زواج سوداناس

بتكلفة 12 مليون دولار .. شراء طائرتين لـ”سودانير” و (9) سفن للبحرية



شارك الموضوع :

كشف مكاوي محمد عوض، وزير النقل والطرق والجسور، عن توقيع عقد شراء إيجاري، لطائرتي آيربص لصالح الخطوط الجوية السودانية، لافتا إلى أن الدولة تولت دفع ديون سودانير الحكومية بجانب البدء في تمويل صيانة طائرتي آيربص في إطار تأهيل الناقل الوطني ليعود كشركة وطنية رائدة للطيران بأفريقيا، وأعلن خلال مؤتمر صحفي أمس (الخميس) استعرض فيه نتائج زيارته إلى الصين، عن دعم الخطوط البحرية بعدد (9) سفن جديدة لأغراض السفر والشحن الجوي بالإضافة إلى نقل المعدات والغاز بجانب المنتجات البترولية واستعرض مكاوي خطط السكة الحديد التي انتقلت من مرحلة الخطة الإسعافية إلى خطة الإنعاش مشيرا إلى توقيع خط شراكة مع شركة (سي سي أي سيسي) للخط الشرقي بطول ألف كيلو متر بتمويل قدرة (14) مليون دولار بجانب توقيع عقد لقطاري ركاب الخرطوم مدني بتكلفة (12) مليون دولار .

صحيفة اليوم التالي

الخرطوم – أماني خميس

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        عبدالله

        وعندما تحسب خبرات ومدخرات مليون مغترب بالخليج تشوف أي مبلغ مهما كبر (تافه) وعندما تحس وتتحسس ضياع هذه الخبرات والمدخرات برعاية السفارات وجهاز المغتربين . تشوف التفاهة بايته ومقيله في حينا في حينا . وأحي على سيفو البسوي ولا يساوي التبش والباميه للمفروكه.

        الرد
      2. 2
        حاتم

        إنتو قايلنها لعبة تكسروا وتهدموا وتجو وقت دايرين تعيدوا البناء من تاني بدون أي حساب لمتراكم السمعة السيئة التي جلبتوها للناقل الوطني بنخطيطكم الهدام وسمسرتكم الغبية التي تاكل اللحم وتكسر العضم
        كيف لكم بالله أن تعيدوا الخطوط السودانية سيرتها الأولى بعد كل هذا الدمار الذب حاق بها ؟
        بأي منطق وأي عقل يقبل هذه الترهات والتخدير الذي تمارسوه ليل نهار
        من الافضل لكم ان تعتمدوا على الخطوط العربية التي ملأت شاغر محطة الخرطوم الجوية بكل كفاءة واقتدار
        دون ان تتعبوا أنفسكم فالفاتكم كتير والمسافة بعيدة ولن تبلغوها حتى يلج الجمل في سم الخياط
        هيهات والله أن تعيدوا مافقدته الخطوط الجوية السودانية فبطلوا احلام زلوط دي
        وانفجخوا في واطة الله دي
        وشوفوا درب سمسرتكم بي وين

        كدي أولا بالتبادي حاسبوا لينا كل من سرق الخطوط السودانية وباع طائراتها ومكاينها خردة
        وباع خط هثرو بعد داك تعالوا شنفوا مسامعنا بي سيرة بناء سودان طير من جديد

        بلا يخمكم

        الرد
        1. 2.1
          متوكل علي الله

          والله بلا يخمك انت دة ويريح البلد من امثالك
          الحمد لله الحكومة ما بتسمع لي المحبطين الزيك ديل
          يعني فهمك شنو؟ خلاص الناس تيأس وما تحاول تصلح؟ يوقفو اي مجهود ويقولو خلاص الزمن فات ننسي الموضوع؟
          شعب سجم وقلبو اسود

          الرد
      3. 3
        ناجى الامين منوفلى

        حقا عملية الاصلاح عاوزة نفس طويل ولكن جات متاخرة جدا وهذه حقيقة وطن بلا ناقل وطنى ونقبل بحرى وجوى والاهم البنية التحتية والمطار الجديد لازم يشرع به باسرع وقت وحتى نكون لدينا بنية تحتية سليمة نطلق بها وثانيا لم تكن لد\وله تخطيط سليم حقيقة وادخلت نفسها بحروب واكلت الاخضر واليابس ولو فرضا قلنا مفروضة الا ان عائد البترول لم يستخدم صحيح انذاك وحتى البنية التحتية مهمشة ولم تكن بالصورة الطموحه واخيرا ابداوا بالبنية التحتية فى كل المجالات الزراعيه والحوانية وبعدها البنية التحتية من صحة وتعليم وومن الاوليات عمل دراسةلاستفادة من مياه الخريف وعمل مجارى وتصريف صحى وليس مستحيل عمل ذلك والاقتراح ببيع كل السيارات الدفع الرباعى فى ولاية الخرطوم واستبداله بجياد وايضا عمل نفير قومى فى ولاية الخرطوم لكل بيت وكل قطاعات
        ورجال الاعمال وطرح عطاء لكل مدن الغعاصمه واجلاب شركات كورية او تركية ضخمه تتولى المشروع الحيوى وتكوين لجنه شعبية من الداخل والدوله تشرف على المشروع حتى لا يحصل كما معلوم ماكله جديدة ودرا للفساد والمحسوبية ؟والله المستعان

        الرد
      4. 4
        alhadihamid

        ما قالوا 5 طائرات ، كشن بقن 2 طوالي كدة …. اخدتوا الباقيات كمشن و لا شنو ؟؟؟؟؟

        الرد
      5. 5
        متوكل علي الله

        ياخ انتو اسوأ شعب… يصلحو ليكم تنقنقو… ما يصلحو ليكم تنقنقو… يحاورو امريكا تتنقنقو… ما يحاورو تنقنقو… يعالجو الولد الجنوبي تنقنقو… ما يسالو فيهو تنقنقو
        اي حاجة عندكم فيها راي وسجم
        زول واحد فيكم عندو حس وطني مافي… طواااالي ماسكين في قصة السافرو والاغتربو والهاجرو… ياخ في زول قال ليهم امرقو؟ ما ياهم ديل السودانيين عايشين في السودان في امانة الله… الداير يقعد يقعد والداير يمرق دة قرارو هو ما يصدعنا بيهو… وعلي قول الشاعر: والذي نفسه بغير جمال ***** لا يري في الوجود شيئا جميلا
        ان شاء الله تضيق عليكم اكتر من ما هي ضيقة عشان تتشائمو اكتر من كدة.
        شعب داخلو اسود من السجم

        الرد
        1. 5.1
          عبدالله

          كلامك صاح يا متوكل .. وعن تعليقي بخصوص المغتربين القصد أن اليد طويلة وبالامكان شراء المزيد من الطائرات والبواخر وتأهيل السكة حديد والمصانع والمزارع والجامعات و و . وكل ذلك من خبرات ومدخرات المغتربين . يعني في الهم سوا والمهم النية والعمل الطيب لهذا البلد الطازه والمواطن الطيب طيب طيب .

          الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *