زواج سوداناس

وصية وطنية !



شارك الموضوع :

> كالعاده اكتب قبل لقاء العلمه
> «الإنتباهة» بتطبع ما شاء الله مية الف
> يعني لازم تمشي المطبعه تسعه
> وتدور ليك في المطبعه من تسعه لي تلاته صباحا حتى تنتهي
> وبعد ده ما مكفيه
> اللهم انعمت فزد
> المهم
> اكتب قبل لقاء العلمه
> وايا كانت النتيجه
> وحتي ولو ما اتلعبت
> قول ركبنا طيارتنا ورجعنا قبل الكورة
> برضو القصه ما بتغيير في الواقع شيء
> واقع اننا صعدنا لدور الاربعه
> يا ربي المعانا منو غير اتحاد الجزائر ؟؟؟
> مجموعة اللولوه لسه ملولوه
> لو سموحه اتغلب في المغرب
> قول سموحه اتعادل مع التطواني
> لو التطواني غلب سموحه
> قول سموحه غلبت كورتها الاخيره في بلدها
> لو مازيمبي اتعادل مع التطواني في الكنغو
> لولوه تفتح عمل عشرين شيطان
> نحمدك يا الله
> لا لولوه ولا جهجهه
> البقابلنا من مجموعة اللولوه منو يا ربي؟؟؟
> تكون انت يا روشا يا طويل يا ملولو ؟؟؟
> غايتو ما همانا مدام الاتحاد معانا
> البجي من بهناك كلو
> يا قابل الاتحاد
> يا قابلنا
> وفي الحالتين ضايع
> ايها الناس
> اتوقع ان نؤدي مباراة رائعه نطرب بها اهل الجزائر الذين اكرمونا
> ففي الجزائر مليون شهيد نعم
> ولكن فيها ايضا عشره مليون جزائري مريخابي
> المريخ في كلو بلد سوالو ولاد
> المريخ عالمي
> كل الجنسيات فيها مريخاب
> المان وهولنديين
> مغاربه
> تتذكروا سعدا؟؟
> مصريين بالهبل
> كينيين
> جنوب سودانيين
> سعوديين
> في كلو بلد سوالو ولاد بي حقو
> ومن حقو
> المهم
> اليوم يقابل ابو الهل التي بي
> نسأل الله السلامه
> ومن دوافع وطنيه
> نقدم النصح للاخوه الاهله
> يا جماهير الهلال الوفيه
> تشجعوا بس
> في كل الظروف
> ما تتفلتوا عشان تبوظوا اعصاب اولادكم
> نعلم ان ابو الهل السنه دي في اسوأ حالاتو
> لكن تسووا شنو
> يا هو قدركم
> تشجعوا لي آخر دقيقه
> ولو مازيمبي جاب قون ما تقنعوا
> انسوا القصه وشجعوا كأنها درون
> كرستالات لأ
> هتافات ضد اللاعبين لأ
> هتافات ضد المجلس لأ
> صفقه لي مازيمبي تعني اليأس
> قاتلوا في مدرجاتكم
> دافعوا عن هلالكم
> انه هلال السودان
> نتمني ان يفرح السودان
> سودان المريخ
> فهلال السودان يجب ان يشرف سودان المريخ
> نريدكم الي جانبنا في الدور المقبل
> الشعب ده ما ناقص مآسي
> وحتى لا قدر الله لو خسرتم المباراه
> فهذه هي قدرة الهلال الفنيه في هذا الموسم
> يجب ان لا تنفضوا من حول الهلال
> تصبروا
> وانتوا الصبر ما بوروكم ليه
> تصبروا وتصلحوا تيمكم لي موسم جديد
> تمشوا المواسير وتحافظوا على الصير
> عندكم للامانه صير تمام
> ربوهوا بي مهله
> والباقي على الله
> ايها الاهلة الشرفاء
> لا تستعجلوا النصر
> اتعلموا من تجارب الشفوت
> تشجيع لحدي الدقيقه تلاته واربعين
> وبعدها اقصينا عزام
> استفيدوا من تجارب الشفوت
> فالهلال يحتاج لوقفتكم حوله
> ومهما حصل
> خيرها في غيرها
> الدنيا ما انتهت
> المهم
> ريحة المطار فاحت
> جارنا هلالابي عندو حساسيه شديده
> ريحة المطار بتهيجها عليهو
> اليومين دي
> من الاتحاد غلب الوفاق
> ركبوا ليهو فراشه وختوا ليهو الاوكسجين
> حساسيه شديده
> وريحة المطار شديده
> الزول ده حقو شهر حداشر يمشي العلاج بره
> ما بقدر يتحمل ريحة المطار شهر حداشر
> الخوف يروح فيها
> ايها الناس
> اتمنى ان تكون أحرفي هذه تداعب اعينكم المشرقه والمريخ قد ادهشكم بالجزائر
> ايها الناس
> اوصانا رسولنا الكريم ببعضنا
> حتي بعد الموت
> قال لينا اذا مات فاتبعه
> راجينا المشوار ده
> ايها الناس
> ان تنصروا الله ينصركم
> اها
> نجي لي شمارات والي الخرتوم
> والينا
> عندنا سؤال تجاوبوا لينا
> من حقنا عليك يا والينا
> هل ممكن تاني مشروع الجزيره زي الاول يرجع لينا ؟؟؟
> ينتج قطن يجيب الدولارات سمينه
> ترجع بنياتو التحتيه الكانت شرف لينا
> سكك حديديه يا والينا
> ومكاتب وبيوت موظفين منتشره في المشروع خدمة لينا
> وترع ابو عشرين وكنارات منارات لينا
> ويا حليل المورس يا والينا
> دحين باقيلك برجع لينا ؟؟؟
سلك كهربا
ننساك كيف والكلب لما سمع عودة مشروع الجزيره هزه ضنبو وجري اسي وصل العزازي نازل من القطينه
والى لقاء
سلك

شارك الموضوع :

تعليقات الفيسبوك

تعليقات


1 التعليقات

      1. 1
        عبد السيد

        ريحة المطار ممكن ………………..
        رجوع الهلال ممكن ………………
        لكن مشروع الجزيرة ما اظن …….. ده شغل النجار قي العود
        الهم اجر اهل الجزيرة في مصيبتهم …. يا مجير

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *