زواج سوداناس

الشاعرة سلمي الحسن: لمن كنت صغيرة كنت عاوزة ابقي بوليس..وهذه رسالتي لأفراد شرطة المرور



شارك الموضوع :

كشفت الشاعرة السودانية الشابة سلمي الحسن عن احترامها لأفراد شرطة المرور بالسودان وذلك بسبب تضحياتهم ومعاناتهم الكبيرة وهم يقفون في الأجواء الحارة لمساعدة السائقين بتسهيل حركة المرور.
وكتبت شاعرة أغنية “الود الشفت” والتي تعد واحدة من أجمل أغنيات المطرب الراحل محمود عبد العزيز علي صفحتها الرسمية عبر موقع التواصل الاجتماعي فيسبوك ما يلي:
لمن كنت صغيرة كنت عاوزة ابقي بوليس..ما عارفة الفكرة شنو بالضبط..يمكن اللبس ..يمكن فكرة الشرطي البقبض على الحرامي البخطف الأطفال..يمكن فكرة النجوم البتلمع..المهم…كنت بحلم اني اكون بوليسة فترة كدة من طفولتي….الليلة وانا سائقة في الحر ده وماشا على الشغل ومشغلة المكيف…كان في زحمة أظن حادث وقف الحركة قريب العشرة دقائق…..نحن الفي العربات المكيفة زهجنا من الحر…الغريب كان في بواليس مرور في الحر والزهج واقفين بكل نشاط وهمة وهم بجففو في العرق وبرضو بحاولو يبتسمو…في لفة شارع النيل عشان يفتحو الحركة ويمرروا الناس….حبيتهم شديد..يمكن ده السبب الزمان كان خاليني أحب الشرطة…( شرطة مرور السودان الحاااااااااار ده) التحية ليكم في الحر ده…. غايتو البعرفهم يوصل ليهم الكلام ده.

محمد عثمان _ الخرطوم

النيلين

شارك الموضوع :

تعليقات الفيسبوك

تعليقات


6 التعليقات

إنتقل إلى نموذج التعليقات

      1. 1
        سوداني وافتخر

        يعني كنتي حتقدري على الحر ده انتي في المكيف اتشوشوتي وكمان تجرريها الحاااااااااااااااااااار ده !

        الرد
      2. 2
        شارد ما وارد

        ،،،، بوليسة حركة،،،، كنتي حتلقي الغبش واقفين صفوف،،، عايزين (غرامات)،،،

        الرد
        1. 2.1
          ساخرون

          لااااااااايـــــــــــــــــــــــــــــــــــــــــــــــــــــــــــــــــــــك

          ههههههههههههههههــــــــــــــــــــــــــــــــــــــــــــــــــــــــــــــــــــا

          الرد
      3. 3
        ود راس الفيل

        ناس بوليس الحركة ديل اصحابي شديد رأيك شنو تكتبي كلامك دا في ورقة واجي اشيلا منك اوديها ليهم

        الرد
      4. 4
        عابد

        دي فرصة اكتب عن الشرطيات بالسودان ولا اشملهم فيهم الطيبات لكن اذا لم تنتبه كلية الشرطة لنوعية الفتيات البلد سوف تدخل في كارثه اولاد وبنات مستوى غير مقبول دلع حنكشه وفهم ضحل للمهام ولا اريد تحديد المواقع

        الرد
      5. 5
        سودانى مغبووووون

        طيب ما كان تتكرمى وتنزلى من عربيتك المكندشة دى لمدة 30 ثانية … وتقولى ليهم كلامك ده …

        على العموم انا من هنا .. الصى والصحارى والشمس اللحام … برضو بحييهم وبحييك انتى ذاتك … احىىىىىىىىىىىىىىىىىىىىى انا

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *