زواج سوداناس

محلية أم درمان: قللنا عدد البعوض الى ثلاثة بالغرفة الواحدة



شارك الموضوع :

كشفت الادارة العامة للشؤون الصحية والبيئية بمحلية امدرمان، عن انخفاض نسبة الاصابة بالملاريا بالمحلية نسبة لإنخفاض مستوى الباعوض عن المعدل العالمي لتكون نسبة الباعوض بالمحلية 3 من عشرة باعوضة بالغرفة، بينما المعدل العالمي 6 من عشرة باعوضة بالغرفة.
وأوضح مدير الادارة، صلاح الدين حسن حاج موسى، لـ(الجريدة)، أمس، أن نسبة انتشار الذباب كانت أعلى من مستوى القياس العالمي في بداية فصل الخريف بسبب وجود حظائر المواشي، لتسجل نسبة الذباب بالغرفة الواحدة 8 من عشرة ذبابة، بزيادة 2 من عشرة، لجهة ان القياس العالمي يبلغ 6 من عشرة ذبابة بالغرفة، وعزى زيادة توالد الذباب لعدم التزام اصحاب الحظائر باغلاقها والذهاب لمناطق الزراعة في فترة الخريف حتى لا يتوالد الذباب، موضحاً أنه توجد بمحلية امدرمان أعداد كبيرة من الحظائر، وكشف أن الحملات التي نفذت بالمحلية عملت على تقليل النسبة الى خمسة من عشرة ذبابة بالغرفة، وأشار الى أن نسبة الإصابة بالاسهالات عادية وغير مقلقة وقال انها يمكن أن تكون خطرة لو كانت اسهالات مائية، معتبراً أن محلية امدرمان هي الأفضل مقارنة بالمحليات الأخرى من حيث الإصحاح البيئي نسبة لما وصفه بتفهم الإدارة لأهمية الصرف على إصحاح البيئة.

صحيفة الجريدة

شارك الموضوع :

تعليقات الفيسبوك

تعليقات


10 التعليقات

إنتقل إلى نموذج التعليقات

      1. 1
        ابن الشمال

        والله جزاكم الله خير ما قصرتو عديل. عليك الله ما بتخجلو قللنا الي 3 يعني خلاص انجزتو الله يحرقكم ويمن ما قبلتة يارب ياكريم

        الرد
      2. 2
        مريم

        يا ابن الشمال ..
        البعوض عندنا انحنا بس ( الشعب ) !!!!
        ناس ..
        Wall Street
        ديل ما عندهم يعوض !!!!!
        ………………..
        والله يا محلية ام درمان ..
        ذكرتوني ب ماري انطوانيت !!!!!
        ( إذا لم يكن هناك خبزٌ للفقراء !!
        دعهم يأكلون كعكا )

        الرد
      3. 3
        Fahim

        الحمد لله… كنت خايف جدا
        إكونوا أربعة لكن تلاتة ما مشكلة

        الرد
      4. 4
        مسطول على طول

        لاحول ولاقوة الا بالله
        بالله فى مسئول عينو قويه ومابخجل بالطريقه دى
        الله يفضحكم ويبشتنكم ذى مافاضحننا بتصريحاتكم دى !!
        وسيادتو فرحان بانو الباعوض نقص لى تلاته فى الغرفه وبياخد مرتب على الفشل ده كمان؟؟
        تلاته باعوضات فى ….

        الرد
      5. 5
        moaz

        3 بعوضات ديل بكونوا جوه الاضان
        نفسي اعرف حسبوهم كيف
        الزول دا عارف البعوضة الواحدة بتضع كم بيضة في اليوم

        الرد
      6. 6
        الهمباتى

        اذا لم تستحى فافعل م تشاء والله المسئولين حيرونا عديل بتصريحاتهم الخرقاء ديل لسة م بعرفو الخطاب الدبلوماسي…ي زول ماف بيت فيهو اقل من الف باعوضة

        الرد
      7. 7
        أب زرد

        فتشنا في عمنا قوقل عن المعدل دا ما لقيناه! أها جبتوه من وين يا ناس المحلية يا علميين إنتو؟ وعلى قول FAHIM الحمدلله بقن ثلاثة لأنه لوبقن أربعة تبقى مشكلة كبيرة والله

        الرد
      8. 8
        M.Rashid

        كلامه صحيح ، أنا وقت عندي ملاريا بشوف الناموسة قدر الجاموسة

        الرد
      9. 9
        السر عباس

        الناس دس بيجوبها من وين ؟

        انا أفتكر السودان ده بلد ملئ بالمواهب التي يجب عدم التفريط فيها و تركها تهاجر ليستفيد منها الغير !

        و منهم السيد صلاح الدين حسن , المعلومات المتوفرة لدينا انو اليابانيين بيحاولوا يغروا فيهم لينضم لفريق عملهم في العاصمة طوكيو .

        انا حذرتكم علشان ما تندموا بعدين .

        الرد
      10. 10
        عازف الكمان

        هذا خبر مفرح لو كان حقيقي
        بس عاوزين نعرف متي تم حصر البعوض ووين والساعة كم وفي ياتو حتي في امدرمان هل في امبدة ولا الثورات ولا الفتيحاب
        غايتو انا متأكد في الصالحة وكرري وابوروف في الغرفة الوحدي مائة بعوضة
        عشان كدة لابد من الاحتفال بهذا الانجاز

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *