زواج سوداناس

لن نقول الا ما يرضي الله



شارك الموضوع :

* انا لله وانا اليه راجعون
* ان العين تدمع
* وان القلب يبكي
* وانا لفراق الزعيم لمستواه و شخصيته و مكانته
* محزونون محزونون محزونون
* ايها الناس
* امتلك الاهلي مدني منطقة المناورة
* بل امتلك الملعب كلو
* وكنا نظن ان لجبرة حلول
* ولكنه وقف متفرجا علي وسط الفريق الماقادر يقوم باي دور
* لا ساعد الدفاع
* ولا مول الهجوم
* ولا هرش ناس مدني ساي
* المريخ مشكلتو كبيرة
* من فريق مرشح لبطولة افريقيا الكبري
* لفريق يتمني جمهوره اخف الخسائر
* في كورة التبلدي ونحن خسرانين بالاربعه
* كان جمهورنا يتمني ان تنتهي المباراه علي كده
* والسبب ظاهر وواضح
* ولكن استقالة جمال و اصرار ضباطه التلاته عليها في خواتيم الموسم الماضي كانت اول اسباب الانهيار الكبير بعد الانبهار الكبير
* المهم
* الاسد ملك الغابة
* القرد بخاف منو مووووت
* لدرجة ان الاسد لو جا ماشي تحت الشجرة والقرد فوق في الشجرة
* القرد بقطع نفس
* وتلقاهو مركز علي الاسد مفتح عويناتو الدقاق ديل
* يرفع في حواجبينو مرة الاتنين مع بعض ومره اليمين براهو ومره الشمال براهو
* ولو الاسد عفص ضل القرد في الواطه
* القرد من الخوف بقع من الشجرة
* ده موقف القرد مع الاسد ملك الغابة
* لكن موقف القرد مع النمر اصعب من كده
* مافي قرد بطمئن لي حتة فيها نمر
* لانو الاسد مابطلع للقرد فوق في الشجره
* الاسد تقيييل ورزين
* لكن النمر بطلع للقرود في الشجرة
* يعملهم ليك شاورما
* يخليهم ينوموا ويطلع ليهم
* يفقعهم ليك فقيع التسالي
* عشان كدة القرود لو شافن نمر في المنطقة ما بطمئنن
* يقومن يعملن ليهو كمين
* يقدمن قرد فدائي مؤمن بالقضيه
* يفدي الباقين
* يطلع للنمر في الشجرة ويمسك بايدينو العشرة في رقبة النمر
* ويقعوا الواطه مع بعض
* مابفك النمر اصلو
* باقي القرود يلمن في النمر يورنو الطفا النور منو
* ويقتلنو في اعظم حروبات الدفاع عن النفس و البقاء
* قردنا الفدائي داك بكون راح فيها
* لكنه فدا اهلو وعشيرتو
* قرد مؤمن بالقضية بعمق
* ويفهم معني التضحية لاجل الآخرين
* المهم
* بقيت زي القرد
* من اشوف (نمر) ارجف كلي
* بخاف من (نمر) اكتر من خوفي من الاسد المنازل
* ولاحولة ولاقوة الا بالله
* لكن نرجع ونقول
* من اسباب البحصل ده تولي الجهاز الفني السابق للامر و اصرار مجلسنا علي استمرار ذلك الجهاز الفني فزاد الطين بله و بقينا نتحسر علي شطب بله
* ايها الناس
* كنا نظن ان لجنة ونسي يحسب لها افضل تسجيلات المريخ في السنوات الاخيرة
* ثم عدنا واكتشفنا ان لجنة ونسي جزاها الله خيرا قد اختلط عليها الامر بين المريخ و هيئة توفير المياه
* فاتت بمواسير لم يضمها كشف واحد خلال السنوات الاخيرة
* بالذات الماسورة( 20)
* الماسورة (20) بوصة دي نشفت ريقنا
* واذا اصرينا عليها
* صدقوني البحر كلو بتشفطوا وتعيدنا لجفاف وتصحر وسودان كول
* ايها الناس
* مستوي جمال سالم في النازل
* ولعب الخمسمية ماحبابو يا جمال
* ولا المفارق عينو قوية ???
* المهم
* حسنا فعلت لجنة التحكيم وهي تختار ابو شنب لمباراة التتويج
* فالرجل فعلا قدر الحدث وكانت له اليد العليا في خروج الممتاز بالصورة الناجحه و الجميلة التي نشاهده بها
* و ياريت لو تم تتويجه بالامس للجهود الكبيرة التي قام بها في سبيل توجيه الممتاز لغاياته الساميه الا وهي الخروج بهذه الصورة الملفته للانظار
* و ياريت لو تم تكريم لجنة التحكيم كلها
* فلجنة تعبت وهي تنفخ الهواء من فشافيشها ستة وعشرين مرة معلنين بلنتيات المدعوم تستحق التكريم
* برغم ان نفسهم كان بنقطع ولا يمكنهم من اطلاق الصافرة في بلنتيات كتيرة عملها المدعوم
* لكن نجد لهم العذر
* نفسهم كان مقطوع حينها
* وياحبذا لو تم تكريم رجل الخط والحكم الذي الغي هدف كوكو التعادلي الصحيح
* فلو ما الناس ديل لما كان التتويج امس
* ولا ننسي تكريم الحكم الماشاف البلنت الارتكبها دفاع النادي القحطاني السوداني مع النعسان في مباراة الزعيم
* فلو حسبها لن يتم التتويج نهائي
* التحية لكل من شارك في اخراج الممتاز بالصورة التي شاهدناها
* النسور ضد المدعوم في الدورتين عندو بلنتيات لو تم احتسابها لما هبط النسور
* لكن الحكام ماشافوها
* شكرا لكل من ساهم في رسم تلك اللوحه
* المهم
* ناس الامل احتجوا علي الالعاب الناريه
* بالله!!!
* ناس الحديد والنار بخافوا من الالعاب الناريه!!
* قلتوا لي
* المهم
* بمنتهي النزاهه فزنا علي سيد الاتيام
* ومستوي سيد الاتيام الامس ده ورانا سبب مدني قيت الشهيرة
* لانو لولا القيت ما كان الجماعه اتخارجوا من مدني
* ايها الناس
* النادي القحطاني السوداني
* حايعيد نقاط ناس يخطئ ليهم متين ???
* وبالمناسبة
* البلنت رقم سبعه وعشرين دحين غيبتها ما طالت ولا جيتها بقت ماضروري ???
* امس شفنا اجمل مسرحية استعراضيه
* كلام نسوان ولا شنو ?
* شفتيها يافطومه يا اختي ???
* المهم
* اسلام بتحب تشيل قوالب الالحان وتركب عليها كلمات
* اذا عجبها لحن اغنية او مدحة طوالي بتعمل ليها فوتو شوب وتركب ليها كلمات
* اديكم جزء من القحطاني السوداني لا سلام
القحطاني… القحطاني
القحطاني الصفراني
القحطاني
القحطاني جوية ماعندو
القحطاني دوليا لا ليهو البسندو
القحطاني
القحطاني القحطاني الصفراني
القحطاني
القحطاني اقدم من الياماني
القحطاني فريق التاباني
تمنين سنة يحاول وقال تاني
القحطاني
القحطاني القحطاني الصفراني
القحطاني
سيكافا غالباهو
قال مانفعت معاهو
القحطاني
جوية تسمو
صفرية لاتهمو
يجتمعوا ويتلموا
و يقولوا الصفر مابهمو
القحطاني
القحطاني… القحطاني السوداني
الصفراني
* ايها الناس
* انا لله وانا اليه راجعون
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* دايرين في منهج المدرسة زول يقول لينا
* انما الامم الاخلاق يا اخينا
* فان هم ذهبت اخلاقهم ذهبوا يا والينا
سلك كهربا
ننساك كيف والكلب قال ذهبوا معناها كسحوا… فاتوا.. طشوا ..مامعناها مشوا الذهب
والي لقاء
سلك
ربما تحتوي الصورة على: شخص واحد وأشخاص يبتسمون

شارك الموضوع :

تعليقات الفيسبوك

تعليقات


1 التعليقات

      1. 1
        سيد البلد الما مدفور

        ردحي جد والله هههههههههههههه اها وانتو كرمتوا لجنة سمير وحكم نيالا …من الملعب

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *