اهتمت صفحات موقع التواصل الاجتماعي فيسبوك في السودان بالتمويل الذي افتتحه بنك الخرطوم لتسهيل الزواج للشباب.
وحسبما نشرت صفحات يتابعها محرر موقع النيلين فقد كشف البنك عن التمويل الذي يغضي كل مستلزمات الزواج من شيلة كاملة وصالة الفرح وديكورها والتصوير وكوافير العروس وعربة الزفاف وملابس الزفاف للطرفين وكروت الدعوة.
كما وضع البنك شروطاً للحصول على التمويل, الشروط التي وصفها رواد مواقع التواصل الاجتماعي بالسهلة كان في مقدمتها أن يكون العميل سوداني الجنسية وأن لا يتجاوز عمره 65 عام وأن لا يقل عمره عن 25 عام.
ويتعين على المتقدمين لطلب التمويل إحضار شهادة مرتب متضمنة “المسمي الوظيفي وتاريخ التعيين وصافي الدخل الشهري” بالإضافة لصورة من البطاقة الشخصية على أن تكون سارية المفعول لستة أشهر على الأقل.
وصورة من الجنسية أو جواز السفر الأخضر وعدد 2 صورة فوتوغرافية ملونة لمقدم الطلب وعدد 2 معرفين ورسم كروكي لمكان السكن الحالي ومكان العمل.
محرر موقع النيلين تابع ردود أفعال جمهور موقع التواصل فيسبوك الذين توقعوا أن يقضي هذا التمويل على ظاهرة العنوسة بالسودان.
خصوصاً وأن تجهيزات ومستلزمات الزواج أصبحت تشكل عائقاً كبيراً أمام الشباب الراغبين في الزواج.
ياسين الشيخ _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
ياخوي عنوسه شنو البيقضي عليها
80% من الشعب السوداني لايعمل في وظائف بمرتبات شهرية … دا كلام فارغ ساكت بالعكس كده حيعلي سقف المطالب اكثر واكثر بالذات لعمال اليومية ودا حيزيد العنوسه زي ماحصل فى السعودية والكويت والكثير من البلدان الأكثر ثراءا من السودان
الحل انو تخافو ربكم وتتكسرو العادات وتعملو زيي
انا اتزوجت الحمد لله ماعملت الكلام الفارغ دا كلو عملت صيوان ضخم واكلت الناس لحم صاح للمغرب الغدا شغال والباقي وديناهو الخلاوي .. وقلت ليهم انا ماجايب ليكم فنان اقعدو اتونسو فيكم الطولو من بعضهم ومن هناك ركبنا حافلتين اهل العروس جرتق خاص فقط للأسرتين وبقينا مارقين .. اي زول من الأهل يقول لي والله دا احلى زواج استمتعنا بيهو ومشيت شهر العسل بورتسودان .. مع علمكم انا الحمد لله عندي امكانيات امشي باريس واعمل عرس مافي سوداني عملو لاكين شفت اولاد اهلي واولاد حلتي كلهم لو انا عملت كده حتعب الشباب الوراي
والله الحمد لله بعدي بقت سنه حسنه فى الأهل نادرا ما يعملو صالة وحفله وكوشه وفنان وكلام فارغ
اتقو ربكم عشان ربنا يبارك ليكم وابدو حياتكم برضا الرحمن الصحابة كانو بتزوجو بربع وقيه ذهب وشاه وليمه واحيانا خاتم حديد ووسق تمر
السلام عليكم يا ولد البلد
انت ولد بلد وولد اصول ,, الله يبارك ليك في زوجتك واولادك واحفادك ,, ومالك وكل ما تملك في هذه الدنيا الفانية,, ويجعلك من الفائزين في الاخرة
.
انت فعلا قدوة حسنة لنا كلنا , ويا ريت الصالحين والصالحات من مجتمعنا تكون لهم الكلمة العليا دائما في مجمتعنا السوداني ,, لهدم العادات السيئة وبذخ ومظاهر لا تسمن ولا تغني من جوع
.
بارك الله فيك وكثر من امثالك
.
والسلام عليكم ورحمة الله
و أكلت الناس اكل صاح
سبحان الله بتمتن على الناس جات تشاركك فرحتك وترد ليك دينك ؟؟؟
اتعلم اسلوب الكلام :
قول والحمد لله عملت الربنا قدرني عليهو للناس …ما انت البتأكل …رب العباد البعمل كدا
تاني حاجة واعمل عرس مافي سوداني عملو؟؟؟
يخ والله الناس البتعمل اقل من عرسك دا عندها امكانيات تعمل عرس مافي خواجة عمله
لكن بس شكلك مستجد نعمة
على العموم فكرتك كويسة وسنيت سنة حسنة
ربنا يبارك ليك في عرسك
……..
التمويل دا ما حرام يا ناس ؟؟؟
وليه مانصح السودانيين بالزواج من جدة أو رياض
و خاتين صورة مونيكا ههههههههههه احلام زلووط
شئ مؤسف ان يقنن ويفتح المجال للبذخ الباب الواسع عبر التسليف ، هذا سيعقد الحياة أكثر وينهك الإقتصاد السودانى المنهك اصلا لان اموال البنوك لن تذهب إلى تنمية او إعمار بل إلى تبديد وصرف بذخى وتفاخر بين الناس وحسبنا الله ونعم الوكيل ، البنوك تسعى للربح السريع وتريد ان تجنى المكاسب باى وسيلة كانت حتى لو كانت فى هدم المجتمع والاسرة وسنة سنة سئية فى تحويل الشعب السودانى إلى شعب إستهلاكى فقط ، مشكلة العنوسة لا تحلها البنوك ولا مثل هذا ، تحلها التوعية والقوانين واللوائح ، فيمكن سن تشريعات تمنع إقامة الصرف البذخى والمبالغ فيه بل ومنع قيام حفلات الزواج فى الصالات والأندية وحتى يمكن ان تجبر الناس عبر اللجان الشعبية والمحليات على لوائح الزواج من ضمنها تحديد كم ومقدار الشيلة وغيرها وهذه ليست بدعة فقد حدثت فى قرى كثيرة فى السودان حيث يتكون لجنة من اصحاب العقول واصحاب الكلمة فى كل قرية لفرض شيلة بمقدار معين وإلزام العريس بعدم إستجلاب فنان للغناء من خارج القرية او المنطقة المحيطة تقليلا للتكاليف وإلزامه بسد مال معلوم ومقدر وإن أراد ان يكرم زوجته ويعزها فليعزها فى بيت الزوجية ويأتى لها بكل شئ فهو حر ، على الدول ان تتدخل لتوقف هذا العبث حتى لا يتحول لمرض ويستفحل ، عجبا للبنوك فى سوداننا تقوم بتمويل مشاريع كلها خصما على الاقتصاد السودانى فقد دخلت فى تمويل السيارات فأرتعفعت اسعارها اضعاف مضاعفة وكدلك البيوت والعقار بسببها صارت الارض فى الخرطوم اغلى من لندن وباريس ، لا بد للحكومة التدخل ووقف أى مضاربة تهدد امن ومعاش وحياة الشعب بالغلاء وخلق الفوارق وصناعة الطبيقية المقيتة وتبديل حياة الناس للسعى للمال باى وسيلة كانت وذلك لتواكب وتجارى الواقع الذى فرضته مثل هذه التصرفات الرعناء .
سبحان الله … يعنى تبدا حياتك بقروض بنكية ( ربا ) وكده … وبعد كده داير ربنا يبارك ليك .. هاك الترابه دى ياعريس السجم ..
عندي سؤال بسيط … لو المعلم ده بعد ماشال القروش واتزوج بيها واختلفو وطلقها قبل مايتمو سنتين … ح يكون المسكين ده بيدفع في باقي الاقساط وقلبو واقف …. الحكاية دي عن تجربة واحد صاحبي شديييييييد كان عاوز يشيل التمويل ده (التمويل ده ماجديد بيكون ليهو زي سنتين كده) … المهم بعد ما اقنعناهو انو مافي داعي وشفنا ليهو قريشات من هنا وهناك زواجو تم بدون ديون كثيرة … وشاء القدر انو يختلفو بعد سنة وشوية كده …. بقي كل مايلاقيني يضحك ويقول لي تتزكر التمويل والله كان اخوك سافي التراب لي هسه …
هذا حل عديم الجدوى لا يقضى على العنوسة لكنه فقط يحول تكاليف الزواج الباهظة من تكاليف نقدا الى تكاليف دين تكسر رقبة العريس فدا كلام فارغ والحل الحقيقي هو في الغاء كامل لكل هذه الطلبات في الزواج حتى يعم الخير الجميع العندو شهادة مرتب والماعندو وعشان ما يكون في واحد شايل هم الدين عمرو كلو وامامكم تجربة الزواج الجماعي التي لم تفعل شيئا في مشكلة العنوسة لان المستفيدين منها عدد محدود من الشباب لا يؤثر زواجهم على كم العنوسة الكبير الموجود وكان الانفع والاجدى هو ان يتعاون المجتمع على الغاء تكاليف الزواج كلية حتى يستفيد الجميع بدون فرز .
وبعدين ياتو مرتب البيكفي عشان الواحد يسدد منو الدين ويكفي منو باقي احتياجات معاشو وايجاراتو ؟؟؟
لا تدفنوا رؤوسكم في الرمال فهذا ليس بحل والحل الوحيد والانجع هو في الغاء كافة مطالب الزواج وعاداته العقيمة والمعطلة للشباب والمضيعة لطاقاتهم واموالهم فيما لا يفيد. اي شاب وشابة عايزين يتزوجوا بس لموهم علي بعض وبي ملابسهم اللابسنها ولا قرش ولا مليم وقولوا ليهم الله يسهل عليكم ودي البركة بتاعت رب العالمين زاتا .
والبنوك بس همها تمول وتاخد ارباحها يعني العملية بالنسبة ليهم تجارة ومن الافضل هذا التمويل يوجه للشباب لمشاريع انتاجية تحسن دخلهم بدل ان يصرفوها في الهواء يوم الوزواج بدون ان ترجع اليهم بعائد ويمكثوا السنوات الطوال يسددوا في الديون .
حركات البنوك دي هدفها الربح فقط ,,, باستغلال بشع للعواطف الانسانية,
دا زي واحد يجيك اقول ليك عربيتي بايظة وملجنة مرة واحدة ,, تقوم تديهو حق قماش كراسي و ارضية.
يعني الواحد لو ما عندو حق العرس ,, يقوم يبتديء حياته الزوجية بالسلف من البنك؟؟ يودي نفسه في داهية من اول يوم؟
,
الحل انه مظاهر الزواج من شيلة وفطور عريس وفنان و جرتق كلها تنشطب وتتلغي مرة واحدة ,, بالقانون عشان المفترين يعملوا حسابهم.
الناس مفروض تعمل وليمة — قدر ما يسمح الحال — زي ما عمل اخونا ولد بلد — ويخلى الناس يستمتعوا بنعمة ربنا ,, ويتونسوا مع بعض ,, بدون فنان او فنانة تنبح ليهم فوق راسهم…
,,
مشكلتنا الكبيرة انو بعض الرجال بقو خاضعين لبعض النساء ,, واقصد بكلمة بعض الكثير من الرجال بقو خاضعين للكثير من النساء ,, الا من سلم دينه من الرجال والنساء
الله يصلح احوالنا ويغفر لينا