زواج سوداناس

صحيفة حكايات السودانية التي تصدر بالخرطوم، تخصص صفحة يومية باللغة الإثيوبية.. ما رأيك؟



شارك الموضوع :

قال الإعلامي حامد عثمان أن الخطوة الجريئة التي أقدمت عليها صحيفة حكايات السودانية التي تصدر في الخرطوم، بتخصيص صفحة يومية باللغة الإثيوبية تستحق الوقوف عندها وفتح أبواب الأسئلة عن الدوافع والنتائج وسأل أصدقائه على فيسبوك كيف تقيمون هذه الخطوة؟.

تنوعت إحابات أصدقاء حامد عثمان وبحسب رصد موقع “النيلين” هذه أبرز الأراء.

Nazar Guma
انا مع مثل هذه التجربة بل واتمنى ان تكون هناك صحف كاملة بكل لغات المتواجدين في السودان لان احساس العزلة رهيب واثاره السالبه كارثية وان يعرفنا الغير خير من ان يتعاملوا معنا عن جهالة وان تدخل السعادة لقلب اي انسان هو امر رائع.

Durtee Harry
من حق اي جاليه كبيره في اي بلد ان تتم مخاطبتهم بي لغتهم ومصلحه للدولة المضيفة مخاطبتهم حتي يتعلمو قانون الدولة وتشريعاتها ولا يقعوا في الأخطاء.

Mohamed Osman Hamid
خطوه ذكية تستحق الثناء و الإعجاب و الشعب الاثيوبي من اقرب الشعوب لنا.

وأضاف الصحفي السوداني مصعب محمود قائلاً
فكرة جريئة ومبادرة مميزة ….. حتى الشرطة تحتاج الي اصدار نشرات ومطبوعات وملصقات باللغة الاثيوبية.

Osman Abdalla Al Sudani
حسب الأحصائيات الرسمية صادرة من وزارة الداخلية عدد الاثيوبين داخل البلاد 3 مليون شخص وبعيدا عن عدد خارج مظلة الحصر… واعتقد صحيفة حكايات فطنت للعدد الكبير وقامت بأضافة صفحة خاصة لهم وهي خطوة موفقة وتجربة جديرة بالدراسة ومدي تأثير الكم الهائل من هولاء في البلاد.. بالاضافة الي زيادة مبيعات الصحيفة.. واخشي ان تكون السبب الاخير هي من دوافع الصحيفة في ظل عزوف القارئ السوداني من اقتناء الصحف الورقية. ..ولكن سوف تكون لها تبعات في المستقبل اذا ما لم تتم اختيار الموضوعات المنشورة ومدي تأثيرها علي اللغة والثقافة وسلوك المجتمع المحلي..

وتداخل رئيس تحرير صحيفة حكايات السودانية الأستاذ وجدي الكردي رداً على مداخلات أصدقاء الصحفي حامد عثمان قائلاً (تعليقاتكم مفيدة جداً..).

فما هو رأيكم أنتم ؟.

الخرطوم/معتصم السر/النيلين

شارك الموضوع :

تعليقات الفيسبوك

تعليقات


19 التعليقات

إنتقل إلى نموذج التعليقات

      1. 1
        شاهد

        قال مالكوم اكس المسلم الامريكي المشهور ان هناك ناس عندهم قابليه لان يكونو أرقاء دون ان يسترقو اعتقد في بعض من الشعب السودان عندهم هذا الجين اللعين حب الأجنبي وبالأخص الأجنبي الذي يسعي بكل ما اوتي ان يذيك ويضمر لك السوء مثل الشعب الحبشي وحكوماتها الحاليّه والسابقة يا سودانيين اسمعو ممن عاش طويلا مع الحبش اولا الاحباش يعتقدون اعتقاد جازم ان عدوهم الاول هم السودانين والسودان الحبشي عندو جين في دموا يكره اي حاجه اسمها اسلام ومسلم وأقروا التاريخ الان منذ اكثر من عشر سنوات وعلماء المسلمين وقادتهم الحبش زيهم يتعرضون لاقسي صنوف التعذيب والقتل في سجون الاحباش لا لشي الا انهم يريدون ان يديروا شؤونهم الدينية من صلاة وصوم وحج وزواج فقط لم يطمعوا في يوم الأيام للسلطه رغم انهم اغلبيه في بلادهم الحبشه لم تعلن في يوم من الأيام تفاصيل الإحصاء السكاني حتي لا يعلم العالم باغلبيه السكان المسلمين تحت الاسترقاق المسيحي والزحف جاي للسودان ولم لا والسودانيين قيادة وقاعده واكاديمين وصحفيين وأمنيين زي عثمان السيد جاهزين للاسترقاق لم لا والحبش يحتلون أراضي السودانين من زمن الإنجليز وحتي والآن وبعد دا كله السودان يمسح أحذيتهم كل ملفات السودان معارضه وحكومه في يد استخبارات الحبش و٩٠ ٪‏ من مياه السودان في يد الحبش بعد سنه فقط من اكتمال سد النهضه سد الموت للسودان ومصر هذا السد الذي يبني في ارض سودانيه ميه ميه لا تقل أهمية من أمدرمان وودمدني وشندي والفاشر سد النهضه يبني في بني شنقول الارض السودانيه لو وجدت في دوله تانيه غير السودان لدفعت فيها المهج والارواح ولكن دا السودان اللي تخلي عن الجنوب ليوغندا والحبشة وحلايب لمصر
        ولي بسبب بني شنقول غزا محمدعلي باشا السودان ليكتشف معاه منابع النيل ويزود جيشه بالرجال الأقوياء أقروا تاريخ سنه رابعه يا عثمان السيد ومن يلف لفه من طبقه الاحباش في السودان سلمان محمد سلمان مضلل الرأي العام السوداني لقبول السد الذي سوف يقتلهم يمح السودان من وجه الارض الحبش احتلوا من السودان بني شنقول وقمبيلا والمتمه والقلابات والفشقه قطمو نصها وزاحفين للنصف الثاني وهدفهم أمدرمان كما ادعي ملكهم منليك قال عند تقسيم افريقيا في مؤتمر برلين لان الاحباش الوحيدين اللي اشتركوا في تقسيم افريقيا مع المستعمرين قال منليك ان حدودهم امردرمان أقروا التاريخ وامشو دار الوثائق السودانيه تجدو هذه المعلومات بدون اضافة إعلام السودان يغيب الشعب السوداني مما يحاك ضده يكفي الان عندكم كما ذكرتم ٣ مليون حبشي في الخرطوم فقط وهذا نصف العدد الحقيقي اغلبهم شباب والحبشي غير مستهلك ادخله تخيل لو الحبشي بحول فقط ٢٠ دولار فقط دا كم ٦٠٠ مليون دولار في الشهر في السنه ٧ مليار وميتين مليون دولار في السنه من اقتصاد السودان المتهالك يذهب لاقتصاد الحبشه لتقتلون به يوما مسالة وقت دا غير الذين هربو اليهم من مستثمري السودان وسوف يندمون لان مافيش فلوس دخلت الحبشه وخرجت دي خبرة جدود عملوا هناك لو طلعت بجلابيتك تحمد سيدك لان الحبش غدارين يأكل في قدحك ولا موخاذه ….. كملو الباقي

        الرد
        1. 1.1
          شد حيلك

          انت هسي كاتب تعليق صفحة كاملة كلها عواطف ضد الحبش .. انا زيك اكره الاجنبي الذي ياخذ مكانة في المجنمع الذي جاءه اكثر من المواطن. بس نسيت العرب واخص المصريين واللي تقريباً حرفيا امتلكوا بتواطء من الحكومة جزء كبير من السودان ابتداء من دلتا القاش ومشروع الجزيرة والشمالية, السودان كدولة والله اعلم انتهى وكلها كم سنة واهل الشرق والشمال والوسط حا ينادوهم بـ عـ ي د. ده مخطط كبيير يا اخي ورؤوس الدولة الحالية تم تأمين اسرهم لجيلين على اقل احتمال. وياريتها لو جات على صفحة لغة اثيوبية

          الرد
          1. تاجوج عثمان ابراهيم

            والله كلامك منطقي جدا وكلامك مظبوط وصحيح ١٠٠ في ١٠٠
            جدا بس تعرف انو ناس البلد حاليا في اشغال ماحبين يشتغلوهاء وفي البعض الاخر لا يمتلكون القدارات التاهلية التي لا تمكنهم من الاداء الجيد لتلك المهن التي حاليا يشغرهاء اولائك الموظفين الاجانب لذالك يعود او يرجع السبب الينا فنحن من المفترض ان ننمي قدراتناء المهنيه والعقليه ومن ثم بعد ذالك يكون لنا الحق والاولويه ان نلوم الناس ودولتناء علي عدم توظيفنا في تلك الوظائف التي يشغرهاء اولائك الاجانب

            الرد
        2. 1.2
          عماد

          اذا كان لديك اجندة مع الحبش فلا تفرض رايك علينا..يا شاهد روق شوية واهدي لحظات هنية

          الرد
          1. زول

            الدنيا لمن ضاقت بالصحابة مشو الحبشة
            الرسول صلي الله عليه وسلم وصاهم بالحبشة
            ياخ انت زول مخك فااااااااضي
            دايرنا نقرا التاريخ
            دا التاريخ

            الرد
      2. 2
        مؤمن

        كلامك مظبوط وصحيح ١٠٠ في ١٠٠
        السودان من السنه الجايه تحت رحمه حكومه أديس أبابا
        ولوحدث اي صراع عسكري معهم تخيل ماذا يفعل ٣ او. ٤ مليون حبشي بالخرطوم
        وكم عدد المخابرات والجنود الاثيوبيين بينهم
        أكيد اكثر بكثير من عدد الجيش السوداني باكمله

        الرد
      3. 3
        بلحه

        طيب يا شاهد مش برضو ديل الذين حمو المسلمين ايام تعزيبهم من المشركين فامرهم الحبيب المصطفي بالهجره الي الي الحبشه فان فيها ملك عادل ….الاحباش مثل كل الشعوب فيها الصالح والطالح زينا السودانين…الاحباش امم عظيمه لها تاريخ وحضاره ضاربه في الجزور …التجيه للاخوه الاثيوبين الشرفاء في بلدنا وعليهم احترام القانون بصوره تامه..

        الرد
      4. 4
        بتاع تعليقات

        احتمال بعد شوية صحيفة حكايات تكون فيها صفحة واحدة بالعربي والباقي اثيوبي ههههههههههههههههه

        بس أغلب الظن أن يظل الموضوع صفحة واحدة .. لأن السودانيين ما في زول بيحصلهم في موضوع الجرايد دا (مرضة ساكت)، يعنى تلقى الواحد عنده 5 جنيه يركب مواصلات ويشتري جريدة و يشرب جبنة … بعدين الفطور .. الله كريم.
        بعدين وسائل التواصل الاجتماعي ليها دور برضو .. الناس عايزة حاجة تشوفها وتسمعها !!

        الرد
      5. 5
        عمر الامين

        يبدوا ان النهايه قربت؟ الله يستر الخرطوم حصلت الفشقه

        الرد
        1. 5.1
          عارف وفاهم

          على قولك : الله يستر الخرطوم ما تحصل الفشقة!!!!!

          الرد
      6. 6
        حشرة

        حشرة

        الرد
      7. 7
        ابو محمد

        في الأمارات توجد إصدارات هندية و إردية والجاليات اكثر من عدد المواطنين لم يتزمر أحد منهم على العكس طوروا البلد لمتى نحن السودانين في هذه القوقعة وفقاعة نحن الساس و نحن الراس اي بلد متطور متقدم لابد من الوجود الأجنبي

        الرد
      8. 8
        عماد

        يسألني الله………..شاهد…………عندو مشكلة مع واحدة حبشية…….ادته شاكوش……….هههههههههههههههههه

        الرد
      9. 9
        عابد

        الفكرة من حيث المبدأ لا باس ولا عيب في ذلك لكن وزارة الثقافة اذا لم تتطور وتكون منتبه والجهات العليا سوف تطمس هوية البلد وزارة الثقافة امامها جهد كبير لرتق النسيج

        الرد
      10. 10
        زول ساى

        الهدف منها العائد المادى بغض النظر عن أى إعتبارات أخرى ، و شئ مؤسف ان يصدر لهم صحف بلغتهم ، الشئ الوحيد الذى يجمع ويربط ويوحد الشعب السودانى من اقصاه لاقصاه هى اللغة العربية رضينا أم أبيينا ونحن لسنا بحاجة إلى مزيد من التشتت والتفرق ، لم تجمعنا اللغة النوبية ولا لغة المساليت او الزغاوة او الدينكا بل جمعتنا لغتنا هذه للدرجة التى جعلت دولة الجنوب تتحدث وتكتب باللغة العربية وهى الرابطة الوحيدة التى تجمع ابناء الجنوب رغم سعى الغرب لفرض اللغة الانجليزية عليهم ولكنهم فشلوا ، اعتقد ان الاثيوبيين ليسوا بافضل من الجنوبيين دعوهم يتعلموا لغة التخاطب القومية حقتنا ودعوهم يتعاملوا معنا بلغتنا وان لا نسمح لهم بان يكون دولة داخل دولتنا وهذا ما تعانى منه دول الخليج التى سمحت بذلك فأصبحت قلقة جدا خاصة إذا زالت طفرتها الاقتصادية وعادت إلى وضعها البائس حينها سيطالب هؤلاء بكل الحقوق وربما بتغيير اللغة بإعتبار انهم الاغلبية ، وهم قد فطنوا لذلك ولكن بعد فوات الاوان.

        الرد
      11. 11
        عابد

        انا اتفق مع زول ساي انا ليه ما بثق في اي عمل ولا فكرة لان اي زول يكذب عشان يصل لهدفه المادي بعد يكسب يقول للناس طز فيكم

        الرد
      12. 12
        sahaby1958

        امشوا كسلا وشاهدوا لافتات المحلات التجاريه والاغانى الاثيوبيه والغزو الاثيوبى
        واعقد ان المدينه لا تحمل من هويتها سوى اسمها

        الرد
      13. 13
        ود نخل

        اغلب الحبوش يبصقون في الصحن الذي اكل فيه وهذه حقيقة . الا اني لست من انصار التعميم

        الرد
      14. 14
        تاجوج عثمان ابراهيم

        كلامك صحيج 100

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *