فضيلي ود عمك حسن..!!
كيفن نلوم نحن الزمن..؟
نشكيهوا نلعن في الظروف..
القصة أبداً ما زمن..
لا اتسببت فيها الظروف..
القصة خوف..
من بكرة والظن ما حسن..
في رب رحيم إسمو الرؤوف..
ياريتنا نحسِن فيهو ظن..
الخالق البارئ العطوف..
أرزاقنا عندو اتقسمن..
من قبلِ ما نسمع نشوف..
شماعة الزمن الظروف..
بدري اتملت..باتت تعاني من الوقوف..
يا سيدي هداها الوهن..
من الزمن..زمن المحن..محن الزمن..
من الفتن..
فضيلي ودعمك حسن..
كان أحلى شاب..
فنان يموسق في الحروف..
معانا قاعد في العقاب..
حارِس الأم الرؤوم ..حارِس رباب..
أبوهوا تاه في الاغتراب..
رافض يعود من تاني يرجع للوطن..
مرت سنين لا رسالة منو ولا جواب..
فضيلي ذاتو حليلو غاب..
مع شلة من أسوأ الصحاب..
الشيشة دُخان والشراب..
يسرق يبيع للبنقو يقبُض في التمن..
باع العفش ماخلى باب..
الوالدة ماتت بالعذاب..
إسبوع كمان رحلت رباب..
مسكينة ضاعت بالحَزن..
فضيلي فارق للشباب..
نهايتو كانت اكتئاب..
مجنون صِبح ضاع الشباب..
كيفن نلوم نحنا الزمن..؟
بلا أقنعة – زاهر بخيت الفكي
صحيفة الجريدة
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة