زواج سوداناس

سائق أمجاد في الخرطوم يجر أجنبيا علي الارض ويوسعه لطما.. ما هو السبب؟


طفلان يحرقان عربة (أمجاد) في «الـخرطوم»

شارك الموضوع :

يقال والعهدة علي الرواة أن أجنبيا صاحب شركة فارهه في اول مقدمه الخرطوم ، وقف امام موظف تأمين الاستقبال الخاص بالشركة حيث لم يقف الاخير ، او يسارع لفتح باب المركبة الانيقة فثار الاجنبي في وجه العامل المواطن الموظف واسمعه حديثا موجعا عن برتكول هذه اللحظة كل صباح ثم اختتم المرافعة بعبارة (حيوان) التي حين طارت في المدي كان المدير يتلقي (صفعة) بقياس (ام دلدوم) اطاحت بالمدير وربطة عنقه ارضا فيما انصرف العامل وهو يلعن عوالم الصباح واشباحه ،

موقف مماثل حدث قبل قليل وسائق أمجاد يجر أجنبيا علي الارض ويوسعه لطما والذي حدث ان السائق حمل الاجنبي ومعه فتاة في مشوار خاص ، السائق بمرآة القيادة لاحظ ان هناك عناق ومقدمات فحش فتنتح ، فلم يرعوي الزبون الذي تمادي وهو يقول وانت مال اهلك مراتي وانا حر ، ثم اضاف تاخد فلوسك وانت ساكت يا حيوان ! فانفجر سائق الامجاد وكاد ان يقبر الزبون في متن الطريق لولا تدخل الجمهور الذن انصب فضولهم علي تأمل وجه الفتاة !

بقلم
محمد حامد جمعة

شارك الموضوع :

تعليقات الفيسبوك

تعليقات


12 التعليقات

إنتقل إلى نموذج التعليقات

      1. 1
        أب لمبة

        صاحب شركة فارهه في اول مقدمه الخرطوم
        *******************
        رحم الله البلاغة و اسكنها فسيح جناته

        الرد
        1. 1.1
          ساخرون

          بهذا التعليق قد برأت نفسك ياااأبا لمبة …أبا دي كويسة ؟

          لأن ” مشهور الذكر ” صديقنا الراحل ” ليس بالضرورة أن يكون رحيل موت ”

          فصديقنا الحل ليس متبحرا في اللغة ولا أحسبه يتذكر شيئا درسه في المدارس اسمه البلاغة

          لست الحلو …لكنك قد جلبت الشبهة لنفسك بذكره وقد نسي تماما

          الرد
      2. 2
        ابو محمد

        البلاغة براها ي اب لمبة ؟ معليش .. مشي ..مشي .. ما تركز كتير ..بتتعب ساكت.الموضوع اكبر من كده..

        الرد
      3. 3
        مامادو

        في نوعية من البشر كدا تحب نشر الكلام الفاحش والايحاءات الخليعة..واريتو بعد دا لو بعرفو بكتبوا ويعبروا..صحفي جاهل

        الرد
      4. 4
        ابو محمد

        مؤلف الخبر ده إنهال عليه السباب و على لغته العربية تدرون ما هو السبب ببساطة لانه مؤلف قصص … مافي راجل يقدر يتجرأ و يعمل الحركات دي على سوداني و كمان يقول ليه يا حيوان و الله كترتها و في قلب السودان كمان .. ياخ نحن في الغربة ما في راجل برفع عينه علينا خلينا داخل بلدنا .. الحمد لله ربنا كاسينا هيبة و وقار في وجهنا و لونا و في شكلنا كلما يشوفك و احد تدخل فيه خوفه و الله بدون سبب و لو صريت ليه و الله يرجف …. و لو بتكلم و دخلنا بس بسكت … بس إنت الظاهر عليك ود ميكي

        الرد
        1. 4.1
          Hamd Hamid

          السوريين واللبنانيين دي تصرفاتهم… واذا جو السودان بحاولو يعملوها

          الرد
      5. 5
        ابراهيم

        الكاتب كتب (أن أجنبياً في اول مقدمه الخرطوم ) . انا فهمتها (في اول قدومه للخرطوم ) واعتقد انها صحيحة والله اعلم . والكاتب دا معروف – محمد حامد جمعة . اعلامي ما ساهل ومعروف . نرجو التوضيح ومنك نستفيد . ودا عشان التعليقات الفوق .

        الرد
      6. 6
        برشم

        اخبار لوشى كملت اخير نملا المساحة كضب .. على الطلاق كضااااب !!!

        الرد
      7. 7
        الواضح

        الرجل بليغ ومتمكن من لغته تماما . ومن يتهمه بغير ذلك يدلل علي جهله . يا اخي لما انت ما بتعرف عربي كويس ما تنصب نفسك مصحح وتضحك الناس عليك

        الرد
      8. 8
        hamd hamid

        اكثر المعلقين بنو نقدهم على حاجتين:

        الاولى: في اول مقدمه الخرطوم…. لأنهم كلهم عايزنا تكون (مقدمه للخرطوم او الى الخرطوم). بينما هي صحيحة ولا غبار عليها. وفي اللغة العربية امثلة كثيرة على كدة.

        الثانية: اجنبيا صاحب شركة فارهة….. اعتقد المعلقين انو استعمال كلمة فارهة هنا غلط ودا ما كلام صحيح… ويمكن الرجوع الى القواميس ان شئتم… قال تعالى (وتنحتون من الجبال بيوتا فارهين)

        الرد
      9. 9
        هاشم

        سبحان الله والحمد لله ولا اله الا الله والله اكبر

        الرد
      10. 10
        أب لمبة

        الى الاخ الواضح بجهله
        نقدي للاخ الكاتب “مع اني قرأت ما كتب بشكل خاطئ واللوم عليه لانه رغم تمكنه متكلف جدا لدرجة تشوه النص وتعيبه” كان من ناحية بلاغية اذا كنت تفهم ما اقول.

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *