زواج سوداناس

تحريك إجراءات ضد “قاضي سوداني” أساء لضابط بالجيش الأمريكي



شارك الموضوع :

دفع الضابط السوداني بالجيش الأمريكي الخير عبد الهادي بشكوى لرئيس القضاء ضد قاضي محكمة مجمع الفتيحاب على خلفية حبسه 6 ساعات عقب استدعائه للمحكمة للإدلاء بإفاداته في قضية نزاع أراضي خاصة به، تم تزوير مستندات وببيعها لثلاثة أشخاص في وقت واحد. وقال إن رئيس القضاء شرع في تحريك إجراءات ضد القاضي.

وسرد الضابط لـ «آخر لحظة» تفاصيل حادثة حبسه ، وقال إنه أثناء جلسة سماع القضية طلب من محامي المدعي في القضية عدم التحدث إنابة عنه مما دفع القاضي لإساءته والتحدث معه بأسلوب غير لائق، على حد تعبيره.

وأضاف عندما قلت له أريد التوضيح فقط يا مولانا أمرني بأن أصمت وبعدها أصدر الحكم بحبسي، وتم حبسي بالفعل من الساعة التاسعة والنصف إلى الساعة الثالثة والنصف أي ما يقارب ست ساعات،

وقال إنه تم حرمانه من الأكل والشرب طيلة فترة حبسه، وأضاف أن إطلاق سراحه تم بعد تدخل المشرف العام، وبعد أن تبين لسلطات السجن أنه ضابط بالجيش الأمريكي وكشف عن لقاء تم بينه ورئيس القضاء أمس بشأن القضية مشيراً إلى أن رئيس القضاء تعهد بإنصافه ومحاسبة القاضي.

الخرطوم : شادية إبراهيم : اخر لحظة

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        osman

        زرق الملحة لما عرف انو عندو جواز امريكى

        الرد
      2. 2
        ابو ايثار

        يا ريت لو كنا امريكان

        الرد
      3. 3
        فضل الله بله

        احمدالله اني سوداني وما اقول فشلنا او نحن فاشلين لكن هيه قسمة الله في الارض لو دايرين ننجح بطلوا العبط والبتسوا فيهو شنو قاضي يعني ضابط او امريكي او كوز اسباب الرقي والنجاح مش مسميات بل افعال

        الرد
        1. 3.1
          قلبي على بلدي

          الاخ/ فضل الله انا اتفق معاك ان النجاح افعال لكن كلامك دا وجهو للناس الحكومة مش الشعب السوداني المغلةب على امره

          الرد
      4. 4
        سودانى مغبووووون

        والله فعلا وعن تجربه .. اتفه من قضاة السودان مافى الا من رحم ربى … الواحد فيهم ينهزر في القدامو وينهر فيهم التقول مشتريهم من جيب ابوهو واى واحد يفتح خشمو يديهو الحبس … والزول بعد جاى مظلوم ويكابس في حقو .. يبقى في الاجاويد عشان يرضو الجربان الحكم الزمن يوديهو ليهو ده .. ويفكو من السجن… وبعد كده يترصدو ليك في قضيتو ويحقد عليهو باقى الجلسات ويتلتلو ليك تلتلة الله اكير … لغاية ما ياكد ليهو الظلم العليهو باوراق رسميه وحكم محكمة …
        عشان كده حقك تاخدو ضراع بس .. وخلى البتقلع منو حقك يمشى هو يشكى ويقول للجربان ده ( الراجل ده قلعته حقو وقلعو منى تانى ) …

        الرد
      5. 5
        عمدة

        قال الفاروق عمر:لا يعرف الحق بالرجال،ولكن يعرف الرجال بالحق،
        ولا أزيد على قول الفاروق!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *