زواج سوداناس

العقوبات الأمريكية علي حكومة السودان تحولت لتشمل السودانيين كأفراد



شارك الموضوع :

كورسيرا والحقيقة المرة :
مؤلم جدا انك تقضي 5 اسابيع ليل ونهار شغال بتقرا في كورس وبتسلم في المطلوب منك رغم الزحمة والمصائب الفي راسك , وكمان تدفع تمن الكورس كاملا وعلى داير مليم .

وبعد دا كلو لمن يجي وقت استلام الشهادة يجيك رد انو انت سوداني وما من حقك تاخد شهادة رغم انهم استلمو المبلغ .
الكلام الفوق دا حصل لي شخصيا مع موقع coursera
بعد الاخذ والعطاء معاهم في الايميلات اصرو انو قانون الولايات المتحدة بمنع السودانيين من الحصول على اي كورس مدفوع بسبب العقوبات.

الحاجة الغريبة اني حولت المبلغ من الامارات ورغم كدا رفضو تماما.
شيئ مخيب جدا للامال موضوع الاقصاء دا رغم انو الزول استفاد من الكورس لكن لازالت في الحلق غصة .
رجاءا ممن لديه اي معرفة بموضوع العقوبات في النقطة دي يفيدني للضرورة.

دا نص الايميل الجاني منهم

Hi,

I’m so sorry that the ID document is not accepted because it was issued from a sanctioned country, Sudan. Some of our learners do have dual citizenship or alternate forms of identification. If you are able to provide a valid photo ID document issued by a country other than those listed above, you are welcome to register for Course Certificate using that document.

I apologize for any inconvenience this may cause! In case you don’t have that document, I would suggest you un-enroll from your course to get a full refund within refund deadline. I hope you’re okay with just enrolling in the free version of our course and mastering course materials.

بقلم: مصطفى محمود

شارك الموضوع :

تعليقات الفيسبوك

تعليقات


7 التعليقات

إنتقل إلى نموذج التعليقات

      1. 1
        محمد

        السلام عليكم ورحمة الله. حسب الايميل عندك خيارين. إما تبرز هوية غير صادرة من حكومة السودان أو طلب استرجاع المبلغ المدفوع.

        الرد
      2. 2
        خواجة مقرطها

        قال ليك نقترح عليك إلغاء تسجيلك في الكورس و استرجاع المبلغ (كاملا) خلال فترة الاسترجاع !! فيري كلير يا مستر

        would suggest you un-enroll from your course to get a full refund within refund deadline

        الرد
      3. 3
        Atbara

        السلام عليكم
        كورسيرا دي شركه تتفق مع الجامعات الامريكيه لإنزال مقرراتها في الانترنت كاللغه الانجليزيه و الاحياء و الفيزيا الفيزياء…. الخ و بالمناسبه تتعامل مع جامعات لها وزنها كالتي تسمي بجامعات النخبة و هي مؤسسه محترمه جدا
        هنا القانون لا يجبر أي جامعه في أن تقبل هذا كطالب عندها أو لا و بغض النظر عن معامله الحكومه الامريكيه الدوله التي ينتمي لها الطلب
        المشكله بالنسبه لكوبا و السودان و إيران بدأت عام 2014 عندما أصبحت وزاره الخارجيه الامريكيه داعما لهذه الشركه في الخارج و لذا لا بد أن تطبق قوانين الحكومه الامريكيه و قبل فتره رفعو الحظر عن إيران
        المهم انت كفرد ما عندهم معاك مشكله اسحب فلوسك و سجل من أول جديد ببطاقة شخصيه من الإمارات أو رخصه المهم شيء يوضح انك مقيم في الإمارات
        ملحوظه المرجو الاسراع في استرجاع فلوسك … لانو بعد فتره حيرجعو ليك 75 في المايه من المبلغ و بعدها فقط النص و لو تأخرت اكتر ما بتلقي شئ
        ارجو معلوماتي دي تفيدك و لو عندك اسأله أخري في هذا الشأن فأنا مستعد للإجابة
        و ربنا يوفقك في مسعاك و اتمني إلا يصيبك الاحباط كما حصل … و من طلب الثريا لنالها

        الرد
      4. 4
        أخو العازة ....مهلب

        حقيقة إلإخوة الإكارم ..لم يتركو لي شئيا للتعليق والمساعدة .. أحي فيكم هذه الروح وأثمن فيكم متابعتكم اللصيقة لقضايا إخوتكم … لكم شكري وتقديري أعزتي المعلقين
        (محمد) ، (خواجه مقرطها ) ، (Atbara)

        الرد
      5. 5
        ALI WEEKA

        you should apply using none sudanese photo ID..

        الرد
      6. 6
        صديق حسين

        ونحن معاك بالقلب و بالدعوات الصادقات (و ما باليد حيله ) حتى ترفع هذه العقوبات الظالمه

        الرد
      7. 7
        Someone

        والله نفس الكلام حصل لي مع cisco, ربك يعين بس

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *