زواج سوداناس

اجتماع رئاسي في السودان يطمئن على استقرار الدولار وتوفر السكر



شارك الموضوع :

اطمأن اجتماع عالي المستوى لقطاع الاقتصاد ترأسه الرئيس، عمر البشير، على الاستقرار الذي شهده سوق النقد الأجنبي خلال الأيام الثلاثة الماضية، بعد الارتفاع المفاجئ لقيمة الدولار مقابل الجنيه، وعلى توفير السلع الأساسية لشهر رمضان المعظم وفي مقدمتها السكر.

وأمر البشير خلال الاجتماع بضرورة الاهتمام بمعاش المواطنين وتوفير السلع الأساسية لهم، كما وجه البنك المركزي بالاستمرار في توفير النقد الأجنبي بالصرافات لمقابلة حاجة المواطن للسفر والعمرة والعلاج، بعد الارتفاع المفاجئ لقيمة الدولار مقابل الجنيه.

وقال وزير الدولة بالمالية والتخطيط الاقتصادي، عبدالرحمن ضرار، إن الاجتماع اطمأن على الأوضاع الاقتصادية بالبلاد، والاستعداد الجيد للموسم الزراعي القادم بتوفير التمويل اللازم له.

وأوضح أن الاجتماع وقف على ترتيبات توفير السلع الأساسية لشهر رمضان المعظم.

وقال ضرار إن الاجتماع استمع إلى تنوير من وزير الصناعة بشأن توفير الكميات المطلوبة من السكر لمقابلة احتياجات الشهر الفضيل، مؤكداً توفر كميات منه تكفي حاجة المواطن.

وأضاف أن الاجتماع اطمأن على الاستقرار الذي شهده سوق النقد الأجنبي خلال الأيام الثلاثة الماضية، بعد الارتفاع المفاجئ لقيمة الدولار مقابل الجنيه، بفضل الترتيبات والسياسات التي اتخذها البنك المركزي.

شبكة الشروق

شارك الموضوع :

تعليقات الفيسبوك

تعليقات


10 التعليقات

إنتقل إلى نموذج التعليقات

      1. 1
        يا طير

        انتوا طير !!!!!
        الدولار يوم السبت الفات بي ١٢،٩٠٠
        يوم الأربعاء الاسبوع الفات بي ١٣،١٠٠
        يوم الخميس الفات قفل علي ١٣،٣٠٠
        فتح الاسبوع ده علي ١٣،٩٠٠
        و حسه استقر ( يا بتاعين الاستقرار انتو ) عَلِي ١٣،٥٠٠

        انتوا عمر بشة ده مش قال الدولار حيرجع لي ثلاثة جنيه !!! وينوا حسه كلامه !!!!

        انتوا طير !!!! استقر في السماء الأحمر

        يا جماعة نعمل شنو للبجم ديل احنا
        الناس دي عايشة في ياتوا واطة !!!!!
        ياخي هي فيها شنو يمسكوها البلد !!!! ياخي بقه عندنا مجاعة زي اثيوبيا و الصومال !!!! يا طير يا فشلة يا فشلة يا فشلة
        بشة يا فاشل

        الرد
        1. 1.1
          محمد النيل

          ياخى ديل الفشل زاتو وعلى العليهم يستغفلو فى الناس ويغشو المساكين كان الناس ديل اغبياء وكمان بلا خجل مجتمعين وبصرحو من الوزير المستفيد للرئيس الما عارف شى حكومة بقت اليد اليمنى للتجار الجشعين والطفيلين والمستنفعين وللمفسدين واكبر معين ليهم بالقرارات المفصلة للتماسيح والترضيات على حساب الشعبلفئية ما شبعت ولا حتشبع من دم وقوت المساكين والمواطن المسكين لافى صنية

          الرد
      2. 2
        الصوفي

        “”وأضاف أن الاجتماع اطمأن على الاستقرار الذي شهده سوق النقد الأجنبي خلال الأيام الثلاثة الماضية، بعد الارتفاع المفاجئ لقيمة الدولار مقابل الجنيه،”””

        امر محير جدا كيف استقر و هو لم بصل الي سعر بنك السودان المركزي

        و الامر العجيب الاخر الي اين تذهب دعومات الخليج هل هناك دهليز و ممر شيطاني سري لا يعلمه الا الغواصات و الطابور

        +

        الرد
      3. 3
        محمد أحمد ضي النور

        والله ي عمنا أصلو ما مطمئنين كلو كلو
        لأنه مع بتلقى زول كدا يعني صادق وعندو رؤية إقتصادية وتخطيط سليم في التصريحات
        دي أسي الزل يعمل شنو ؟؟ !!
        كان داير تمرق من البلاد زاتو يبقو ليك في حلقك
        أنا قلت كان عملت فايدة أفتح لينا أبواب الخروج للخارج
        وبعد داك ودعنا وعشان نجيب ليك النقد الأجنبي كدا
        تتكيف مننا ورخص لينا تزاكر الخروج ووثق لينا الشهادات
        وزول تاني يزعزع ليك منصبك ويهددو ليك أمنك
        ياخي ما تشيلنا هم للمعيشة ياخ أسي الزول زاتوا متحير
        كان خرج على الحاكم والمساجد مفتوحة للعبادة حرام شرعا
        وكان داير تنصح الحاكم الكرتاحة ما بخلوك تصل ليهو
        وكان قلت ليك فكر يخرج البلاد من الأزمات الإقتصادية ما يوظفوك
        وكمان يوظفو ليك أعمامك كبار ربما يكونوا لم يستطيو إدارة بيتو
        لكن ،لنا رب قادر ورازق وباسط ما نزعل ساي
        بس علينا نستقيم ونأمر بالمعروف وننهى عن المنكر ونتوكل على الله حق توكله
        لكي يرزقنا كما يرزق الطير يمضي خماصا ويروح بطانا ونحارب الشرك وأهله والداعين من دعاته ودعاة الضلال والبدع لكي يرزقنا الله من خزائنه لأننا مسلمين ويريد الله أن يعاقبا بها ويترك الكفار ليجازيهم يوم الحساب العام
        أكثروا من الدعاء والإلحاح على الله

        الرد
        1. 3.1
          Karazy

          كل شي مسطر..وعزرائيل حيسحب على المكشوف اصبرو فإن النهايه مروعه.بس ماترفعوا ايديكم وتقولوا وتجاوز عن سيئاتهن او سيئاتهم الكلام دا ليس له محل من الاعراب .ارفعوا درجه الثقه بالله عاليا وادعوه بصدق

          الرد
      4. 4
        Karazy

        إذا عرف السبب بطل العجب.قالوا دفعوا سداد قرض ب مائه مليون دولار لماليزيا من السوق الا سود وقالو بشه وجه الجماعه برجوع سعر الدولار في محله قالوا حاضر والامن بدأ يقبض المنفلتين دي كل الحكايه والروايه

        الرد
      5. 5
        الفهيم

        إطمأن ولاةتقصد اطلع وعرف الموقف المكشوف اصلآ
        كل ما يقولو الحاجة متوفرة المعني انها غير متوفرة
        بكرة يجي رمضان والسكر ح تبقي حكايتو حكاية

        الرد
      6. 6
        تصريح بشه طبيعي

        لا الوم بشه والصعاليك اللي معاهو. ديل أتأكد انو الشعب ده مات واتدمر وما عندو حاجة ومافيهو المروءة حتى لانتقادهم. وموضوع انقلابات عسكرية في السودان انتهى للأبد ونهاية حكم بشه وصعاليقو حي تسليم السودان لداعش وبعداك جهزو ليكم صُرر تختو فيها دنانير الحديد بتاع الجاهلية

        الرد
      7. 7
        عابد

        استقرار شنو يااما البشير دا زول مسحور او مسطح بتاريخ الدولار لم يصل ما وصل اليه اليوم من زمن الجنيه كان يساوي 3 دولار

        الرد
      8. 8
        Abo Ahhad

        الدولار لا يستقر بالاجتماعات و الاوامر الدولار يستقر بالانتاج و القرارات الصحيحة . اوقفوا استيراد الكماليات التى لا يحتاجها المواطن البسيط اوقفوا تجار الشنطة الذين يسافرون الى الصين لاستيراد الكريمات و ما شابهها التفتوا الى المغتربين حفزوهم اغروهم و اقنعوهم بتحويل و لو الجزء البسيط من مدخراتهم . خفضوا الضرائب على السكر و القمح حتى يكونا فى متناول الجميع .

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *