زواج سوداناس

رجل يقتل مخموراً وجده داخل منزله ليلاً



شارك الموضوع :

أوقفت شرطة أمبدة جنوب متهماً وجهت له تهمة قتل رجل مخمور تسلل إلى منزله ليلاً وطبقاً للمصادر فان القاتل خرج في حوالي التاسعة والنصف مساءا بغرض إحضار وجبة العشاء ليعود في حوالي الحادية عشر ليلاً وعندها وجد رجلاً جالساً داخل حرم منزله فقام بتسديد ثلاث طعنات له أردته قتيلاً في الحال، ليتم إبلاغ الشرطة التي هبت لموقع الحادث ليتبين أن القتيل كان مخموراً وأثناء مروره بالشارع العام وجد باب منزل القاتل مفتوحاً بعد أن تركه المتهم على تلك الهيئة وذهب لإحضار العشاء، ليدلف المخمور الى المنزل وشرع في التحدث إلى زوجة القتيل التي كانت مصابة بالرعب من ذلك الغريب، وعند حضور زوجها قام بتسديد طعنات للمجني عليه أردته قتيلاً في الحال.

صحيفة السوداني

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        الســوداني الخــطر

        والله الراجل ده ما نصيح
        قالوا السكران في ذمة الواعـــــــي

        اسي هو برضو سيحاكم عليه بالاعدام

        الرد
      2. 2
        الرقراق

        حسع دي يحلوها كيف واحد خلة باب البيت فاتح وجا سكران واقف لط دخل البيت وقام يغازل في الولية ولمن رجع صاحب البيت شايل طبق البيض والفول لقي عمك السكران يغازل في الحنان وصاحب البيت من الغيرة رمي طبق البيض وبي شهامة طعن السكران وصاحب البيت طلع هو الغلطان يعني لو اداهو صوطين ورماهو برة البيت ولا حتي لو أكرمو وجاب ليه سرير ختاهو ليه في نص الحوش عشان السكران يصحي الصباح والسكرة تكون فكت وبي كدة تكون دي اخر سكرة ليه .

        الرد
      3. 3
        هريسه وهردبيسه

        كان يلم ليهو الهدوم الوسخانه عشان يغسلها

        الرد
      4. 4
        عبد الله

        الناس البتعلق دي ما نصيحة ولا فقدت الإحساس بالرجولة ولا مافي غيرة على العرض ولا الحاصل شنو!!؟؟
        سكران شنو الفي ذمة الواعي وسرير شنو البختو ليهو؟؟ إنتو الواحد يا يقول كلام عقل وكلام رجال يا ينطم.
        قرفتونا بي تعليقاتكم.
        وبالنسبة للراجل الكتل السكران دا يسلم ضراعو ولا فيها اعدام ولا كلام فارغ من دا.

        الرد
      5. 5
        سودانى مغبووووون

        تلاته طعنات .. فيها سجن بدون اعدام .. مفروض تديهو واااااااااحده بس .. لكين توزنها كويس … السكران مافى ذمة الواعى .. ده بيكون سكرتو قويه وطشه شبكه .. وممكن يكون قايل نفسو لسه في بيت السنه وقعد يغازل في الوليه قايلها ست السنه … قال يمكن تحن عليهو بى نصيه ولا حتى كبايه …

        وبعدين مافهمناها .. المشى يجيب العشا ده .. خلى بيتو فاتح كيف يعنى ؟؟؟؟ ده بيت ولا برميل مويه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *