زواج سوداناس

أزمة داخل وزارة بالخرطوم بسبب نفقات «شهر عسل» الوزير



شارك الموضوع :

تحصلت (المصادر) على خطاب رسمي صادر من وزارة التنمية البشرية والعمل بولاية الخرطوم معنون إلى فندق فخم بالخرطوم ، تقدم من خلاله المدير العام المكلف بالوزارة د.عبد الرحيم محمد أحمد بطلب مده بفاتورة إقامة وزير التنمية أسامه حسونة بالفندق الذي يمضي فيه إجازة زواجه في الفترة من السبت السابع من يوليو الجاري وحتى الخميس منه، وعلمت الصحيفة أن الخطوة أحدثت أزمة بالوزارة عقب رفض مدير الإدارة المالية بالوزارة استخراج الشيك، بعد مد الفندق للوزارة بتكلفة (أيام عسل الوزير)، بينما أصر مدير عام الوزارة على استخراج الشيك، في وقت أبدى عدد من الموظفين بالوزارة احتجاجهم على الأمر، سيما وأن قيادة الوزارة لم توفِ بالتزامات العاملين خلال شهر رمضان المنصرم.
وتشير الصحيفة إلى أن الوزارة شهدت صراعات عنيفة في الآونة الأخيرة بين الوزير حسونة ومدير عام الوزارة، د.عبد العاطي محمد خير حول أموال التسيير مما دفع الأخير للدخول في إجازة.

صحيفة آخر لحظة

شارك الموضوع :

تعليقات الفيسبوك

تعليقات


10 التعليقات

إنتقل إلى نموذج التعليقات

      1. 1
        الجعلي السلفي

        إن صح الخبر
        فسأل الله العظيم أن ينتقم من هذا الوزير الحرامي و من كل من رضي بظلمه و تعديه على أموال المسلمين !!!!
        يا كيزان يا وهم !!!!! يا كرور يا حرامية يا أولاد اللذين !!!
        الله أكبر عليكم الله أكبر عليكم !!!
        وين الشريعة يا منافقين !!!
        لماذا لا تقطع يد هذا السارق الخسيس !!!
        و كمان عينوا قوية هو و المطبلين بتاعنو …. لكن يا خبثاء الله موجود
        تشيلو مننا و من اهلنا الضرايب !!!
        و كمان تدفعونا ضرايب على تلفزيونكم الفاشل الماء حيلتو غير القصايد الشركية و الأغاني !!! و كمان بعد ده كلوا تطلعوا شهر عسل في فنادق فخمة بقروشنا !!!
        و قوة العين و التفاهة وصلت بيكم إنه الموظفين المساكين ما مدفوعة رواتبهم من رمضان ؟؟؟؟
        طيب صاموا و فطروا كيف يا عديمين الضمير
        يا من تسببتم بتفشي الرشوة و الفساد بعد ما كان السوداني يموت قبال ما يقبل رشوة
        خليتوا السوداني حرامي زي المصري يا أولاد ال-…………………..وححح !!!
        حرقتو دمنا يا مجرمين !!!
        اللهم حوالينا و لا علينا

        الرد
      2. 2
        الجعلي السلفي

        مرةً أخرى
        إن صح الخبر !!!
        و الله لو كان في البلد دي عدالة المفترض ينحكم عليهو بتنتيف شواربه المتغذية بالسحت دي شعرة شعرة !!!!
        وبعدين يتحلق ليهو صلعة ، و يطوفو بيه العاصمة المثلثة و هو راكب حمار بالمقلوب و يخلوا الشفع يجدعو بالطوب و يقولو الحرامي هدا ليهو ! الحرامي هدا!
        إن صح الخبر طبعاً عشان ما نظلمو

        الرد
      3. 3
        أمريكي

        والولاية غرقااااانة

        الرد
      4. 4
        ابوخليل

        بالمناسبة يا (الجعلي السبفي ) الوزير المذكور كما هو وارد اسمه في الخبر ما من الكيزان هذا الوزير يتبع لحزب الاتحادي الديمقراطي الأصل جناح مولانا محمد عثمان الميرغني!!!!!!.
        أما مدير الإدارة الذي رفض تمرير الطلب وكتابة الشيك هو من المؤتمر الوطني … لذلك قبل الشتم والاساءة تبين من هو هذا الشخص وصحة الخبر ( إن جاءكم فاسق بنبأ فتبينوا).

        الرد
        1. 4.1
          الجعلي السلفي

          جزاك الله خير أخي الكريم على التصحيح !!!
          لكن الحريقة ألفي قلبي من الكيزان خلتني اعصب !!!
          و اعتذر للاخوة الكيزان اليوم فقط !!!
          بس تصحيح بسيط ليك !!!
          مولاك إنته ما مولاي أنا !!! ما عندي مولى غير المولى سبحانه و تعالى و لا بأقبل !!! و ما دام من جماعة الهندي عب الانجليز الدجال فما في اشكال !!! فمن شابه شيخه فما ظلم !!!
          الله يشوشوهم في جهنم الحمرا إن لم يتوبوا من دجلهم و تخريبهم لعقاد المسلمين البسطاء آمين !!!

          الرد
      5. 5
        سودانى مغبووووون

        يمكن حقيقه .. ويمكن تصفية حسابات بينهم … لانو الشغل (شيلنى واشيلك ) ولما واحد يكاجر التانى تلقى التانى ده قاعد ليهو في الطالعه والنازله .. وقاعد يحدر ليهو في الظلمه مستنى فيهو دقسة ولا فرصه

        بس بالطايوق :
        اولا : مافى زول بيقضى شهر عسل ( 6 يوم ) من السبت لى الخميس .
        ثانيا : مافى زول بقضى ليهو شهر عسل فى ىالخرطوم .. خلوها القاهرة ولا بالميت ارتريا .. ولا اقول ليكم لو قلتو كسلا ممكن لو كترنا المويه واديناها رشة سكر ( تنبلع ) .
        ثالثا : اذا الزول ده نزل في الفندق .. وكمل ايامو فيهو .. ورحل منو … طالبين فاتورة لى شنو معروف الفاتورة بيطلبها ولا بيدوها ناس الفندق للزول النزل او هم بيرسلوها بخطاب رسمى للجهة الطلبت استضافة زعيط ولا معيط عندهم .
        رابعا : نفس المدير المالى العامل فيها حريص على قروش الشعب الفضل .. لو قلبو دفاتر الشيكات العندو كويس بيلقو فيها بلاوى اقلاها الشيكات الطالعة تبرعات باسم المؤتمر الماوطنى … او باسم لجانه او محسوبينو .. والتسميات طبعا بتاعت البنود مادايره ليها تلفت كتير .. على الطاير بيسموها ..

        شترة : الظاهر سعادة الوزير معرس ليهو بنيه شديده قاشر بيها في الطالعه والنازله .. وفاشخ بيهو ابو اهل الموظفين في الوزارة تعليمات واوامر .. ( مرة الوزير جات مرة الوزير مشت .. مرة الوزير قامت مرة الوزير قعدت .. سواق عربية مرة الوزير … الخ ) الجماعة حسدوهو ورقبتهم وجعتهم من التلفت لمواكبة الحركة السريعة لمرة الوزير ( الصغيرونه / الجديدة ) … كما وقع في نفوسهم ذكرى ومقارنة بينها و الدفارات الابدية التى تنتظرهم في بيوتهم وحافز رمضان الذى لم ياتى ولن ياتى حتى لو جاء رمضان حق السنة الجايه .. وهاك النقة.. هاك النقه.. هاك النقه …

        الرد
        1. 5.1
          الجعلي السلفي

          نقاط جيدة يا أخ مغبون و تحليل منطقي جداً ما شاء الله عليك !
          لكن في إحتمالية يكون حرامي متواضع !!!
          ما بيحب يسرق كتير !!! أو حرامي قنوع !!! بيسرق على قدره و يدي فرصة لي غيره !!
          بغض النظر … هذا لا يبريء هذا الوزير الخسيس (مرةً أخرى ! إن 97 الخبر ) من سرقته !!!

          الله يرحم النميري و زمان قطع الايدين و إعدام المرتدين !!!!

          الرد
      6. 6
        mukh mafi

        انا شخصيا غير مقتنع ولا اصدق هذا الخبر .. لان المراجع العام لايعترف بمثل هذه المصروفات .ز وثانيا . لا يمكن ان تصل البجاحة بمدير الوزارة الى هذا الحد والا يود ان يورط الوزير في مسالة هكذا .ز ومن المفترض ان يدون بلاغ اداري ومن ثم جنائي في مدير الوزارةلانها سرقة مبيتة ومتعمدة .ز وعلى كل يبدوا ان الخبر عار من الصحة ولا اساس له وانما من جماعة المفبركون الذين يفعلون كل شيئا ممكنا .ز
        ولا ننسى تعليق الاخ الذي فصل انتماء الطرفين

        الرد
      7. 7
        العبد الفقير

        الجعلي السلفي

        بغض النظر عن كل ما ورد في الموضوع

        انت تدعي التدين وفي نفس الوقت انت ابعد المتداخلين عن الدين الاسلامي الحنيف
        فالدين لم يأمر بالاساءة الى الناس والتجريح
        يأمر الانسان ان يتريث ويتأكد من الخبر قبل ان يخوض فيه
        ويأمر المؤمن ان يحاور غيره بالتي هي احسن
        ويأمره بالا يسب مخالفيه ولا يسب دينهم حتى لا يسبوا دينه

        يا اخي الدين الاسلامي ليس دقون والسن طويلة وجلاليب قصيرة وامخاخ نتنه
        الدين حسن الخلق
        الدين حسن المعاملة
        الدين قوة الحجة وقوة الاقناع

        لقد اسأت كثيرا لدينك وللتدين قبل ان تسئ الى غيرك

        ان جات من زول لا يدعي التدين كان شوية بتكون مبلوعة
        لكن تجي من زول يدعي التمسك بالدين
        شينة علي دقنك

        لا اله الا انت سبحانك اني كنت من الظالمين
        ولا حول ولا قوة الا بالله العلي العظيم

        الرد
      8. 8
        سوداني وطني

        اوعا تكون مرته التانية و لا التالتة و لا الرابعة 😂😂😂

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *