زواج سوداناس

صورة للواء عبدالرحمن المهدي تثير جدلاً قانونياً !



شارك الموضوع :

أثارت صورة لمساعد رئيس الجمهورية اللواء عبد الرحمن الصادق المهدي وهو يظهر ( بزي شرطة المرور ) برتبة لواء شرطة ، أثارت جدلا قانونياً في أوساط مواقع التواصل الإجتماعي ، حيث أوضح البعض بأنه لايجوز في القانون النظامي أن ترتدي زيّاً خاصاً بوحدة أخرى أو قوات نظاميّة أخرى وغير مصرح بذلك بحسب القانون والبرتوكول لغير رئيس الجمهورية . فيما أجاز البعض ذلك إن كان ممثلا لرئيس الجمهورية في نقاش محتدم .

وكان اللواء عبد الرحمن الصادق المهدي قد ظهر السبت ( بزي شرطة المرور ) خلال مهرجان السباق الذي نظمه الاتحاد السوداني لسباق الخيل بمناسبة اسبوع المرور العربي وذلك بمضمار سباق الخيل بالخرطوم والذي شرفه مساعد رئيس الجمهورية اللواء عبد الرحمن الصادق المهدي ووزير الشباب والرياضة الإتحادي حيدر قلكوما .

الخرطوم: سوداناس

شارك الموضوع :

تعليقات الفيسبوك

تعليقات


20 التعليقات

إنتقل إلى نموذج التعليقات

      1. 1
        عبدو

        بلد ابوي و بلبس البلبسو

        الرد
      2. 2
        سمبر

        لسان حاله يقول : البلد بلدي و انا سيدها لو ما لقيت كيس ألفها في جريدة

        الرد
      3. 3
        ساطور ابو شاكوش

        كل كما تشاء والبس كما يشاء الناس

        الرد
      4. 4
        محمد النقر

        و ده باعتبار انو بيستحق دبورة واحدة من اللابسها بزي القوات المسلحة !!
        انتوا ما عارفين انو سيادتو خريج المدرسة الحربية الاردنية – قبول خاص و انه لم يطلق طلقة واحدة مع الجيش السوداني و اول هجوم له كان مع جيش الأمة ضد المواطنين السودانيين العزل عندما قطع عليهم الطريق و أول ما شاف القروش فك جنودو عكس الهوا و خلاهم في العراء تأكلهم وحوش الجبال .
        عفيت منك , بلد ما ليها وجيع

        الرد
      5. 5
        عازف الكمان

        هو بتين اصبح للواء قبل كم شهر كان عميد ولا البشير لايقبل اقل من اللواء حتي يكون مستشار غايتو بلد عايرة وادوها صوط

        الرد
        1. 5.1
          نعم لرفع العقوبات

          ههههههههههههههههههه

          في 2013 كان عقيد

          في ظرف 3 سنة صار لواء

          والمهدي بيقول اطلعو مظاهرات

          الرد
      6. 6
        الصريح

        يحب الظهور والبهرجة ذى ابوهو …..

        الرد
      7. 7
        الزيدابي - الجزيرة ام طرفة

        ‘بس يا عالم اريد ان افهم شي واحد .. كيف لهذا الرجل يكون مساعد لرئيس الجمهورية .. ووالده يقود المعارضة .. هل هي مسرحية بين الحكومة والصادق ام هو ضحك على ذقون الشعب السوداني المسكين الصابر ..

        الرد
        1. 7.1
          نعم لرفع العقوبات

          مسرحية محبوكة بامتياز

          الرد
      8. 8
        ودمدني ظلت

        هذا ولد همبول ليس إلا.

        الرد
      9. 9
        Ema

        أهبل وعطلة ومؤخر صغير زى الشفع يوم الطهور

        الرد
      10. 10
        أب زرد

        هو في السودان دا بقى كل من هب ودب لابس رسمي ويا حليل زمن الكاكي كان لي ناسه بس، هسع الوالي لابس كاكي والوزير لابس مموه والعضو في مجلس الشعب لابس كاكي وتشوفهم تقول ديل حفروا خنادقها!!! خلي ود المهدي العزابي خريج الكلية الحربية الأردنية يلبس شرطة ولا كشافة بحرية إن شاء الله ماهي بلد جايطة وهايصة ولايصة وأدوها عكاز من زمان… وبعدين جدل شنو ما يا هو داك حميدتي لابس رسمي ولواء يعني ما في حد أحسن من حد ,,,, ودقي يا دلوكة رقصوا لينا العروسات ديل

        الرد
      11. 11
        ابو عفان

        يا اخي الطلبة والطالبات لبسوهم عساكر
        بلد ما عندها وجيع وكلهم منافقون العساكر
        علي ود المهدي .
        وبلدا هيلي انا

        الرد
      12. 12
        جقدوول

        ضابط الجمارك والسجون وحرس الصيد والدفاع المدني والمرور والجيش والشرطة والبحرية والحرس الجمهوري وسلاح الموسيقي
        كلو زي بعضو وما فارق ابدا من يلبس العاوزو

        اعتقد الامير عبدالرحمن المهدي لابس اللبس الخاص بناس المرور بمناسبة اسبوع المرور العربي وهو اسبوع للتوعية المرورية

        الرد
      13. 13
        عمر

        بسم الله الرحن الرحيم
        جدلنا دايما فى الفارغة التى لاتقدم ولا تؤخر شوفوا موضوع لبس مرور ولا لبس رياضى هو ود الصادق المهدى خلصنا

        الرد
      14. 14
        الكترابة

        الملاحظ فى بدلة سعادة اللواء هنالك شعار القوات الجوية أعلى النياشين بالجيب الايسر ….. ياربى يكون لواء فى القوات الجوية للمرور ؟؟؟؟؟؟

        الرد
      15. 15
        الكاهلي

        ياجماعة اسرة المهدي اسيطرة على اراضي اهلنا في النيل الابيض وامدرمان وفي كردفان ودارفور وتتصرف في السودان كانه ملك لها. الحمدلله ان الانجليز ما جعلوا السودان مملكة او سلطنة كان نقول للبساوي وما بساوي يا امير ويا سلطان.
        وبعدين ما نمشي بعيد ابوه رغم حداثة معرفته بالسياسة وقلة خبرته في الادارة وانعدام الروح القيادية فيه جعلوه رئيس وزراء وهذا ما ينطبق على ولده خريج الكلية الحربية قبول خاص لما ابوه كان رئيس وزراء يعني واسطة . ياجماعة لي اصدقاء ومعارف تخرجوا قبل الولد ده من عرين ومصنع الرجال الكلية الحربية السودانية سابقا و تلقوا تدريبات في جبيت وكورسات في كلية القادة والاركان وقاتلوا في معارك ذات لهيب ولم يصلوا والى ما وصل اليه ولد الصادق.
        تموتوا الرجال الام وحسرة وتهميش والجاه والسلطان لناس الوجاهات.
        والله وجعة وجعة وجعة ياوطن ما في صاحب وجعة عليك

        الرد
      16. 16
        ابو مصطفي

        انتو ما زعلتو من الوظفو ومن وظيفته في القصر زعلانين علي اللبسو هو ما كتر خيره اللبسو

        الرد
      17. 17
        خير ابو احمد

        ارجو من الاخوة الكرام المعلقين قراءة تعليق الاخ الزيدابى من ام طرفة بالجزيرة الرجل فكّر بعقله ثم كتب تعليق قليل المحتوى عظيم المعنى وفعلاً خير الكلام ما قلّ ودلّلك منى الف تحية

        الرد
      18. 18
        Sudanese peaple

        هذا الرجل كان في جيش المعارضة مع والده بارتريا وتقريبا تخرج من حربية الاردن الدبابات المكندشة لافيها طابور سير ولا ادارة داخليه يعني ضابط خمسة نجوم من يومه والاهم من ذلك لم يطلق حتى الان طلقة واحده لصالح الجيش السوداني واصبح مساعد رئيس بدون عرق جبين بالواسطه يعني … وتتم ترقيته ليس كل اربعة سنوات كالعاده بل بعد كل مظاهرة او خطبة عصماء يلقيها ابوكلام ود المهدي ورئيس الجمهورية حريص ان يحضر اي مناسبة له حتى لوكانت حنه أوفطور عريس … ومن شدة حظوظه من غير معارك حتى المذيعات يتمنن عمل لقاء معه عسى ولعل تنعدل خطوتهن … وبعد هذا كله بتسألوا لماذا يلبس لبس مرور !!! انتوا لازم تسألوا اولاً لماذا يلبس عسكري أساساً … هو عسكري من الاردن واخته دكتورة من الاردن … المعنى دراسة بالواسطه ورتب بالواسطه ومناصب بالواسطه …… وانتوا زعلانين على لبس المرور

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *