زواج سوداناس

عندما وصل سعر البترول 29 دولار، سلفاكير يطالب بفتح الحدود مع السودان فإن وصل إلي 20 دولار قد يعود الى الخرطوم


سلفاكير

شارك الموضوع :

عندما يصل سعر البترول العالمي إلي 150 دولارا” للبرميل يدعم سيلفاكير متمردي دارفور ويحتل بمساعدتهم هجليج وأبوكرشولا.
فإذا عاد سعر البرميل إلي 100 دولار أوقف سيلفاكير الدعم العلني للمتمردين واستمر فيه سرا”.

أما عند وصول البرميل إلى 50 دولارا” فيطلب سلفاكير لقاء البشير في أديس أبابا لتحسين العلاقات والحريات الأربعة وتوقيع البروتوكولات التي لا تنفذ لأن سعر النفط العالمي دائماً ما يخيب ظنهم ويرتفع.

أما إذا وصل السعر إلي 29 دولارا” فإن سيلفاكير ميارديت يطالب بفتح الحدود مع الشمال فإن وصل إلي 20 دولارا” قد يعود إلى الخرطوم هذا الرجل.

بعد أيه جيت تصالحنى يا سلفاكير
بعد ما ودرت قلبى الكنت فيه
جيت تشكى جيت تحكي
جيت تحكي ليه
إعتذارك ما بيفيدك
ودموعك ما بتعيدك
العملتو كان بإيدك
أنا مالى ذنب فيه
ليه جيت تبكى ليه جيت تشكى
أنا خلدتك بشعري فى زمانك
وياما غنيت وكان كلو عشانك
وكان جزاي منك صدودك وهوانك
أنا أستاهل
أنا أستاهل وضعتك فى مكان ما مكانك
روح الٌقدر بى نفسو ما بقسو عليك
جيت تايب يا حليلك والفؤاد ملكوه غيرك
ربى يعدل ليك سبيلك كل
مناى فى الكون عديلك

أما الرئيس عمر البشير فلك تكملة الأغنية

ضيعوك
ودروك
إنت ما بتعرف
صليحك من عدوك
إستغلو الطيبة فى قلبك
وبى إسم العواطف خدعوك
حتى من كلمة حنانم وودادم حرموك
الله ياااا خد ليك حقوقك ويجازي الظلموك

يقلم
المبارك فرح

شارك الموضوع :

تعليقات الفيسبوك

تعليقات


12 التعليقات

إنتقل إلى نموذج التعليقات

      1. 1
        أبو يوسف

        هههههههه نايس جداً

        الرد
        1. 1.1
          ساخرون

          ما قلت إلا حقا

          وزيادة على ذلك فخسيس مصر يريد الاصطياد في الماء العكر

          هؤلاء العسكريون لا يتعظون أبدا

          فمن قبله مبارك لعب دورا خسيسا في الانفصال ، ولكن حين السداد كانت خسارة مصر كبيرة

          الرد
          1. 3li

            المصريين لاعبين الدور ده عشان حاجتين انهم يعملوا مشاريع تزيد تقلل من الفاقد في النيل الابيض وعشان جنوب السودان ما يوقع على عنتيبي .. المشكلة انه جنوب السودان حيوقع على عنتيبي وده موضوع منتهي .. والمشاريع هناك ممكن تتم بس صعبة والمصريين ما عايزين يعملوا مشروع وبعدين يجوا الجنوبيين يوقعوا عنتيبي وتبقى الموية من نصيب جنوب السودان وقروش مصر تكون راحت شمار في مرقة .. وثالثا المصريين عايزين يعملوا فيها دولة عظمى ولو لقوا طريقة يعملوا قاعدة عسكرية هناك عشان نظام يهددوا اثيوبيا .. والمشكلة لا جنوب السودان لا ارتريا حاليا بقدروا يواجهوا اثيوبيا .. يعني لو مصر عملت اي عمل عسكري من جنوب السودان اول دولة متضررة هي الجنوب لأنهم حيكونوا في المواجهة المباشرة .. وما اظن سلفاكير غبي للدرجة دي .. ممكن يعادي السودان لمشاكل نفسية بينه وبين نفسه لكن ما ممكن يعادي السودان واثيوبيا الاتنين معناها موضوعه انتهى .. وبعدين ما تنسى ان سلفاكير بحركوا موسفيني وموسفيني علاقته باثيوبيا كويسة وموقعين مع بعض عنتيبي وبينهم في تجارة ودعم سياسي وموسفيني بكره السودان ومصر .. الموضوع مشربك والمصريين عايزين يعملوا فيها مفتحين بس خلي ليهم الجعجعة والنفخة الكذابة

            الرد
      2. 2
        ود جعـــل

        انت جبت من الآااااااااااااااااااااخر …

        لايكااااااااااااااااااات كمياااااااااااااااااااااااااات !!

        الرد
      3. 3
        ديامي قديم

        سفاكير راسو ضرب وعاوز يرجع لأيام زمان في الخرطوم ولكن فات الأوان يا سلفا .. لقد انفصلتوا بإرادتكم والآن أكلوا نيم

        الرد
      4. 4
        كديسة

        بالله عليك يا سلفا اسى الشبط اللابسو دا كان داير ليهو انفصال

        الرد
      5. 5
        مستغني

        أنا شخصياً لو وصل سعر البرميل لدولار واحد ما عايز معاكم وحدة ، مش أنا براي كل شعب السودان، خلاص الإنتو عايزينو وسعيتو ليه وبدعم الغرب ليقيتوهو ، وتاني تاكلوا ناركم براكم .

        الرد
      6. 6
        عمرمصطفي

        معاك يامستغني كلامك عين الحقيقة مادايرين معاهم اى وحدة تانى ماناقصين عذاب تانى

        الرد
      7. 7
        نوع ابوكديس

        نسبة التصويت لصالح الانفصال بنسبة 99% صعبة ننساها ليكم ياشعب الجنوب

        الرد
      8. 8
        ابراهيم

        الاستاذ الطيب مصطفى معاهو حق لانو كان عايز الانفصال عن دراسة . وكان مختلف مع البشير لأنو البشير عايز الوحدة ومشى لبس ليهم ريش وسكسك وقرون وقاليهم هلالويا وبرضو ما كانو عايزينو ولا عايزين وحدة مع المندكورو .

        الرد
      9. 9
        البطل النميري

        قسماً عظماً سلفاكير شوفته للعافية لما كان نائب الرئيس … من ديك وعييييييك ..
        لو كنت مكان البشير برد عليه بأغنية أم كلثوم فات الميعاد .. وبقينا بعااااد .. بعااد

        الرد
      10. 10
        ali

        بعد ايه بعد ايه بعد ايه بعد ايه

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *