي نضمن سلامة الراكب و المركبة .. بساطة التصنيع .. التجميع و الصيانة تقليل استهلاك الوقود ..

المشروع أمامكم تكلفته حتى الآن 15 الف جنيه سوداني و على ضمانتنا أنها تعيش على أقل تقدير 10 سنين.

وبخصوص الماكينة والسرعة و الامان يقول الطالب ﻋﺒﺪ ﺍﻟﻌﺰﻳﺰ ﻫﺎﺷﻢ عن السيارة بحسب رصد “موقع النيلين” (أولا العربة بتوصل سرعتها لحدي 100 كيلومتر على الساعة وبها حزام امان و AirBag والفرامل بتسمح ليها توقف من سرعة 100 كيلومتر على الساعة للصفر او الوقوف التام في 4.5 ثانية أو ما يعادل 5 ثواني ).

ويضيف عبد العزيز، العربية عندها Center of Gravity منخفض الارتفاع ، ممكن تأخذ لفة جامدة بسرعة 80 بدون ما تنقلب .. كله مدعم بحسابات رياضية و Simulations بالحاواسيب فقد كان همنا الاول سلامة الراكب.

ويقول عبد العزيز بحسب متابعة موقع النيلين (هيكل و ماكينة و آلية نقل الحركة و نظام التعليق و المكابح، المشروع دا مكتمل فقط تبقت الكماليات وان شاء الله في الشهور الجاية حتشوفوها متحركة في شوارع الخرطوم ونحن مستمرين في التطوير و ايجاد حلول تزيد العمر و تقلل التكلفة ).

ويضيف الشاب الطموح عبد العزيز “لو ربنا سهل ووجدنا دعم من شركات، في العشرة سنين القادمة السيارة ستكون متوفرة بأقل تكاليف و ممكن أي طالب أو طالبة يمتلك واحدة لنفسه “.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


36 التعليقات

إنتقل إلى نموذج التعليقات

      1. 1
        OMAR ALKASHEF

        بالتوفيق امل المستقبل
        ربنا يوفقكم لما فيه خير البلاد والعباد

        الرد
      2. 2
        ادم

        دى سياره ولا كارو والله دى اصغر مكنيكى فى المنطقه الصناعيه يعملها قال خريجين كلا فارغ

        الرد
        1. 2.1
          بت جلابـــــة

          أصغر ميكانيكي يمكن يصنعها !! ..

          قايلها شنو انت !! فتة بوش و لا ملاح كول !!

          يا خي لو ما قادر تعمل حاجة أسكت و خلي الناس تشتغل .. هسي خلينا من أصغر ميكانيكي ,,, انت Center of Gravity تلقاك مفتكرو مدرب مازيمبي !!!!

          الرد
          1. محمد ابراهيم عبد الرحيم السنوسي

            ليه يعني اخترت ملاح كول بالذات !!!!!

            تحياتي

            الرد
        2. 2.2
          شكري

          (من كان يؤمن بالله واليوم الآخر فليقل خيرا أو ليصمت)

          الرد
        3. 2.3
          bakri

          كلامك محبط .. ربنا يوفقم و دي البداية بس يا ادم .. ناس لسة في بداية الطريق المفروض نشجعم مش نكسر مجاديفم.

          الرد
        4. 2.4
          aشافوه عرفوه خلزه

          يا سبحان الله يا اخى بشر ولا تنفر
          فقل خيرا او اصمت يرحمك الله واستغفر لربك

          الرد
      3. 3
        ود حواء

        بالتوفيق ان شا الله حاجة حلوة وماتسمع كلام الاحباط واصلو عمللكم

        الرد
      4. 4
        النيل العوض الحليو

        ربنا يوفقكم وطالما هنا فكرة وهدف وعدم الياس فإن شاء الله تصلوا إلى الغاية ولا مستحيل تحت الشمس ونتمنى أن تجدوا من يقف بجانبكم من البنوك ورجال الأعمال

        الرد
      5. 5
        osman

        لا للحقد والاحباط ي اخ …ماشاء عمل جميل

        الرد
      6. 6
        ناس الفريق

        الله يرحم جامعه الخرطوم _والله الواحد ماعايز يحبطكم لكن ياولدي نحن في القرن الكم حسع,بعدين مواد محليه, الحديد اللحام العجلات والكرسي القاعد فيه دا.الحاجه المحليه الوحيده في الشغلانيه دي كلها عقلك وباقي جسمك داخل بس. حسع لو بس المطره صبت بتمشي وين.قال ايرباك

        الرد
        1. 6.1
          شكري

          العافية درجات يا ناس الفريق الصبر طيب وأول الغيث قطرة…

          الرد
        2. 6.2
          ود جعـــل

          أير باك .. و كمان معاك فلسفة !! باك شمال و لا ّ يمين ؟؟ اسمها أير باق Air bag … عالم وهم بصحيح !

          الرد
      7. 7
        صلاح جابر

        شوف الكفرين الاماميين كل واحد ماشي في اتجاه ده اول عيب

        الرد
      8. 8
        امريكي

        انت ظاهر عليك يا آدم فاقد تربوي

        الرد
      9. 9
        ابو النصر

        جامعة الخرطوم قلعة التميز و الذكاء

        الرد
      10. 10
        بتاع تعليقات

        صراحة مجهود كبير .. وأحسن حاجة مراعاة سلامة السائق .. وكمان حاجة تانية .. ما في طريقة تظليل .. الا تخت ليك ملاية !!!

        الرد
        1. 10.1
          kjkj

          الهيكل الخارجي لم يوضع بعد يا هذا.

          الرد
      11. 11
        نقاااي

        والله بصراحة مجهود حلو
        لكن بي طريقته دي ما تصلح إلا في الحواشات
        امانه دردقة ولو بتصرف بنزين كمان اكبر مشكلة

        الرد
      12. 12
        Ahmed

        ماشاء الله وربنا يوفقكم ومزيدا من الاجتهاد والمثابرة حتى يستمر المشروع ويدعم الاقتصاد السودانى

        الرد
      13. 13
        SDN-SDG

        صنعوا سيارة ام صندوق
        السيارة هي المكنة وبساتمها والمكونات الالكترونية
        هل هذه الاجزاء مصنوعة في السودان

        الرد
      14. 14
        ود البلد

        ما شاء الله خطوة في الطريق الصحيح انصح الكل يقراءة كتاب كيق اصبحوا عظماء

        الرد
      15. 15
        Abdelmunim

        مزيد من التوفيق انشاء الله …نحتاج الي من يدعم الناججين حتي يبدعو وليس اسقاط السخرية عليهم حتي يملو ويحبطو…اضف بصماتك في الحياة ولا تلتفت الي الذين لا بصمة لهم في الحياة و لا ابداع…

        الرد
      16. 16
        suliman

        مبروك ربنا يوفقكم بس الباب وين والمرايات لو يعني واحده عايزه تركب؟٠٠٠٠٠٠٠٠٠

        الرد
      17. 17
        عمدة

        لا تغتالوا الابداع والمبدعين،قرأتم المواصفات الميكانيكية والفنية وقالوا التحديثات متواصلة-اصبروا شوية-ديل شباب مبدعين،ما عطالة ولا محششين،ما تحولوا كل شيئ للسياسة والمماحكة والتقطيع ومريخ-هلال!
        باذن الله(اذا ما ضايقوهم اللاعبين الكبار )وخرجت الفكرة للواقع اكون من اوائل المشترين،الى الامام.

        الرد
      18. 18
        ودالجزيره

        ميه الميه ياولاد …واوعى تسمعوا كلام المحبطين المفلسين ذهنيا….برطانيا العظمى بدات صناعة السيارات بسياره تشبه هذه السياره شكلا …واى سياره صالون لو شلت منها البودى ستصبح مثل هذه السياره….الى الامام والالف خطوه تبدا بالخوه رقم واحد …الى ان تصل مرحله الهامر انشاء الله…؟
        واذا كان عندى نصيحه ليكم لازم تعملوا تجربه عمليه اختباريه للسياره …بيان بالعمل تحت كل الظروف …المرتفعات تحت الامطار فى الوحل وكل الاختبارات الممكنه …فاذا اجتازت السياره هذه الاختبارات تمنح شهاده الترخيص لمزاوله العمل.وشكرا

        الرد
      19. 19
        أبو أحمد

        ربنا يوفقكم والعافية درجات وأهم حاجه السلامه وزي الحاجات دى هى الحل الأمثل لمشكلة المواصلات خصوصا في العاصمه وفوق دا كله بالسعر المذكور ممكن كثيرمن الناس يقدروا اشتروها ورصيد قدام البيت لحالات الطواري

        الرد
      20. 20
        حسن السوداني

        ما شاء الله تبارك الله—
        شبابنا هيا الي الإنجاز —
        هيا أصعدوا شوامخ الجبال—
        هيا اهتفوا يا معشر الرجال—
        قولوا لكل الناس لا نبالي–بكلام الإحباط والتخذيل–

        الرد
      21. 21
        احسبو

        وااله دا ما احباط بس دى حقيقة يعني مفروض تكون شغالة بي طاقة شمسية وتكون الكترونيا يعني من دون عجلة قيادة
        انا شايف انو ما في جديد ونحن في القرن الواحد والعشرين …من وجهة نظري دى حاجة بدائية

        الرد
      22. 22
        suliman

        بعدي التخرج لي السعودية اصل البلد بتعلم وغيرنا بستفيد

        الرد
      23. 23
        ودالجزيره

        اكثر ماعجبنى فى هذه العربه هى فكرة اليايات الاماميه فهى مصممه بطريقه مختلفة تماما عن بقيه السيارات وربما يتم تبنيها من احدى الشركات الكبرى العالميه وذلك لان الفكره جديده وغير مسبوقه..

        الرد
      24. 24
        قدره

        ده ما كارول عديل ناقصه حمار.

        الرد
      25. 25
        ابوعبدالله

        1-مشاريع التخرج متطلبات الكليه لنيل الدرجه المعينه
        2-الفكره جميله وزمان واحد صنع عربيه اسمها امروابه(بوكس) جاءت الخرطوم
        3-لا تنسوا تمشوا الفحص الالى والمرور والجمارك وتعملوا رقم شاسى قبل تمشوا الشارع
        4-ربنا يوفقكم وتنسقوا مع جياد للسيارات(عربيه تشبه عربات وكاله ناسا للفضاء)

        الرد
      26. 26
        هريسه وهردبيسه

        لو انا وزير الصناعه اشجع الجماعه ديل … واعمل منافسه ما بين جامعه الخرطوم وناس المنطقه الصناعيه ونستفيد منهم الاتنين

        الرد
      27. 27
        مصعب

        احيكم علي المشروع ،، وربنا يوفقكم
        لوعاوزين دعم بي قطع غيار من الإمارات. انا جاهز
        Mosabmikashfi@yahoo.com

        الرد
      28. 28
        ياسر الشايقي

        اتمني من صميم قلبي /لكم التوفيق وسدد الله خطاكم

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *