زواج سوداناس

القبض على المتهم بحرق مطعم “سيدي بيه” بالخرطوم


إيداع الشريك السوداني في مشروع دريم لاند السجن

شارك الموضوع :

ألقت شرطة القسم الشرقي، القبض على المتهم في حريق مطعم سيدي بيه الشهير بشارع عبيد ختم بالخرطوم، وأفاد مصدر شرطي شارك في القوة التي ألقت القبض على المتهم أنه شاب يبلغ من العمر 32 سنة عاطل عن العمل وعند استجوابه عن دوافع الجريمة قال انه نفذ المهمة لصالح مطعم منافس في نفس الشارع ولا يبعد كثيراً عن مطعم سيدي بيه، الا أن المصدر الشرطي رفض الكشف عنه، وأضاف المصدر أن المتهم أفاد أنه قام بذلك مقابل 3 آلاف جنيه. وعن كيفية تنفيذ الجريمة قال انه صعد الى الطابق الاول كأي زبون وسكب على موكيت السلم وأرضية الطابق العلوي من المطعم مادة حارقة ذاتية الاشتعال، مستغلاً قلة الزبائن في الصالة العلوية وفعل ذلك دون أن يلاحظه أحد ثم خرج من المطعم وانتظر بالجوار لمشاهدة ما يحدث، وأفاد أنه رأى دخاناً كثيفاً يتصاعد والنار تنتقل بسرعة الى الطابق الأرضي عبر السلم بعد أن قضت على الصالة العلوية ذات الأرضية الخشبية المغطاة بالموكيت، هذا وارصد المتهم عن الشخص الذي سلمه المادة الحارقة والمبلغ المالي لكن لم يتم العور عليه وجاري ملاحقته كما تم ايفاد تيم متخصص من الأدلة الجنائية للكشف عن هوية المادة الحارقة، الى ذلك قدر الشاكي (مدير المطعم) خسار الحريق بـ800 ألف جنيه.

 

صحيفة الوطن

شارك الموضوع :

تعليقات الفيسبوك

تعليقات


35 التعليقات

إنتقل إلى نموذج التعليقات

      1. 1
        هريسه وهردبيسه

        لا حول ولا قوة الا بالله … وصل التنافس الغير شريف للدرجة دي … الارزاق بيد الله وحده

        الرد
      2. 2
        قلبي على بلدي

        العقاب العقاب العقاب

        الرد
      3. 3
        سوداني أصيل

        مطعم منافس والله الناس بقوا كعبينن شديد في السودان — اي زول برزقو اها خسرتو اي حاجة حاتتحاكمو ويقيف شغلكم
        الطمع ودر ماجمع

        الرد
      4. 4
        عمر

        بسم الله الرحمن الرحيم
        اذا كان هذ الخبر صحيح هل بلغ بنا الامر الى هذا الحد

        وبعد كده نقول الحكومة كل ما نفعله البعد من رب العالمين من حسد وخيانة عشان كده الله بيعاقبنا بالغلاة والمعيشة الضنكة
        اللهم اهدينا الى رضاك

        الرد
        1. 4.1
          مزارع أفندي

          إنت بكده بتدخل الناس في جدلية ( هل الدجاجة من البيضة أم البيضة من الدجاجة )

          الرد
          1. ومضة

            ابدا يا مزارع افندي تفشي الغلاء والضنك والفقر والأمراض
            هي نتيجة لفساد الانسان وظمه وابتعاده عن رب
            (وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ)
            التفسير الميسر: وما أصابكم- أيها الناس- من مصيبة في دينكم ودنياكم فبما كسبتم من الذنوب والآثام، ويعفو لكم ربكم عن كثير من السيئات، فلا يؤاخذكم بها.

            الرد
            1. عباس احمد

              مصيبة ناسنا فى السودان مفتكرين ان هذا البلاء من حب الله لهم ولكنهم لايعرفون ان ابتلاء الله للناس الصالحين اما الضالين المضلين فسوف يمدهم الله فى ضلالهم وغيهم حتى ياخذهم اخذ عزيز مقتدر

              الرد
      5. 5
        abo ahmad

        انتبهو للعطالة شوفوا ليهم شغل الفقر يخرج الانسان الضعيف من الملة و لا حول و لا قوة الا بالله

        الرد
      6. 6
        الرقراق

        فالنفترض لم تكتشف الجريمة ولكن اين الضمير لصحاحب المطعم المنافس الذي يفتقر الي الانسانية والرزق الحلال مثل هذا اكيد يبيع للحم الحمير والكلاب لزبائن في مطعمه نرجو التحقيق في نوعية الطعام المتواجد بالمطعم الذي يقدم ويجب حرامنه نهائياً من مزاولة هذه المهنة

        الرد
      7. 7
        مسطول على طول

        عمل ده كلو وطلع من غير ماحد ينتبه طيب الشرطه عرفت كيف انو هو المتهم؟
        اخبار ذى بزكرو تحركات الشرطه ودليلهم مش كده بس هل فى كاميرا او دليل؟

        الرد
        1. 7.1
          مزارع أفندي

          دا شغل الشرطة من تحليل طريقة الحريق لأنو الحريق بفعل فاعل تختلف طريقة إنتشار النار هل هي من الجدران (إلتماس كهربائي) ومواقع الأسلاك والتوصيلات الكهربائية … وكذلك سرعة إنتشار الحريق … والروائح المنبعثة منه وبقايا المواد المستعملة في الحريق ودا شغل (قسم كامل يتبع للمباحث الجنائية ) وموجود في بري يسمى (قسم الأدلة الجنائية ) والناس بتدرس هذا التخصص … هذا غير ما يتركه الجاني من آثار ومشاهدة الشهود لبعض الشواهد التي تدل على ذلك .

          الرد
        2. 7.2
          كايدهم

          اقترن اسم مسطول بخفة الدم والذكاء المنسوب لهم مجازا لكن اخي انا ما عارف سطلتط دي كتمت ولا مالك وكانك لا تفهم الكلام .. الخبر يقول القت الشرطة القبض على المتهم واعترف وانت تقول عرفوه كيف ههههههه والله من جد ساطل .. اشرب ليك قهوة .. وبعدين هو طلع قبل يقبضوا على المتهم ويشرح مين قاله وكيف عمل يعني يعلموا الغيب ويمسكوه في المطار ولا نقفل المطارات والحدود ان حدث اي حريق .. ومن ثم ايه اليمنع يكون هو ذاته كان بيتفرج على الحريق قبل يمشي المطار ..
          والله من جد سطلتك كعبة شديد ..

          الرد
      8. 8
        صحراوي

        يا مسطول على طول أشرب ليك جبنة عشان تفك سطلتك دي … الشرطة ما ممكن تقول ليك كل حاجة تحسبا للمرات الجاية وعشان المجرمين المحتملين ما يتعلموا الطريقة … … الكمرات مهمة في الأماكن العامة ….

        الرد
        1. 8.1
          دغمسة

          هههههه والله العربي حقك دة متعة

          الرد
      9. 9
        نعمات

        لا حول ولا قوة الا بالله مدير المطعم خسر 800000 وقفلو لي العمال رزقون من المفطرد ان يقفلو المطعم المنافس

        الرد
        1. 9.1
          ساخرون

          نعمات ياأختي
          مع الاعتذار ….لكن عربي جوبا دا شنو ؟

          الرد
          1. كماشه

            شهادة عربية

            الرد
            1. محمد النقر

              شهادة عربية لغتهم أحسن من خريجي ثورة التعليم العالي بشهادة أساتذتهم و خصوصا” في اللغة العربية يا كماشة ما كماشه !! .

              الرد
            2. ود جعل

              ناس الشهادة العربية .. بيعرفوا الفرق بين الهاء و التاء المربوطة .. علي الأقل يعنى !

              شكلك ماخد شاكوش مصلح ..

              ……. و شايلة موسها تتطهر !!

              الرد
      10. 10
        سودانى مغبووووون

        مفروض يعدموهم الاثنين .. المحرض والنفذ التحريض .. لانو شروع فى قتل مع سبق الاصرار والترصد .. تخطيط وتجهيز

        الرد
      11. 11
        الفنجري

        يا اخوانا سيدى بيه ده شنو يعنى زول شغال فى الحكومة او قريب المتعافى ولا البشير ولا نافع وقريب منو من الفطاحلة كلمونا وبعدين ننظر فى حريقه صحيح ولا خطا ء وبعدين قال 800000 خسارة اخر مرة ناس الضرائب زاروه متى ؟

        الرد
        1. 11.1
          بتاع تنظــــير (في الفاضي !!)

          قيمة الخسارة لا يمكن الاعتماد عليها لتقدير نسبة الضرائب .. لأنها تمثل التلف الذي لحق بالمبنى و محتوياته … و لا تعتبر دليلا علي ارتفاع نسبة الدخل.
          يعنى ممكن الواحد يخسر ليهو مبلغ كبير جدا و آخر ديكورات في المحل (مزاج كدا) .. في حين أن أرباحه هي نفس أرباح كشك عادي !!

          الرد
        2. 11.2
          كايدهم

          انا من الضرائب زرناه قبل يومين من الحريق ودفع كل العليه .. اها رايك شنو؟ وما علاقتنا بقيمته المحروقة .. قول الله يعوض عليه وان شاء الله يكون مؤمن على الممتلكات ..
          وليه بس نسبت انه يكون لمسؤول او لقريب مسؤول؟؟ مواطن عادي زيه وزي اي واحد عنده مطعم ايه الغريب في كدا ولا بس عايزين اي شيء تلصقوا في الحكومة حتى فشلنا الشخصي وحتى حقدنا وحسدنا على بعض…
          تصدق المطعم حق ولد اخت نافع المعرس بنت عبد الرحيم حسين المن المرة التانية العندها العمارة في الرياض جنب بيت على عثمان الاهداه لبنته في عرسها الكان حاضره البشير وبكري حسن صالح الباني برج المقرن المشهور ..
          يا اخي ارتقوا بفهمكم وخليكم من الكلام السمج دا

          الرد
      12. 12
        دافووووووووري

        الله يستر

        الرد
      13. 13
        حاتم

        قريب السيسي رئيس مصر يالفنجري

        الرد
      14. 14
        atbara

        المطعم المنافس برضو حيكون مصري الجنسيه

        الرد
      15. 15
        عائدووون

        فالنتعاطف جميعا مع الشاب العاطل وندين بشده ونطالب بدفع الخساره من مال صاحب المطعم المنافس

        الرد
        1. 15.1
          هريسه وهردبيسه

          اتعاطف برااااااك

          الرد
        2. 15.2
          البصيرة .. أم حمد

          هو عاطل .. بس بقى مجرم، ممكن ناس كتيرين يروحوا ضحية الحريق دا … بعدين يا خي .. العطالة دي ياتها اللي بتوصل درجة الاجرام دا .. خلي يمشي يشتغل طلبة، عتالي، ممكن يطلع يومية كويسة جدا … دا مجرم قبل أن يكون عاطل.

          الرد
      16. 16
        mokarkip

        يا جماعة انتو عارفين نهاية السنة واى مؤسسة بتعمل حريق بفعل فاعل عشان التأمين وما نستبعد انو يكونو حرقوا براهم
        وبعدين كان شغال شنوا عشان يحسدو شوية طلبة من الجامعة .

        الرد
      17. 17
        الكوشى

        دخلو الحلب أنتو لسة شوفتو حاجة اللهم أحفظ بلادنا وعبادنا من كيد هؤلاء وشر أولئك

        الرد
      18. 18
        عابد

        ليه ما يكون في جهات مصرية من خلفه في ناس تريد خلق فتن وتشوه صورة السودان اولها سد النهضة الحكومة المصرية فهمت الشعب المصري بان السودان واقف ضد مصر ومصالح مصر فعلتها في كرة قدم . المحزن لدينا ساسة استغفر الله من وصفهم بالمناسبة معارض ولا حاكم ام الكلب بعشوم

        الرد
      19. 19
        زول نصيحة بس النصيحة ما حااااارة!

        بلد الفساق ولا ديرة الحساد، أعوذ بالله!
        اعدام بس العاطل المنفذ والمحرض الحاقد!

        الرد
        1. 19.1
          عابد

          ببساطة تصدقوا الخبر انا غير مقتنع بالخبر عطالة بطالة متفشي 20 سنة ما شفنا زول بتصرف كدا انا اكرر كلامي الامر فيه ومن خلفه اشم رائحة ما يدور من القنوات المصرية المصريين اخوتنا لكن حكامهم وجيشهم عدو مصر فيها 90 مليون قول 30 بحبو السودان

          الرد
      20. 20
        الشعب يريد السودان الجديد

        سودان جديد .. كلو لمصلحتنا. الشماليين يتشاكلو في اي شيء حسد وحقد ودسايس ..وشمال يجي ضعيف بعدين نحن جنوب سودان بجيش قوي بتاعه نجي يسيطر على شمال كله. شمال سودان يعود لكنيسة زي زمان غصب عنكم يا شماليين يا بتاعين القروش والحكومة. اسع دا اخلاق دا.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *