مداراتمنوعات

فيديو لحاكم الخرطوم يصور استعراض“صقور السعودية” في سماء الخرطوم يحقق انتشار خرافي


حقق مقطع فيديو يوم الأربعاء، لوالي العاصمة السودانية الخرطوم عبد الرحيم محمد حسين إنتشاراُ واسعاً وهو بصور عبر جواله الخاص القوات الجوية السعودية، وهي تقدم عرضاً عسكرياً جوياً في سماء الخرطوم، وتمت العملية ضمن فعاليات مناورات “الدرع الأزرق” بين السودان والسعودية.

ويلاحظ في الفيديو المرفق أن حاكم الخرطوم ليس لديه حراسة مشددة كعادته وعدد من المواطنين بالقرب منه.

وقال والي الخرطوم،عبدالرحيم محمد حسين بحسب ما قرأ محرر موقع النيلين في موقع قناة ـ”الشروق”، إن العرض العسكري السعودي بالخرطوم يجيء امتداداً للعلاقات المتطورة التي تربط الخرطوم والرياض.

وأشار الوالي إلى أن المناورات العسكرية التي جرت بمروي بالولاية الشمالية “الدرع الأزرق”، تعتبر الأولى من نوعها في الأراضي السودانية، مضيفاً أن هناك عدداً من التمارين المشتركة تمت بين البلدين في مجالات مختلفة.

الخرطوم/معتصم السر/النيلين


‫32 تعليقات

  1. الزول دا عقلو صغير بشكل. نوع من الهطالة التي لا تخفى على أحد. بعدين تعالو ياناس النيلين، حاكم دي شنو الشبكتو فيها دي؟؟ دا حتى كلمة والي كتيرة عليهو.

  2. هههههههه
    اللمبي يا عسل انت
    أي ديل ذي الطيارات الضربت في الكلاكلات وقل عليها النور كان طافي ،الله ينور أنوار عقلك
    كلها كم يوم والحكومة الجديدة تجي ونوديك المتحف
    الله غالب

  3. متحف وين يا ود النيل . دا خازوق ما بينفك مننا . دا فردة الرئيس . لو شالو من هنا يختو في حتة تانية .

  4. كنت ابحث عن العرض فقدم لنا الموقع مصور العرض وهو يصور…
    في هبل وعبط اكتر من كدا..
    طيب ما كان تجيبو صورة لمن صور مصور العرض

    1. هههههههههههههههههههههه هااااااااااااااااااااااااااااااااااااااااي

  5. الرجل رغم أنه عسكري، مهندس طيران، وزير دفاع، وزير داخلية، والي، فإنه يتصرف على طبيعته الخالصة.. أحسن من ناس الواحد يعينوه معتمد في آخر الدنيا ومباشرة يركب مكنة نافع علي نافع..
    بعدين الراجل عمل حركة خلف دور بسرعة الطائرة والرادار مايقدر عليها ،مبسوط شاف طيارة بالنهار وما وقت صلاة غير أن القلاكسي فيه إمكانية زووم قوية خليه يجرب يستفيد من التقنية شوية..

  6. لم يكن هناك داعٍ للنشر، إذا كان هناك من تميز بصغر العقل يا معتصم السر، فأين عقولكم أنتم؟؟؟!!! المهم فقط خبر واسمك عليه؟؟؟!!!

  7. اب لمب !! !!!
    وأنت انسترت لمن العصيان الفاشل بتاعك
    فشل؟ ؟؟؟
    يا راجل اختشي واختفي احسن لك لأن تاريخك غير مشرف وما خفي أعظم وسيأتي وقت كشفه لأن كل شيء عنك مسطور

  8. فعلا ياناس الموقع اثبتوا انكم اكبر معارضين بجدارة كل شيء قبيح عن الوطن تنقلوه وتنشروه وكل شيء ضد الوطن تنقلوه وتنشروه وكل شيء يسيء للوطن تنقلوه وتنشروه وكل شيء فيه فتنة للوطن تنقلوه وتنشروه وكل شيء مافيه خير للوطن تنقلوه وتنشروه ومع العلم ماحصل يوم من الايام جبتم خبر من جيران السوء المصريين نهائي رغم الاحداث الحاصلة عندهم وهذا اكبر دليل على ان هذا الموقع مصري وجاسوس لحكومة مصر .. حسبنا الله ونعم الوكيل .

  9. يقال انه ابو لمبة من بقايا اعضاء الراكوبة
    والله مع اني لا اعلم عن موقع الراكوبة هذا شيء ولكن من اسمه بغضته والحمدلله انه قفلوه وعقبال للمواقع الاخرة !!!!

  10. ام خااد و مواطن
    ابشركم بسقوط الانغاز قريبا و محاكمة كل من شارك فيها

    1. يا اخي انت اظنك ما سواداني اسمها الانقاذ
      بعدين انت راكب موجة ناس عرمان وعقار وعبدج الواحد ومحاكمة كل من شارك فيها ..ودا دليل انك انسان بسيط الجنائية ماقدرت تحاكمهم عايز انت يا معيط تحاكمهم .. نافع قال ليم الحس كوعك

  11. اناااااااااااااااااااااااا اشوك انو عقلو سليم الزول داء

  12. ام خالد ومواطن شكلكم قرايبه ومريحكم بقروش الحرام
    لن يستمر هذا طويلا

  13. ألا أخبر لديك أبا ريالة
    ما أنت من الرجال ولا رجالة
    اذا لبس الكاكي كان قردا
    وخنزيرا اذا لبس العمامة
    ورثت ريالة و ورثت غباء
    كذاك الغباء تتبعه الريالة

  14. لولا عشوائية انقلاب الانقاذ لكان مكان هذا الشئ معهد سكينة مش يتحكم فينا..
    ام خالد..انتي سودانية بالله وحاسه بوطنك والحاصل ليهو؟؟ لسه بتدافعي عن الطاغوت؟ نسأل الله ان يحشرك مع هؤلاء الذين تحبين

  15. اذا انت يا ام خالد بتحبي الوطن حقيقة لا نفاق كان يجب ان تطالبي باقالة أب ريالة هذا لانه يسئ للوطن بغبائاته المستمرة و فساده
    ولكنك دجاجة الكترونية كاك كاك كاك
    وجاية كمان بكل قوة عين تبتزي القائمين على موقع النيلين بطريقتك الفجة هذه و تخرصيهم
    اخرصك الله يا حمالة الحطب

  16. انا اعتقد انو الزول دا وطني لكن اسلوبو تعبان يحتاج دروس في التعامل مع المواقف . بعدين يا جماعة مهما كان برضو نقول عليهو مننا وما بنرضى ليهو الكلام الشين . على العموم انا افضل ان يقال له ابلغوفة بدلاً من ابريالة . لان الريالة حقت الاطفال .

  17. اناﻻانتمي لاي حزب لكن والله مقهورمن الحكومه دي في هذا الشخص ونسال الله ان يسامحنا في حقه لواخطانا عليه ولكن هذا الشخص ﻻيستحق ان يولي اي منصب مماوولي

  18. لوماكان في عهد البشير كان بكون في حتة تانية سياسة الملح والملاح

  19. دولتين اسلامتين وعربيتن هذا الذي يبحث عنه الغرب . اللمبي يصور الإرهاب

  20. نتعامل معاه زيه وزي اي مواطن حاضر العرض مع انه عنده المقدرة يطلبه من سجلات وزارة الدفاع او تسجيلات التلفزيون كامل لكن الراجل يا جماعة مارس هوايته وعايز يكون انسان عادي زيه وزي محمد احمد يشاهد ماصوره هو ..ايه المشكلة

  21. انسان نشط ويعمل في صمت وغير كدة رجل نزيه جدا ومتواضع هذه شهادة حق وهو رجل عفوي وتلقائي بس الموقف ده زكرني بالنور كان طافي لما الطائرات الاسرائلية ضربت مصنع الذخيرة