زواج سوداناس

نانسي عجاج: حاواصل غناء وجزء كبير من عوائد اي عرض لدعم المرضي المحتاجين


نانسي عجاج

شارك الموضوع :

لك الله يا وطني، يا وطن عز الحريق
من كم يوم وانا بحاول اكتب عن الحاصل، وما قادرة. ما عارفا اكتب شنو ، واقول شنو ?!
احساس مر بالعجز والحزن والاحباط.
كل يوم الحال ماشي من سئ الي اسوء ، وكل يوم والقائمين علي امر العباد في البلد دا، في تمادي و استفزاز للمواطن ولانسانيته وكرامته.
حوجة مريض للدواء حاجة عاجلة ولا تقبل المزايدة. لكن السؤال المهم هل الاشكال هو اشكال دواء وعلاج بس? للأسف لا، شرايح عريضة ومختلفة حتتضرر من الاجراءات الجديدة دي اضرار كبيرة .

ومن لم يمت بالمرض في وطني ، مات فقراً وجوعاً.
ومن لم يمت برصاصة في نزاع ما ، مات حسرة ومذلة.
.

بعض الاصدقاء و المقربين اقترحوا علي ايقاف نشاطي، الي حين انفراج الاحوال.
لكن الاقتراح دا ب يعني بالنسبة لي، اني اوقف المساهمة الوحيدة البقدما. وبيعني برضو اني اكون صامتة او متفرجة بقصد التضامن .

غنيناك وبنغني .. ونتحدي الزمن فنان.

بقول، اني حاواصل غناء ، للوطن وانسانه وارضه.
وحاخصص جزء كبير من عوائد اي عرض، لدعم مرضي محتاجين للدواء والعلاج. ودا حيكون بالتنسيق مع بعض الصيدليات .

التفاصيل حتكون علي الصفحة الرسمية.

عزيز انت يا وطني برغم قساوة المحن

بقلم
نانسي عجاج

شارك الموضوع :

تعليقات الفيسبوك

تعليقات


4 التعليقات

إنتقل إلى نموذج التعليقات

      1. 1
        ود بحري

        أحبك وأحب أمك الولدتك. .. إنتي يا نانسي كل يوم بتكبري في عيونا ربنا يحفظك ويحميك

        الرد
      2. 2
        Abu allawi

        احساس رقيق ولكن

        بضاعة الغنا اللي حتمول المشروع نفسها
        ما جايبة حقها

        لو وفرتي ليهم حق التذكرة كلو
        وبطلتي الحفلات والصرف الفارغ

        حيلقو غذا كويس ودوا

        الرد
      3. 3
        مامادو

        وقدمنا الى ما عملوا من عمل فجعلناه هباءا منثورا

        الرد
      4. 4
        نبيل

        ….. ملوء الساحة الفنية والموضة مساعدة الفقراء قتلت اباها ولم تراعي له ذمة

        الرد

    أضف تعليق

    لن يتم نشر عنوان بريدك الإلكتروني. الحقول الإلزامية مشار إليها بـ *