زواج سوداناس

لوشي تطالب أصدقائها بالدعاء وتقول: (انا مبسوطة جداً لان سودانية24 بتبني في شخصية “الاء المبارك” وليس لوشي)



شارك الموضوع :

قالت الحسناء السودانية آلاء المبارك الشهيرة باسم لوشي (كلنا بنغلط وجل من لا يُخطئ ، ومش عشان انا لوشي يبقى مفترض أبقى بيرفكت في اي حاجة)

وكتبت لوشي يوم الخميس (عارفين احلى حاجة في الدنيا لما يكون حواليك ناس يدوك دافع عشان انت تمشي لي قدام وتحقق ذاتك حتى لو كان الدافع دا مجرد كلمة وحدة بس، رمضان الفات كان نقلة كبيرة بالنسبة لي أتعرفت فيه على أشخاص نعمة بحمد ربنا مليون مرة عليها).

وأضافت لوشي بحسب ما نقلت عنها محررة النيلين (بالاضافة لانضمامي لأسرة قناة سودانية ٢٤ لانها اتاحت لي فرصة عشان أوصل صوتي لي كل الناس تجربة جديدة وغيرت من شخصي كثير واكتسبت كثير من الأشياء كثير من الثقة والقوة كمان).

وأوضحت لوشي (انا مبسوطة جداً لانها بتبني في شخصية “الاء المبارك” وليس لوشي ،الدنيا عبارة عن مدرسة وكل يوم بتاخد درس جديد ولازم تتعلم).

وقالت لوشي بحسب متابعة محررة النيلين (طبيعي اي شخص من ما يتولد بيبدأ يتعلم شوية شوية، وانا إتعلمت ولسه بتعلم وطلب العلم ماشي مخجل بتاتاً، ومهما عرفت حاجة وكسبت شي ماحوقف وحعمل جاهدة اني أصل للحاجة الانا عاوزاها).

وأضافت لوشي (حابه اقول حاجة بسيطة لأي شخص اساء لي .. كلنا بنغلط وجل من لا يُخطئ ، ومش عشان انا لوشي يبقى مفترض أبقى بيرفكت في اي حاجة لا ، انا زيي زي اي شخص بدأ في مسيرته من الصفر 👌🏻).

وختمت لوشي (بتمنى دعمكم ، وقفتكم معاي ولو بي دعوة في ظهر الغيب، انا ماعدو لشخص كلنا في الدنيا دي سواسية ومصيرنا واحد في النهاية والكلمة الطيبة جواز سفر ❤️، دُمتم أحبتي ❤️).

يشار أن آلاء مجدي السيد أحمد المبارك، ابنة خبيرة التجميل سوسن الخفجي، ولدت بالمملكة العربية السعودية وأكملت مرحلة الابتدائي والثانوية هناك، ثم انتقلت وعائلتها إلى السودان لدراسة الجامعة، (لوشي) هو اسم الدلع ل الاء المبارك وانتشر حتي اصبح اسم الشهرة، وحققت لوشي شعبية واسعة على شبكات التواصل حيث يتابعها أكثر من 300000 شخص على منصات مختلفة وأصبحت مقدمة برامج على فضائية سودانية 24.

ريم منصور

شارك الموضوع :

تعليقات الفيسبوك

تعليقات


أضف تعليق

لن يتم نشر عنوان بريدك الإلكتروني. الحقول الإلزامية مشار إليها بـ *