زواج سوداناس

في تطورات مفاجئة: شيبوب يرفض اللحاق ببعثة الهلال في تونس ويشترط منحه أموال الصفقة كاملة.. والكاردينال يرفض



شارك الموضوع :

رفض لاعب المريخ شرف الدين شيبوب الفكرة التي طرحها عليه مجلس إدارة نادي الهلال والذي يرغب في التعاقد معه بالسفر إلي تونس للحاق ببعثة الفريق الذي يجري تحضيراته للموسم الجديد هناك.

وبحسب ما نشرت بعض صفحات مواقع التواصل الاجتماعي السودانية والمهتمة بأخبار الرياضة فأن اللاعب اشترط علي رئيس نادي الهلال منحه أمواله من الصفقة كاملة.

رئيس نادي الهلال أشرف الكاردينال رفض تسليم شيبوب أموال الصفقة, وأكد له أنه سيسلمه مبلغ 100 ألف دولار كحافز علي أن يمنحه بقية حقوقه عقب التوقيع في يونيو القادم.

 

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        الحمبلوش

        المفروض المريخ ما يلتفت للحيوان دا .. لانو بيحاول يضغط على الهلال بالمريخ ويحاول يضغط على المريخ بالهلال .. واللعبة دي مشاركة فيها اسرة العواليق المدعو شيبوب دا

        الرد
      2. 2
        أمير الظلام

        والله رغم أننى مريخابى موت لكن يا كردنة ما قصرت 100ألف دولار كاش ولسة كمان فى 100ألف مؤخر بعد التوقيع لو كنه عارفينها بتجيب قروش ذى دى كان زمان سبنا القرآية عشان كدة شفعنا ديل من حسى حنخليهم يسكو الكفر اللهم لا حسد

        الرد
      3. 3
        واحدمن الناس

        ده كلام فارغ الزول ده ناس المريخ سابوهوا انت برضو سيبو وكده بتحرق يمشى يوقع فى الخرطوم ولا اهلى شندى ومافى نادى حايديهو اكتر من الهلال والمريخ ، لاعب ماوقع عقد ياخد قروش دى اداره شنو ؟؟ مافى اداره بى تعريفه ؛ بكره اى واحد حيعمل اكتر من الاسمو شيبون ده

        الرد
      4. 4
        واحد سوداني

        مفروض يمحو كرتو فوراً لأنه خاتى أهمية بنفسو أكتر من اللازم لا ينفع لاعب ولا متفرج

        الرد
      5. 5
        واحدمن الناس

        احرقوا هذا اللاعب وفضوهنا من سيره الهاوى ده

        الرد
      6. 6
        مراقب بعين واحدة

        هذا اللاعب أدار أوراقه بمهارة يحسد عليها وعرف من أين تؤكل كتوف اداري الهلال والمريخ وأوصي جميع اللاعبين باستخدام هذا الاسلوب مع إدارات الأندية العشوائية !!! وكذلك فضح هذا اللاعب مجموعة من الفاقد التربوي المسمى نفسه (صحفي رياضي) ففي اليوم الذي تصور فيه اللاعب مع كاردينال كتب الفاقد التربوي الهلالي (سجلنا احسن لاعب في المريخ) وقال الفاقد التربوي المريخي (هذا لاعب كنبة وعندو رباط صليبي ) ويوم تصور اللاعب مع سوداكال عاد الفاقد التربوي الهلالي وكتب (ده لاعب هاوي ساكت) وكتب الفاقد التربوي المريخي (استعدنا اللؤلؤة المريخية) وهكذا تتبدل مواقفهم بين عيشة وضحاها … شكرا شيبوب ..

        الرد
      7. 7
        الرقراق

        الحكاية شنو شيبون راح شيبون جا شيبون نطة شيبون سرق شيبون هرب شيبون قبضو وفي الأخر شيبون سوف يطلع من المولود بلاحمص والعرجا لي مراحة كان هنالك بصيص امل بأن تتطور الكورة في الهلال والمريخ ولكن طالما هذا هو حال الادارة وتعامل رئيس نادي المريخ فعلي الكورة السلام

        الرد
      8. 8
        دافووووووووري

        بهذه الأساليب الرديئة لن ولم يتطور الكرة السودانية إلي المحافل العالمية سؤال : ماذا جنوا الأندية في سباق التسجيلات الماضية ؟ ألم نسمع بأن رئيس نادي سجل لاعب من العيار الثقيل :وقنبلة التسجيلات والمهاجم القناص وفي الأخر نجدهم
        لاعب من العيار الشخير وقتلة التسجيلات والمهاجم الغناز وهكذا نرجوا العمل بإحتراف إداري عالي والترقي للعالمية بدلاً عن اللف في العراك المحلي وكفاية قنعنا من الخرمجة الإدارية الفاضية دي .
        وشكراً

        الرد
      9. 9
        ابوبكرخليفه

        المبلغ الذي تتحدثون عنه اولي به قطاع الناشئة في الهلال او المريخ حتي من هذا الشبشه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *