زواج سوداناس

اعادة تطبيق إقرار العملة فى المطار لبيعها فى البنوك حسب السعر الرسمي.. خبر كاذب


الدولار

شارك الموضوع :

تداول رواد التواصل الإجتماعي على نطاق واسع نص الخبر أدناه وهو عبر عن إشاعة مؤكدة، وبالبحث عن مصدر الخبر ثبت أنه خبر كاذب ولا أساس له من الصحة ولا يعرف الهدف من الجهة التي قامت بترويجه.

(اعادة تطبيق إقرار العملة فى المطار اعتبارا من امس لبيعها فى البنوك حسب السعر الرسمي..

اصدرت اللجنة المكونه من وزارة المالية وبنك السودان المركزي وجهاز شئون المغتربين واتحاد المصارف وسلطات الجمارك والامن الاقتصادي القرار التالي :

علي كل مغترب عند دخوله السودان إبراز مايحمل من عملات حره للسلطات بالمواني وان يسلم شهادة بما يحمله من عملات تحمل تفاصيل المبلغ وان يقوم بالتصرف في ما يحمله من عملات عبر المنافذ الرسمية بالبنوك وان يقابل كل تصرف اسم البنك وخاتمه والمبلغ المستلم بواسطة البنك من العملات الحرة مخصوما من الشهاده علي أن تبرز هذة الشهاده للسلطات المختصة عند طلب تاشيرة الخروج والتي لاتمنح بدون ابرازها وإبراز المتبقي من مبلغ الشهاده
وتوجه السلطات بمراعاة الاتي:

1- التعامل بمصداقية فيما يتعلق بالتصريح بالعملات الحره بمواني الوصول.

2 – التصرف في العملات الحره عبر المنافذ المخصصه بالبنوك والحرص علي استلام المستندات الخاصه بهذه المعامله والتحصل علي التوقيعات والاختام اللازمة.
وكل من يخالف ماسبق يعرض نفسه للعقوبات الواردة في القانون الجنائي لسنه 1991م.

يطبق هذا القرار من تاريخ اصداره في 23/1/2016م.).

وقام مراسل النيلين بالخرطوم بالإتصال على مصادر موثوقة بالجهات المذكورة في الإشاعة أعلاه ونفوا بصورة قاطعة صدور أي توجيهات بخصوص التعامل بالنقد الأجنبي وقالوا هذا خبر كاذب بنسبة 100% .

الخرطوم/معتصم السر/النيلين

شارك الموضوع :

تعليقات الفيسبوك

تعليقات


21 التعليقات

إنتقل إلى نموذج التعليقات

      1. 1
        استرالي مغبونخ

        فيس بوك 💯💯
        مافي عود بقول طق من غير شق

        الرد
        1. 1.1
          بتاع تنظــــير

          لماذا لا يتم تحفيز التحويلات عبر القنوات الرسمية : مثلا اعطاء اعفاءات زي ما ذكر المعلق (|أبو عبد الله)، ويمكن سد منافذ بيع الاعفاءات .. مثلا اذا أدخلت سيارة باعفاء لا يسمح بيعها الا بعد خمس سنوات ..

          أو اعطاء اعفاءات يتم استخدامها في دفع الرسوم الدراسية للجامعات الحكومية … علي أن يكون المستفيد هو ابن أو أخ .. حتى لا يتم بيعها … بعدين يتم عمل محاسبة/مقاصة مع كل جامعة حسب الاجراءات المالية المعروفة.

          و ممكن يتم توزيع قطع أرض بالأقساط مقابل الاعفاءات .. و هذه أحسن طريقة لأنها ستربط المغترب بالتحويل لأطول فترة .. و يمنع بيع الأرض بنفس طريقة منع بيع السيارات … و هكذا !

          الرد
      2. 2
        من المظاليم

        المسألة بالطريقة دي تهدييييييييد و تمهييييييييييييد لفرض الأمر ،والمساكين ( البقرة الحلوب) أخوانا المغتربين هم ضحية مثل هذه السياسات التي ليست في مصلحة المواطن(المغترب) ولا في صالح البلد . حسبُنا الله ونعم الوكيل، الله يكون في عونكم يا المغتربين، كما ونساله الكريم القدير أن يُخفف على المواطن داخل بلده، إنه هو اللطيف الخبير.

        الرد
      3. 3
        محمد أحمد

        الحكومة متخصصة في المغتربين, الحيطة القصيرة, زي موضوع تذاكر الطيران الذي قرر فيه بنك السودان إجبار المغتربين بشراء التذاكر بالدولار, سودانيين يعاملون معاملة الأجانب. تجار الدولار معروفين في السودان, إذا عاوزين توقفوا ارتفاع الدولار, اقبضوا 2 أو 3 منهم و احكموا عليهم بعشره سنين سجن بس شوفوا واحد تاني يبيع دولار, لكن المشكلة انهم جزء من الحزب الحاكم.

        الرد
      4. 4
        ahmed

        انا استغربت من الخبر لان كل عاقل يعرف انه حيزيد الطين بلة ، بس معناها ارسل الدولار بالسوق الاسود واجي شايل معاي مية ميتين دولار !!!
        تجفيف السودان من العملات لا يصب في مصلحة شخص

        الرد
      5. 5
        for loop

        هذا القرار قد يؤدي بالبعض للتخلي عن الجنسية السودانية والتخلي عن فكرة امتلاك منزل في الخرطوم نهائيا

        الرد
        1. 5.1
          ali

          شوف ليك بلد تاني يااخوي الجماعة ديل مافي اكل عيش معاهم والحال زي ماانت شايف من سئ لاسؤ

          الرد
      6. 6
        for loop

        سيؤدي هذا القرار لارتفاع جنوني للدولار لان المغتربين سيحجمون تماما عن ادخال اموالهم الا حسب الحاجة للشديد القوي
        هذه الاشاعة فقط سترفع الولار

        الرد
      7. 7
        zool

        واضح انها اشاعة معدة بدقة من جهات ومخابرات دول الحصار .. والقصد منها تضيق الخناق اكثر باحجام المغتربين من حمل اي عملة معهم عند دخول البلد وبيعها في السوق الاسود بالخارج .. يا ناس الامن القومي اذا دققتوا شوية حا تلقو الاشاعة دي مصدرا شركات الاتصالات !!..

        الرد
      8. 8
        أبو عصايه

        لينا 30 سنه بندفع ليكم عملتوا لينا شنو؟؟؟ أخر شيئ بتقولوا لينا في بناشر وطواحين و وخربطه وكلام فارغ، قروشنا دي تاني ما بتشموها نبيعه في السوق الأسود في الغربه.

        الرد
      9. 9
        ود بـرِّي

        إذا كانوا يريدون أن يتدفق عليهم العملات الأجنبية فعليهم أن يحفزوا المغتربين بأن كل من يحول مبلغاً معيناً عن طريق القنوات الرسمية يعطى إعفاءاً جمركياً لإحضار شيء ما مثلاً سيارات أو غيرها من الأشياء المفيدة

        الرد
      10. 10
        عابر

        الخاسر هو السودان بسبب تصرف الحكومة اذا كان هذا الخبر صحيح …المغتربين سوف يبيعون عملتهم فى بلاد المهجر والاغتراب بكل يسر ويشتروها ناس ربما يكون من الحكومة نفسها .
        وانا اشكك فى صحة هذا الخبر .

        الرد
      11. 11
        صنقعه

        الحكومة بدل ان تتعال مع المغترب تعامل يليق به كعامل اساسي في توفير العملة للبلاد تريد ان تدخل يدها في جيبه
        ههههههههههههههه
        هناك مئه طريقة للخروج من هذا الابتزاز ( سوف احولها عملة ) بواسطة السوق الاسوق وادخل بي مائه دولار
        وسوف اعود به ( مائه دولار ) واصرفه في الطائره بدل الحكومة السجمانه دي

        ياخي اعملوا بنك للمغترب يضع فيه ( عملته الحرة ) ومتى ما شاء اخذها عملة حره كما وضعها سوف تسير عجلة الاقتصاد السوداني ولا تحتاجون لبترول وذهب وخلافوا بس لو تتفقوا مع المغتربين
        الهند تصنع هاكذا مع جميع رعاياها ( يضعون عملة حرة وبعد 20 سنة ) يأتي يستلم ما وضعه وتكون الدولة استفادت من هذه الفترة بتحريك اقتصادها

        الرد
      12. 12
        أبوعبدالله

        حول ريال بنقطة ومائة نقطة يعفى من الجمارك للسيارة مثلا هذا زي اكتساب العثيم
        حول دولار واكسب ثلاث نقاط والف نقطة تدخل اي حاجة انت عاوزها بدون جمارك او تذكرة مجانية من الخطوط السودانية مثلا
        حول دولار عبر بنك الخرطوم واكسب نقاط تدخل السحب على سيارة مثلا هو غش بس ممكن واحد يصدق هههه والله اخرتها الى يقبضوا زي الرباطية والهمباتة في طريق بورتسودان الخرطوم من مخالفات مرور تظليل وحزام ونقاط تفتيش وجمركة واضح الحكومة تسعي لتعويض اغلاق نفط الجنوب ووقف المعدنين المفروض البشير يستغل هبوط اسعار النفط ويعمل على تغذية الابار حقن واخراجه لان السنين الجاية سنين عجاف مثل حق المياه لتغذية المخزون الاستراتيجي للطبقات الجوفية مثلا

        الرد
        1. 12.1
          مزارع أفندي

          يابو عبد الله أفكارك نيرة بس هناك عدم ثقة بين المواطن أو المغترب والدولة لأنها قراراتها ما مضمونة وفي كل يوم يصدر أمر جديد وكل وزير يأتي يمسح قرارات سلفه وممكن جداً الناس توافق على كدا وتحول يجي مسؤول يقول (مين الأمر بكدا؟) السودان لن تقوم له قائمة إذا كان يدار بنفس هذه الطريقة .

          الرد
      13. 13
        الرقراق

        الحل بصيط جداً وكل مغترب يمكن ان يحول راتبه بالبنك وهو أن تخصص الحكومة مساحة سكنية للمعتربين وأن يمنح المعترب قطعت ارض مقابل التحويل كمثال إذا حول المغترب خلال عام مبلغ 25 الف ريال يملك قطعت ارض مساحة 300 متر وإذا حول 50 الف يملك 500 متر وإذا كان التحويل عبر البنك تجاوز 100 الف يملك قطعة متميزة وبذلك تكون الدولة استفادت والمغترب استفاد بحيث حُلم كل مغترب عند الاغتراب ان يتزوج وان يبني بيت

        الرد
        1. 13.1
          ِالجعلي

          برضه حا ياكلوها ويفكوا المغترب عكس الهواء مش ديل يأكلوا ناقة النبي صالح ….

          الرد
          1. دود الكواني

            الموضوع ح يكون اختياري … عايز اعفاءات حول بالرسمي … ما عايز شوف السوق الأسود بي وين ..

            بعدين حكاية الاعفاءات دي تم تطبيقها زمان عهد نميري و ما في زول غالطوا في حقو … بس مشكلتها كانت بتتباع .. و زي ما قال ليك حكاية البيع دي ممكن ايقافها بسهولة …. عشان كدا ما تتوجعل ساكت .. كلنا جعليين بس خاتين الكورة في الواطة !!

            الرد
      14. 14
        ِالجعلي

        قولوا ليهم كوسوها عند الغاقل ….. لن تنالوا من أي مغترب ولو هللة ولا فلس ” رجعوا الدولارات التى نهبت وموجودة الآن في البنوك الماليزية والأندونيسية والتركية والتى تقدر بأكثر من 13 مليار دولار ” كما صرح بذلك وزير الإستثمار الماليزي صراحة. المغترب بدخل السودان بدون أي عملة وحا نبيعها في بلد المهجر ونقبض في السودان يا كيزان .. لن تنالوا منا أي شئ ونحن لاقين منكم شنو

        الرد
      15. 15
        mazin

        أكيد وراء الخبر تجار الفادنية عشان الجماعة يبيعوا ليهم في دول الخليج بالريال وهم المستفيدين

        الرد
      16. 16
        ود البلد

        غايتو لو طبقوا القانون دا انا تاني ما بجي السودان واجازتي السنوية بقضيها في أي مكان
        000000
        مافي زول نالصيح ما ب بضيع شقا عمرو
        وزي بتاع شركة الاقطان النهب ملايين الدولارات وكتير زيو
        00000
        حاربوا المفسدين قبل ان تحاربوا المغتربين والمهاجريين
        الواحد ما قادر يدخل سيارة ولا عفش
        وكما ما قادر يدخل قروشو تبقى مصيبة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *