زواج سوداناس

بان كي مون: جنوب السودان بات على شفير الهاوية



شارك الموضوع :

قال الأمين العام للأمم المتحدة، بان كي مون، الخميس، إن جنوب السودان بات على شفير الهاوية بعد تجدد القتال، ودعا بان إلى فرض حظر على الأسلحة وعقوبات على جنوب السودان لكن المجلس لم يؤيده في ذلك بعد.
وأوضح الأمين العام للأمم المتحدة، بان كي مون، أمام مجلس الأمن الدولي، أنه يشعر “بالاشمئزاز من حجم العنف الجنسي” بعد أن سجل مسؤولو حقوق الإنسان في الأمم المتحدة 120 حالة اغتصاب على الأقل خلال الأسابيع الثلاثة الماضية.

وتابع خلال نقاش مفتوح حول السلام في أفريقيا، “في أثناء لقائنا، لا يزال جنوب السودان يقف على شفير الهاوية، لقد ضاعت وعود الدولة الفتية بالسلام والعدالة والفرص”.

شبكة الشروق

شارك الموضوع :

تعليقات الفيسبوك

تعليقات


5 التعليقات

إنتقل إلى نموذج التعليقات

      1. 1
        شارد ما وارد

        يا للهول ,, مبالغة ,, دي حاجة غير متوقعة

        وايه تاني يا بان كي مون ,, عصير الليمون بالكمون ؟

        الرد
      2. 2
        حنين

        انجلينا اقري الكلام ده… القر الينفخك…. بس فلاحتك في حكومة الشمال

        الرد
      3. 3
        مريم

        اللهم انصر أهلنا في الجنوب ..
        اللهم انصر المدنيين العزل .. والأطفال .. وكبار السن .. والنساء في الجنوب ..
        اللهم كن له عونا ..
        اللهم احفظ أرواحهم وبلغهم غاياتهم ..
        اللهم أنعم عليهم بالأمن والأمان والسلام ..
        ….
        إخوانكم يموتون كل يوم في الجنوب تحت آلة الحرب الطاحنة وانتو قاعدين تسخروا منهم ؟
        المدنيين العزل .. والأطفال وكبار السن ديل ناس أمنيين مطمئنين كانوا يعيشون حياة آمنة واليوم أصبحوا بلا مأوى وبلا زاد يقتاتون به ..
        الشعب في الجنوب كل يوم يموت جراء الاقتتال والمجاعة والسير لمسافات طويلة وانتو قاعدين تسخروا منهم ؟
        يا ريت لو منظمة الصيب الأحمر تفتح الباب على مصراعية للمتطوعين حتى يوصلوا الدعم للأطفال وكبار السن ..

        الرد
        1. 3.1
          شارد ما وارد

          ااميين ربنا يجنب الجنوب والسودان كل ويلات الحروب

          كلامك جميل بالحيل ,, لكن نحن بنسخر من بان كي مون والناس المشغلنو ,,, وابدا ما بنسخر من اخوانا في الجنوب,, فديل اهلنا ,, وماكلين عيش وملح وملاح مع بعض ,,
          لكن الناس المشغلة بان كي مون ليهم عشرات السنين ينفخو في نيران الحرب في جنوب السودان ,,, و النقة والتحريش بالانفصال ,,, والنتيجة زي ما انت شايفة ماسي من كل ناحية ,, والله يستر

          وبعد السنين والتحريش والبلاوي العملوها ناس الامم المتحدة و الناس المشغلنهم يجو يقولو الجنوب على شفير الانهيار ,,

          زي ما قالوا العرب زمان ( فسر الماء بعد الجهد ,,,, بالماء ) ,,,

          اللوم يقع على ناس كتار ,,, ويا ريت كان الجنوبيون اخذوا استقلالهم من سنة 55 ,,, ما كان الحاصل الان يكون بالسوء دا ,, وما كانت الارواح الراحت في الشمال والجنوب بدون فايدة ,,

          ربنا يرحم الراحو ,,, ويرحم الجايين ,, وكلنا اجمعين

          الرد
      4. 4
        انجلينا

        بشكركم اخوانى مريم وشارد لكن انت يا الغيرت اسمك سميتو حنينين ليك يوم …..تانى بان كى مون من وين والجابو منو هو اصلا بتاع شجب واستنكار ويشمئز فقط لكن قاعد سااااكت والله انا مبسووووطة من سلفا لمن قال ليه انا ما شغال معاك وقفل الخط فى وشو

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *