الفنانة العالمية شاكيرا زارت عدد من الدول العربية وغنت في مسارح مصر والإمارات العربية ولبنان ومن المتوقع أن تزور السودان بنهاية العام الحالي وإحياء حفل جماهيري في العاصمة الخرطوم.
ويقول متعهد حفلات في الخرطوم لريم منصور محررة المنوعات بموقع النيلين أن الفرصة باتت سانحة امامه لتظيم حفل للفنانة الكولومبية الشهيرة لبنانية الأصل شاكيرا، ويضيف أنه لم يستطيع تنفيذ الحفل في الفترات السابقة نسبة للحظر الأمريكي المفروض على السودان.
ويضيف (ح) منظم الحفلات الشهيرة للفرق الأجنبية في الخرطوم: أن الشركة التي يتفاهم معها بخصوص تنظيم الحفل أمريكية وكانت في السابق ترفض تنظيم الحفل نسبة للمقاطعة الأمريكية ولكن أصبحت الظروف الأن مواتية لقيام الحفل الذي سيكون حدثاً تاريخياً.
وفي العام الماضي استمتع الجمهور االسوداني مع الفنان العالمي الشاب خالد في الحفل الكبير الذي غنى فيه الفنان الجزائري لأول مرة بالسودان بالساحة الخضراء ،مساء الجمعة 8 أبريل 2016. وتفاعل معه الجمهور وأشعل مدرجات الحفل خصوصاً عندما غنى أشهر أغانيه (ديدي، عبد القادر، عائشة، سي لا في).
وكذلك شهدت الخرطوم نهاية العام الماضي حفل الفنانة البريطانية الشهيرة “جوس ستون” وقالت أن زيارتها للسودان تجربة مدهشة ولن تنساها أبداً وأضافت (Joss Stone) على حسابها الرسمي على تويتر “شكراً السودان) وذلك يوم الأربعاء 7 ديسمبر 2016، وإحتفل الجمهور السوداني بالفنانة جوس وتفاعل بطريقة رائعة مع أغنياتها والرقص على أنغامها بحسب متابعة ريم منصور محررة المنوعات بموقع النيلين لفعاليات الأسبوع البريطانى الذى نظمته السفارة البريطانية بالخرطوم.
ريم منصور
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
والله المره دي ربنا يسخطكم لو جاء محمد الفاتح ما يفككم
ياخي احمدوا الله بالفرج بالرجوع للطريق الصحيح مش بزياده الفساد
قال شاكيرا قال..
نحن قوم اعزنا الله بالإسلام فإن ابتغينا العزة بغيره أذلنا الله. والله العظيم احسن نخلي العلمانية .
غايتو البلد دا فيه ناس ربنا يمرقهم منه .. بالله عليكم الله شوفوا زي النوع دا الناس منتظرة يطلعوا تصاريح الدواء وقطع الغيار وغيره وهو عايز يجيب واحدة زانية عريانه تغني في الخرطوم .. وهو نحن الفنانين عندنا شوية ..
(ريم منصور) كلمة واحدة وبس (إتق الله).
ههههههههههههههههههههههههه
ليس لنا ان نضحك في بلد فيه مليون فنان
قال نهاية العام طيب لو الامريكان خرخرو ورجعو الحصر حجيبو منو بس اوعكم تجيبو شعبان عبدالرحيم
نفسي اعرف دخل الغناء شنو مع الحصار
يا ناس إتقوا الله في أنفسكم
بدل ما تحمدو الله على الفرج الحصل ده وتشكروه
وترجعوا إلى دينكم
تقوموا تجيبوا شكيرا
والله كل التعليقات تثلج الصدر ، الحمد الله الأن تأكدت تماماً أن الشعب السوداني مازال بخير ومتمسك بدينه رغم الصعوبات والحظر الامريكي . لكم الله يا شعب السودان انتم ملح الارض وسادتها .. ارفع راسك ياسوداني
أوباما نرجوك رجع الحصار تانى
لو لوشى بتعرف تغنى جيبوها لينا هى
الله لا بارك فيك يا متعهد الحفلات انت والمعاك ولا بارك في شاكيرا ولاّ سجم دي ان شاءالله ياااارب تفشل في موضوعك وحفلتك دي وارجووووا من الحكومة ان لا تسمح لهذا المتخلف ومن معه بهذا الامر
الحمد لله دخلنا للرجم ما لقينا فرقة من الزحمة اللهم اهدنا الى صراطك المستقيم، اللهم إنا نسألك صلاحا لأنفسنا ينصلح به حالنا وحال ولاة أمرنا.
الحفلة ما تهمني وما بتهم ناس كتار
بس برضو في ناس بهتمو بي الامور الزي دي….فالموضوع ايزي وما خطير ..يجييو شاكيرا يعني كان جابوها
المثل بقول :- ((الفايق بهمز أمه))
حسبنا الله ونعمه الوكيل اسالكم بالله نحن ناقصين ساقطات ؟