زواج سوداناس

مغترب يتوقع أن يصل سعر الدولار لواحد جنيه سوداني، فيتلقى سيل من الشتائم والسخرية


دولار

شارك الموضوع :

أشعل سوداني مغترب يقيم بمدينة جدة بالمملكة العربية السعودية صفحة سائحون على فيسبوك عندما كتب (إنجاز 27 عامأ إكمال تأسيس دولة السودان من مرحلة الصفر وفي خلال الثلاث سنوات القادمة في اعتقادي الشخصي سوف تظهر معالم النجاح في كل المجالات بإذن الله).

وأضاف أحمد في منشوره الذي تابع محرر النيلين التعليقات عليه ( أتوقع في خلال الثلاث سنوات القادمه أن يصل سعر الدولار لواحد جنيه وبنشوف كل ثلاث شهور طفرة كبيرة بإذن الله).

وتهكم وسخر الكثير من أعضاء المجموعة على منشور أحمد الذي توقع فيه أن يصل سعر صرف الدولار لواحد جنيه ثم تعرض لسيل من الشتائم والإساءات، ومن أبرز التعليقات.

Saif Ibrahim
انت جادي ياولدي في منشورك ده . ماتجيب لينا الضغط والسكري.

Abu Ziad
هوي يا زول انت مغترب وقاعد في جدة وتاكل في دجاج البيك وتكتب لينا عن السودان امشي هناك واركب الموصلات واكل الفول وتعال قول كلامك دا

Mohamed Mustafa
اذا عبدالرحيم حمدي ، الاب الروحي للاقتصاد الكيزاني هو نفسه اشتكي انه مافي زول بطبق او بنفذ كل روشتات الورش والاوراق البقدموها ، في خلل غير منطقي وبوادر ثورة جياع في الطريق ، خد ساتر بس

Abu Ziad
انت عارف انجازات ال 27 سنة شنو
انو انت بقيت تكتب في السياسة

ليرد صاحب المنشور المغترب في السعودية “أحمد”على مداخلات الأعضاء (ليه بس الزعل ده كلوا انتم ما عاوزين بشارة خير لي بلدكم يا كافي البلاء)،ثم أضاف (انا لا شتمت ولا سبيت واحد فيكم، ليه بس كلامكم كدا، راجعوا أنفسكم وأخبروني انا عملت ليكم شنو).

الخرطوم/معتصم السر/النيلين

شارك الموضوع :

تعليقات الفيسبوك

تعليقات


18 التعليقات

إنتقل إلى نموذج التعليقات

      1. 1
        ابو على

        انشاء الله من خشمك لباب السماء وربنا ما عليهو قاسى .وتفاولوا الخير تجدوهو

        الرد
        1. 1.1
          مصطفي

          أنشاءالله

          الرد
      2. 2
        القراشي

        اللهم آمين.. الله يوفقنا
        لكن شكلك بتدعو لأمريكا بإنهيار إقتصادها
        برضو نقول من خشمك لباب السماء

        الرد
      3. 3
        نقاااي

        في ظل الاوضاع المتغيرة والصراعات الاقليمية وتبدل الدول الله يستر السودان دا ما يتماص ذي حبة الملحق ويتقسم في الاتفاقيات الجديدة الى سايكس بيكوا جديد

        الرد
      4. 4
        مصطفي

        موارد السودان وأمكاناتو الأقتصادية لو أديرت بصورة فعالة وتخطيط جيد ممكن نتفأل انو كلام أخونا دا يصبح حقيقة

        الرد
      5. 5
        محاسن فضل

        حلم الجعان قالوا عيشة وانتو بتحلموا ان يصل سعر الدولار جنية هههه لوجاكم ليلة القدر برضو مستحيل

        الرد
      6. 6
        محاسن فضل

        الحلم جميل بس الواقع مرير نتمني للسودان التقدم وااالحياة الرخية

        الرد
      7. 7
        ali

        الحل بسيط جدا جدا هو ان تغير العملة وبيقي العشرين جنية = جنية واحد في الثلاثة السنين القادمة ولما يصل الدولار = 20 جنيه يبقي الفئة الجديدة = واحد جنية حليتها ليكم

        الرد
      8. 8
        ali

        الحل بسيط جدا جدا هو ان تغير العملة وبيقي العشرين جنية = جنية واحد في الثلاثة السنين القادمة ولما يصل الدولار = 20 جنيه يبقي الفئة الجديدة = واحد جنية حليتها ليكم اول مرة ارسل ليكم ما دارين تنشروا ليه

        الرد
      9. 9
        Abdul

        يا اخوانا الراجل بتكلم على سبيل النكتة والسخرية . .

        الرد
      10. 10
        نجم الدين محجوب

        الله عز وجل خلق السموات والارض هل هو غير قادر علي.ان يمن علي اهل السودان البسيط بالخير الوفير وبي بركة دعاء الطيبين نسأل الله ان يمن علينا بالخير الوفير. اخونا ماقال الا تفائلا ربنا يحقق امانينا بس انتو قولوا خير وامر الله كله خير

        الرد
      11. 11
        عبدالودود

        ايهاالمغترب العزيزخليك في السعوديه

        الرد
      12. 12
        ازهرى باسعيد

        نود الاشتراك

        الرد
      13. 13
        خالد احمد

        عالم غريبة ومثبطة للهمم ومتخلفة كمان ، والغريبة اغلبهم ممن يدعون الي تغير هذاء النظام ويتحدثون عن الديقراطية والحريات .واحد سوداني تغاءل خيرا وده رأي الشخصي تقعوا فيه نبذ واساءت .من انتم ومن أين أتيتم ؟ هل انتم سوداني حقيقة أم من عابر ي الحدود وتسودنتو ( من كلمة سودنة ).نحن ضد النظام ولبس ضد السودان الوطن ، تذهب الحكومات وتبقي الأوطان. ..ولا أقول ليكم الدولار حيصل الي ربع جنيه والزعلان يهاجر الي إسرائيل .

        الرد
      14. 14
        النزير يحي

        انشاء الله ربنا يفرجا علينا والدولار يوصل لقرش مش جنيه

        الرد
      15. 15
        dark

        والله ياخي انا بشوف انو الزول دا م غلط دي توقعات منو احتمال تصدف واحتمال م تصدف ليش النبذ والاهانه و عدم احترام الزات دا الشي الما بقدم الشغب السوداني دايما ينظر و يتفلهم في اشياء هو م عندو ايد فيها

        الرد
      16. 16
        رجائي يوسف

        إذا توقف الحرب وسخر حصة الحرب والاجهزة الامنية من خراف وعربات وطائرات وأسلحة وووو. لتطوير المنتجات الزراعية والتصنيع الزراعي.
        مع محاربة الفساد المالي والتشجيع على العمل والانتاج . لا أشك في تحقق أمنية صاحب البوست

        الرد
      17. 17
        ahmed

        ما هى دى الحقيقة التى سوف تمر على السودان فى المرحلة القادمة ….. بعد امريكا ترفع الحظر الاقتصادى ….. وتدخل بثقلها فى السودان والا ستثمار فى كافة المجالات …… وتساعد فى الغاء ديون السودان البالغة خمسون مليار دولار …. وتدخل العملة بكثافة للسودان ….. أمال عاوزين الجنيه يكون بكم ؟ !!!!!!!!! السودان قادم على مرحلة مهمة جدا جدا …… حتى أسرائيل بتدعو فى أمريكا والعالم الوقوف مع السودان بعد تخليه من أيران ومشاركته العرب فى مواقفهم …… ثم ماذا ؟!!!!!!!!!!!!!!!

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *