زواج سوداناس

قصة وجبة بيتزا في مطعم بالخرطوم تتصدر مواضيع فيسبوك في السودان.. لماذا وما أصل الحكاية؟



شارك الموضوع :

الأطفال في بلدي يعلمون الحب، درس الحب الليلة في ايطالي بيتزا، النية هي الأساس لكل شئ حتي الناس البتحكم عليك من شكلك وتذلك انت تسامحهم بدون ما تشيل في قلبك، هكذا بدأت السودانية أمنة محمد تدوينتها على فيسبوك ونشرتها يوم السبت وحصدت إعجاب ومشاركة واسعة.

قالت أمنة محمد (وانا في إنتظار الطلب بتاعي حضر ولد وسأل عن البيتزا بكم، الكاشير قال له أصغر واحدة ٢٥ جنيه ، خرجت اشوف صاحبتي لقيته هو واخوانه بيتشاوروا أحدهم كان مصر بس السعر أكبر من امكانياتهم الاربعة ومشوا وهو ما اتحرك، سألته قلت ليه معاكم كم قال لي ٢٠ جنيه كل زول ٥ جنيه، قلت ليه أنا بتمها معاكم).

واضافت أمنة بحسب ما قرأ محرر النيلين قصتها(نادى الولد لاخوانه جمعنا الشير “المساهمة” واعطيت الاخ الكبير قلت ليه اطلب وهم داخلين. بصوانيهم المليانة حاجات سمحة أحد العاملين في المطعم (قال ليهم اطلعوا بره قالوا ليه عندنا بيتزا فأشر ليهم علي تربيزة وقال ليهم اكلوا هنا، فقمت شاكلته وتدخل واحد من الاصطاف وقال لي ياكلوا جوة والفرحة جواهم).

وواصلت أمنة في سرد القصة (قلت ليهم تعالوا جوه قالوا لي ما مشكله واصريت ادخلوا وقعدنا معاهم وطلبوا مني تصويرهم وأن أتصور معهم، وقال لي: عندك فيسبوك’ ايوه ‘ورينا الصور’ ثم سألوني: انتي الفيس بوك دا شنو فشرحته لهم، فقالوا خلاص ضعي صورنا في الفيسبوك دا ،فقمت بذلك).

وختمت أمنة (حكوا لي عن أحلامهم وعن حاجاتهم السمحة ورجعوا لي الشير (مساهمتي)حاجات سمحة من البضائع التي يبيعونها، وقرأت لهم الكلام أعلاه وهم من قاموا بإختيار هذه الصور).

الخرطوم/معتصم السر/النيلين
بيتزا2

بيتزا3

بيتزا4

بيتزا5

بيتزا6
بتزا7

شارك الموضوع :

تعليقات الفيسبوك

تعليقات


11 التعليقات

إنتقل إلى نموذج التعليقات

      1. 1
        Ali

        لسسسع الدنيا بخير، علي ما اظن لو لا ابتسامات الرضا البريئة دي السماء أمطرت حجارة من جبروت العباد.

        الرد
      2. 2
        واحد كدا

        دى حاجات جميلة ياناس النيلين وفكونا من أخبار هيفاء وايناس وكل العاهرات واعطونا أخبار البريئات والطاهرات والطاهرين

        الرد
        1. 2.1
          Shiddo

          نعم والله الدنيا بخير ، ما دامت هذه الوجوه البريئة بيننا .. ونسالك الله اللطف بنا وبوطنا الحبيب واهله الطيبين …

          الرد
      3. 3
        النيل العوض الحليو

        عن عمر بن الخطاب قال : سئل رسول الله صلى الله عليه وسلم : أي الأعمال أفضل ؟ قال : إدخالك السرور على مؤمن أشبعت جوعته ، أو سترت عورته ، أو قضيت له حاجة . رواه الطبراني في الأوسط وفيه محمد بن بشير الكندي وهو ضعيف (مجمع الزوائد) . قال الألباني : حسن لغيره كما في صحيح الترغيب والترهيب .

        الرد
      4. 4
        دغمسة

        يارب يجي اليوم الكل اطفال السودان يقدرو يشترو البيتزا من مصروفهم
        مش يضطرو يشتغلوا عشان يصرفوا علي اهلهم

        الرد
      5. 5
        Shaikh Tag

        ما شااء الله ياا اخت .. الله يحفظك و يحفظم

        الرد
      6. 6
        مفتح

        بكرة يجيك عمر البشير ناطي ويقول اكلناكم البيتزا —ما كنتم بتعرفوها قبل الانقاذ — لك الله يا بلادي

        الرد
      7. 7
        عبدالله

        ربنا يحفظك اخت امنة وربنا يصلح حال البلد عشان خاطر اطفال الغلابة وعشان كل محتاج يلقى حاجته فى العيش الكريم
        وربنا يجعل عطفك ورحمتك مدخلك للجنة يارب …..من لايرحم فلا خير فيه

        الرد
      8. 8
        طارق عبداللطيف سعيد

        ***محل البيتزا ده في السودان ، يعني في بلدنا ويقولوا لإبن البلد وصاحب البلاد أطلع بره ، قسم بالله كان يقول كلاموا ده قدامي لأكسر المطعم فوق رؤوسهم …
        ***تلقاه مصري ولا سوري وجاي يتأمر في بلدنا ، تعالوا شوفوا الأجانب في الخليج شغالين بكل إحترام للزبون وغير الزبون مافي شئ إسمه أطلع بره ، وخصوصا لإبن البلد
        ***نحنا لازم نخلي الأجنبي يعرف هو شغال وين والبلد اللاماهوا دي بلد مين ، عشان يعرف يحترم صاحب البلد
        ***وياغريب خليك أديب ، دي سنه أولى إغتراب … “ياغريب كن أديب “

        الرد
      9. 9
        د.عبدالله محجوب

        هنا في السودان يتعلم الناس الدين والاخلاق والحب والرحمة والانسانية والعطف والحنان والحنين وكل القيم النبيلة ياما انت كبير ايها السودان وياما انتي كبيرة ايتها السودانية السمراء . إنهم يبيعوا الدواء والعلاج لو يعلم هذا النادل ولا يبيعوا البيتزا المحورة انهم يبيعوا العرديب ويبيعوا القنقليز ويبيعوا اللالوب ويبيعوا الفول وما ادراك ما الفول ولو دخلوا الفيس هذا لوجدوا انهم اعظم من يقدم للبشرية الشفاء والصحة والعافية من خيرات بلدهم السودان دون المساهمة في رفع الدولار فما اجملكم أيها الصغار الكبار وكل يوم تكبر انت في نظري ايها الكبير السودان

        الرد
      10. 10
        Amna mohammed

        عن طريق الصدفه وجدت المقال الشكر لك الاستاذ معتصم السر انا ما بقول اني ما عملته حاجه لانو حجم السعاده الادوني ليها كانت اكبر انهم اصروا يردوا لي الشير حاجات سمحه
        شكرا ليكم علي الردود الجميله والايجابيه للموضوع
        كل الحب والتقدير ❤️
        امنه محمد العرضي

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *