رأي ومقالات

الضلع الرابع للدائرة


استاذ
اجازة نطلبها لانه
(1)
> فيروس النخيل.. ان كان حقيقياً فهو سعى متعمد لتدمير السودان
> ثم هياج

> وفي الهياج لا نسمع صرخة واحدة تدعو.. للمحاكمة
> والفيروس هذا ان كان دعوى كاذبة.. والشتول سليمة .. فالامر اذن سعي لتدمير اقتصاد السودان.. بمنع زراعتها
> وهياج.. ثم لا احد يصرخ يطلب محاكمة لمن يدمرون اقتصاد السودان
> واحراق الشتول.. أن كان عملا يتم (بعد) شهادة المعامل الدولية.. فهو شهادة ضد من جلبوا الشتول لتدمير اقتصاد السودان
> وان كان الحريق عملا يتم بعيداً عن شهادة المعمل فهو اذن عمل يصلح (غطاء) لشيء
> والحريق يصبح شهادة تقول ان جهة ما اخذها الخوف من ان اعادة الشتول الى الخليج عمل لعله يجعل الخليج يطلق شهادة المعامل الدولية.. التي تقول ان الشتول سليمة
> الشهادة التي تصبح شهادة ضد من يسعون لتدمير السودان
> وينجحون الى درجة تجعلهم يجعلون الدولة (غطاء) للجريمة
> ومعمل هولندا يقول ان الشتول وصلته (ميتة)
> والشتول هذه ان كانت ترسل وهي ميتة فهذا شيء تحته اشياء..
> ووزير الزراعة يعلن في مؤتمره الصحفي ان الرئيس هو من كان يطلب من شركة محترمة في الخليج ارسال الشتول
> و الوزير يقول ان الامر (مؤامرة)
> وطلب البشير.. ونظافة الشركة.. واتهام الشتول .. واحراقها.. خطوات تعني ان
> جهة ما.. تتغطى بسلامة الشركة صاحبة الشتول
> وتتغطى بطلب البشير
> وتتغطى بشهادة الوزارة عن (ان الخليج ليس به فيروس النخيل هذا).
> والجهة هذه تتغطى بالاشارات هذه لتجلب (شتولاً من غير الخليج.. شتولاً مصابة)
> كل هذا ثم لا نسمع صرخة واحدة عن .. محاكمة احد
> أستاذ
> نطلب اجازة لان الدوار الذي تفعله بنا حادثة الشتول والف حادثة أخرى تجعلنا نلطم يميناً ويساراً .. نلطم بحثاً عن محاكمة واحدة لجريمة واحدة.. ولا نجد
> ونلطم في عجز
> فنحن امس .. صباحاً.. نغرس اساننا في خطاب تكتبه دكتورة مرمر.. من جامعة الخرطوم وعضو لجنة فحص الشتول
> ولعلها بريئة!!
> ونحن امس ظهراً نغرس اسناننا في فتاة تتحدث من اذاعة جامعة الخرطوم
> والفتاة المسكينة.. التي ينقصها المراس في الاعلام.. حين تقدم وصفاً جغرافياً للسودان تقول انه
> شمالاً السودان تحده مصر .. (التي كان السودان جزءاً منها)!!
> وما بين القوسين يجعلنا نتصل بالفتاة المسكينة
> وعلى الهواء مباشرة نغرس اسناننا في عنقها
> استاذ
> نطلب اجازة.. حتى لا نغرس اسناننا نحن في عنقنا نحن
> ولا ننسى انه في الستينات .. الكاتب المصري فايز حلاوه قدم استقالته لرئيس التحرير انيس منصور
> والرجل يقدم استقالته ويقرر ان يجلس تحت كبري النيل شحاذاً لانه
> زهجنا يا رئيس التحرير .. قرفنا.. فترنا.. انكسر عقلنا ونفسناو..و
> والرجل يلعن سنسفيل الصحافة واليوم الذي ابتكر الناس فيه الصحافة و… ويستقيل
> وانيس يكتب اسفل الخطاب
> يرفض طلب الاجازة
> ويطالب بمقال غد
> والسيد حلاوه يجلس تحت كبري النيل ليبكي ويبكي
> ..و..
> كبري القوات المسلحة بي وين؟!

إسحق فضل الله
الانتباهة


‫6 تعليقات

  1. هاك اتعلم يا اسحق بدل الورجغة المامفهومة بتاعتك دي شوف البت دي ارجل منك واشجع منك بتقول الكلام عديل بدون لولوة ولا تخشى في قول الحق لومة لائم
    بتتذكروا اطفال كأس جيم بتتذكروا الاطفال السمر النحاف العادوا من بعد هزيمه في اخر دقائق وحققوا فوز كاسح وفازوا بي كاس جيم ؟ بتزكروا كيف بكوا وانفعلوا مع العلم السوداني؟ يااخي بتتزكروا المدرب بتاعهم؟ الكان قاعد في الارض عيونوا ما بتفارق الميدان وسبحتوا ما فارقت يدوا؟ المدرب الكان قاعد طرف الملعب وروحوا وعقلوا وقلبوا مع اللاعبين ؟،الاطفال الكانوا بجروا لي مدربهم بي شعور ابوي كل ما احرزوا هدف؟ ،بتزكروا انهم اخدوا مكافاءت وجوائز واسمهم اتردد في الاعلام مقرون بي اسم السودان؟ الاطفال ديل قاتلوا ولعبوا واجتهدوا واحرزوا كاس ،كانوا فريق حقيقي بي روح فريق تدربوا واشتغلوا وتعبوا واصبحوا فريق ، الكاس السنه دي اتلعب تاااني طيب المفروض شنو؟ المفروض الفريق الجاب الكاس دا يمشي يلعب لي عدة اسباب اولا دا حقهم لانهم من صنع المجد ثانيا” هم بقى عندهم خبره تأهلهم اكتر من غيرهم للفوز ثالثا الانظار كلها حاتكون مركزه على حامل النسخه السابقه يبقى لازم يظهر الفريق بي مستوى لائق ربعا دا حقهم دا حقهم دااااا حقهم الحصل انو الاطفال ديل بعد ما رجعوا من قطر ما وقفوا تدريباتهم نفس الفريق نفس المدرب مع اضافة بعض العناصر الجديده وقبل السفر بي كم يوم جاهم قرار انو ما حايشاركوا ،ليه ماحايشاركوا؟ السودااان ما مشارك صرف المدرب اللاعبين ولغى التمارين بعد كم يوم ظهروا اولاد بي فل سوت في المطار وساكاهم الصحافه وتصوير واهتمام عجيب، مع العلم انو كاس جيم الاول (الجابوهوا الاولاد السمر النحاف) اللبسه اللعبوا بيها الاولاد (السمر النحاف) كانت تبرع من بعض ابناء الجاليه السودانيه في قطر، سافر المنتخب المزور ولعب مباريات مهزله اتغلب عشششره من الكويت عشره يخوانا وهو حامل اللقب واتغلب تاااني تسعه مااا هم ما نفس الفريق، هم اولاد اشخاص ما ،متنفزين قادرين يسرقوا مجد اطفال (سمر ونحاف) بي كل قوة قلب ناس قادرين يسرقوا الفرحه من اطفال،فرحه صنعوها براااهم ،الفرحه دي صنعوها الشفع ديل ليه تسرقوها منهم بي اي حق؟ انتوا سرقتوا فرحة ومستقبل اطفال فائزين انتوا هزمتوهم انتوا علمتوهم انوا الحق بضيع ولو وراو مطالب انتوا سوقتوا اطفالكم الغير مستعدين ولا جاهزين وهزمتوهم شر هزيمه حملتوهم عار ما حقهم العار حقكم المحسوبيه والانانيه وسرقة فرحة اطفال مستحيل تولد ابطال دا بثبت لي شئ واااحد والله الغلط مافينا والله نحن بخير العله فيكم انتوا بتسرقوا كل شئ وترجعوا مدمر كما السكه حديد اجدب كما الجزيره فاسد كما التقاوي مهزوم كما فريق كاس جيم مسروق كما ابطال كاس جيم كل الكفاءت تتم اقالتها واحالتها للصالح العام والعام هو انتم ونحن الهامش لصالح فريقكم المزور كل مؤهلاتوا انو تبعكم معاكم حقكم والمصيبه نحن من ندفع التمن انتم من اخطاء وسرق وافسد ولكن لازلتم اسياد السلطه والمال كل يوم تزدادوا غنى ونفوذ ونحن نذداد فقر ومرض والم حكومة الانقاذ لا اجد تعبير يصفكم اكتر من انتوا فقر وجبتوا لينا الفقر ما ان تضعوا اصابعكم على شئ حتى يتحول الى كارثه وهزيمه #ارحلوا شاهيناز القرشي

  2. شكراً لك ياشيخ اسحاق لقد تحدثت بما رأيته في منامك ولكنا قومكه لايفهمون إلا بعد خراب مالطة
    واما الشتول فقد اتت مصابة من مصدرها ومصدرها يقول بأن شتولهو سليمة
    ياتري من الصداق ومن الكاذب هل العلماء الذينا اجرو الفحص غير مؤهلين وقالو انها مصابة ام الذينا قبضو الثمن وادخلو هذه الشتول اخفو الحقيقة

  3. معقووول كلام اب لمبة ده حصل.. واسوداناه وامصيبتاه .. والله الموضوع عايز ثورة حقيقية على هذا الفساد العفن ان صدق اب لمبة.. بس كيف السبيل لمعرفة الحقيقة؟

  4. شاهنياز القرشي من وين ليك المعلومات دي كلها.. نورونا …

  5. كلام اب لمبه صاح وحقيقه ؟؟؟ هم جماعه اسحق سرقوا افراح الشعب السوداني يغلبم سرقه شفع وكورة