زواج سوداناس

بالفيديو.. اللاعب السعودي ياسر القحطاني يثير غضب جمهور الهلال السوداني بقوله “الهلال السعودي لا يحتاج تسهيلات من حكام المباريات ربما يقصدون الهلال السوداني”



شارك الموضوع :

شن جمهور الهلال السوداني المتواجد على صفحات مواقع التواصل الاجتماعي هجوماً عنيفاً على مهاجم فريق الهلال السعودي المخضرم ياسر القحطاني على خلفية رده على سؤال شكك من خلاله عبد اللطيف بخاري عضو الاتحاد السعودي لكرة القدم في تسهيل مهمة الهلال السعودي من قبل الحكام للحصول على الدوري السعودي هذا العام؟

هداف الهلال رد على السؤال بطريقة جعلته أمام مرمي نيران جمهور الهلال السوداني حيث قال :” بخاري ربما كان يقصد الهلال السوداني أو أي هلال آخر وليس الهلال السعودي بهذا الحديث”.

لمشاهدة الفيديو على قناة فيديو النيلين أضغط هنا

 

ياسين الشيخ _ الخرطوم

 

النيلين

شارك الموضوع :

تعليقات الفيسبوك

تعليقات


9 التعليقات

إنتقل إلى نموذج التعليقات

      1. 1
        سوداني اصيييل

        معروف الهلال السوداني بشيل البطوله عن طريق الحكام ولكل ظالم نهايه شاهد مباريات الهلال وسوف تصل سريعا للواقع المخزي لبعض الحكام

        الرد
      2. 2
        عازف الكمان

        كيف لفريق هو الافضل ان يحرز بطولة بمساعدة الحكام في حين البطولة مضمونة والشيء المهم معظم قادة الاتحاد مريخاب يعني هذا يدل علي ان الهلال صاحب الريادة إذا كان امثال القحطاني يعلمون من هو الهلال لذلك لابد من محاسبة هذا الصعلوق لولا تدخل الامير لكان إلي يومنا هذا داخل السجن بعدما تم قبضه بثابتة

        الرد
      3. 3
        اشرف سيداحمد

        انتبهوا قبل ان تعلقوا القحطانى لم يقصد الهلال السودانى كفريق بل لانه سودانى ولو كان هنالك فريق اسمه المريخ السعودى لقال المريخ السودانى
        الاساءة للسودان وليس الهلال فقط

        الرد
      4. 4
        سودنى اصيل

        والله الزول دا لوقاصد الهلال السودانى قال الحقيقة فعلا الهلال السودانى معروف بشيل الكاس بتسهيلات الحكام ودلال على ذلك مبارة اهلى مدنى ذهاب واياب ومباراة الاهلى شندى وهلال كادقلى ومريخ الخرطوم ومريخ نيالا والله دى كلها نقاط بواسطة التحكيم

        الرد
      5. 5
        ودنخل

        يا مسمى نفسك سوداني اصيل ، الامر امر بلد كامل وليس لمريخ او هلال ، والقيحطاني اراد اساءة بلد اسمه السودان ، افهم شوية ، مباراة اهل مدني وشندي وكادقلي في عينك يا جاهل .

        الرد
      6. 6
        مريم

        طيب الحكام كانوا وين في مباراة
        الهلال العاصمي وهلال التبلدي ؟؟؟؟
        زي ما قال الاخ/ ود نخل ..
        القضية قضية بلد !!
        و إهانة !!
        و كرامة !!

        الرد
      7. 7
        abuahmed

        حتى إذا قاصد الهلال السوداني فقط، ليست مقبولة، وعموماً فتح على نفسه النار، خاصة أنه اكتوى بتعليقات السودانيين قبل ذلك حينما صرح مدرب الفريق القومي السوداني وقتها عقب لقاء بين الفريقين في أحدى الدورات أن (القحطاني بات ثقيلاً ولا يمتلك غير الثرثرة).. وبالفعل هو الآن لا يمتلك غير الكرش والثرثرة.. وقد فتح على نفسه نيران تصريحات جمهور الهلال والسودانيين.

        الرد
      8. 8
        محمدأحمد

        يا أخوانا الراجل دا ما قاصد أي حاجة لكن السودانيين مستعجلين وبالذات أنتو بالهلالاب .. ومعروف في العالم العربي كله في الهلال السعودي والهلال السوداني يعني لو في هلال في دولة ثانية إمكن يكون ذكر أسمه وكلمة بسيطة جدا ولكن المسكين مسك العقرب من ضنبها … والله المستعان

        الرد
      9. 9
        كمبوكل

        ” قولوا له أسال أبوك يا وليد ” الكرة السودانية عامة والهلال خاصة هم من علم هؤلاء أ-ب الكرة كانت الكورة لديهم رجس من عمل الشيطان قبل ان يعلمهم السودانيين الكرة حتى اسم الهلال مأخوذ من الهلال السودانى وشوفوا ايهم اقدم تاريخا وتأسيسا كنا نغلبهم بالسبعة والثمانية وفى ستينات القرن الماضى زار الهلال المملكة ودمغهم بالسبعات والتسعات وفى احدى المباريات فى المنطقة الغربية غلبهم الهلال 7-2 وقالوا نحن جايبين هدفين وفى المباراة التالية غلبوهم 8 صفر وصفحات التاريخ محفوظة وهم يعلمون ذلك فى قرارة انفسهم ان السودانى معلم فى كل شىء خاصة بالنسبة لهم “دعوهم ” فالسودانى عقدة لهم !!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *