زواج سوداناس

البشير : الإنقاذ حققت أحلام الشعب


البشير ضاحك

شارك الموضوع :

أوصد رئيس الجمهورية المشير عمر البشير الباب أمام مطالب الحركة الشعبية شمال الخاصة بمنح الحكم الذاتي لولايتي جنوب كردوفان والنيل الأزرق واحتفاظها بقواتها العسكرية في الفترة الإنتقالية، وقال البشير خلال مخاطبته مؤتمر شورى الوطني بالشهيد الزبير أمس» لن نكرر سيناريو الجنوب و سنواصل التفاوض حول المنطقتين لكن العمليات ستستمر ،وزاد «الداير سلام نديهو عفو وترتيبات أمنية وشوية خانات في السلطة جاين جاين ماجاي نحنا البنمشا ليهم ،ووصف الحوار الحالي بالنهائي وأضاف «ماجبنا المتحاورين ديكور وما تجيزه الجمعية العمومية واجب التنفيذ ،

ونفى محاولاتهم فرض رأي على المتحاورين واتهم البشير جهات لم يسمها بالوقوف بتنظيم حملة ضد السدود، واستدرك قائلا في ناس صادقين جدا وصحيح هي أرض حضارات لكن نحنا حانسكنهم في نفس المنطقة ننقلهم نقلة حضرية ، وأعلن البشير عن اتجاه الحكومة للتخلص من الكتاب المدرسي واستبداله بتمليك ايباد لكل طالب للاستفادة من التقنية في تحقيق جودة التعليم ، وشن هجوما لازعا على الإعلام الخارجي والداخلي واتهم الأخير بأنه يقدم صورة مشوهة للبلاد من خلال التركيز على نشر قضايا الفساد والجريمة وقال البشير إن الاعلام الداخلي يحبط الشعب السوداني ويخذله واضاف هناك كتاب أعمدة يحبطوا نفسيات الشعب السوداني وفي ناس بخذلوا ويحبطوا معنوياته ودعا الرئيس الى تنظيم حملة اعلامية داخلية منعا للاحباطوتقديم السودان بصورته الحقيقية بدون رتوش أبيض وأسود واستدرك قائلا نحن أحسن شعب وأفضل شعب وقطع البشير بعدم استسلام الحكومة للغرب وقال لن نقبل بسياساتهم وخرمجتهم في المنطقة وسنقف في وجههم
وباهي البشير بما حققته الانقاذ وقال الانقاذ اصلا حقت احلام الشعب واي زول عندوا حلم ننفذوا ليهو
وأعرب البشير عن رضائه على سير انتخابات النقابات وقال هناك محاولات من الحزب الشيوعي الذي خلق ضجة حولها لكنه اكتفى بالطعون بدلا من تقديم قوائم واضاف لو أن الحزب جدد شبابه وبرنامجه كان سيكون لديه وقع في الساحة

صحيفة آخر لحظة

شارك الموضوع :

تعليقات الفيسبوك

تعليقات


16 التعليقات

إنتقل إلى نموذج التعليقات

      1. 1
        أخو العازة ....مهلب

        حققت أحلام الشعب !

        الرد
        1. 1.1
          ساخرون

          السؤال الجوهري هو :

          أي شعب ؟

          صمت الشعب عليكم خوفا من معارضة أسوأ تأتي للسلطة

          الرد
      2. 2
        عثمان

        الراجل ده مغيب
        خوفى عليك بعد فوات الاوان تقول انا فهمتكم

        الرد
      3. 3
        متابع

        كل القوة كاودا جوة.

        الرد
      4. 4
        abuesa

        ياسيادة الريس طلابك مالقين كراس يجلسوا عليها ما لاقين طباشيرة يتبوا بيها ماعنده حق الفطور وفكرة الايباد اكيد من واحد من جماعتك عاوز يفت شركة استيراد تلفونات

        الرد
      5. 5
        Aboaseel

        برجع للدراسة عشان اخد ايباد حكومي😝👍

        الرد
      6. 6
        زايد الخير

        الإنقاذ حققت أحلام الشعب ،، و الله إلا ان يكون الشعب دا اهل شارع المطار بس !! فهم الوحيدين الذين تحققت امنياتهم بوجود انقلاب يونيو ،،

        الرد
      7. 7
        الصريح

        بل الانقاذ خنقت احلام الشعب !!!!!!

        الرد
      8. 8
        شايقست.كوم

        اعملوا حسابكم يا شفع هوى الايبادات دى نفايات دول اوربا وبعد دا موضوع اشعاعات وامراض وعمكم دا قبض حقها …سيجاره الكترونيه يا عمك ولى شنو الحكايه ؟؟؟؟

        الرد
      9. 9
        Atbara

        انا كمواطن سوداني بحلم بسودان خالي من الكيزان
        حكايه السدود دي كمان قصه أخري ..
        من الآخر كده ناس الحكومه ديل بيتعاملو بصلف و تكبر و ازدراء مع الاهالي كأنهم أسياد و نحن عبيد … أهكذا تدار المفاوضات ..؟؟؟؟
        الايباد ملحوق كده وفرو للطلاب كراسي و طرابيز و ملابس مدرسيه مجانيه و بعدها نشوف حكايه الايباد دي
        اظنو السيد الرئيس أصيب بمرض توفيق عكاشه

        الرد
      10. 10
        عـــــــــــــاصـــــــم

        صح حققت أحلام الشعب .. تعليم في … صحة في … رغيف في … غاز في … أمان في … تعليم في وكمان مجاني ياسلام خليتو السودان جنة في الأرض … فساد مافي … كحة مافي … مرض مافي … اللهم أجرنا في مصيبتنا وأخلف علينا خثير منها …

        الرد
      11. 11
        شايقست.كوم

        ياعمك منوا القال ليك الشعب دا قاعد يحلم الشعب دا قبلكم كان عايش فى الواقع ومحترم نفسوا ومادى كراعوا قدر لحافوا بالحلال…..كافورى كانت فاضيه ومافيها اى عصابات والبيسرق معروف حرامى والبينهب معروف نهاب والزانى او الزانيه ما عندهم سلطه ولى اصحاب دحين يا الفالح كان حققت احلام اخوانك وبقيتوا مليارديرات وسكنتوا كافورى …دا ما حلم الشعب …ابدا الشعب عمروا ما حلم بالحرام او الفارهات او العمارات او الحرير ….السرقه فى زمنكم والزنى فى زمنكم دخل البيوت الحره وكل انواع النفاق والانحلال فى زمنكم وضياع الحقوق وتصنيف البشر بالانتماءات فى زمنكم وكل انواع الجرائم فى زمنكم والقتل فى زمنكم والتشريد فى زمنكم ….كفايه عشان ننوم نشوف لينا حلم تانى …الكابوس دا ما جايب حقوا

        الرد
      12. 12
        ود بلد

        الأن عرفت ان كلمة “الشعب” تعني لفخامة رئيسنا اعضاء حزب المؤتمر الوطني والحركة الإسلامية فقط !!

        فليبحث البقية عن جواز آخر غير الجواز السوداني فليس لكم بقاء في هكذا بلد رئيسة يصرح مثل هذا التصريح

        الرد
      13. 13
        محمد حسن

        هههههههههههعععععععععع😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂

        الرد
      14. 14
        مريم

        حققنا أحلامنا و العاشق عقباله

        الرد
      15. 15
        العشارى

        يعنى الشعب ما عندو حلم !!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *