عبرت الإعلامية السودانية الشهيرة آلاء المبارك عن سعادتها الكبيرة بانضمامها لقناة سودانية 24.
وظهرت “لوشي” بانضمامها لأسرة القناة الوليدة التي ساعدتها على الظهور الإعلامي الذي مكنها من توصيل صوتها لكل الناس.
جاء ذلك عبر كتاباتها على صفحتها الرسمية التي يتابعها محرر موقع النيلين عبر موقع التواصل الاجتماعي فيسبوك.
حيث قالت المذيعة الملقبة في مواقع التواصل بالحسناء:”
عارفين احلى حاجة في الدنيا لما يكون حواليك ناس يدوك دافع عشان انت تمشي لي قدام وتحقق ذاتك حتى لو كان الدافع دا مجرد كلمة وحدة بس
رمضان الفات كان نقلة كبيرة بالنسبة لي أتعرفت فيو على
أشخاص نعمة بحمد ربنا مليون مرة عليها
بالاضافة لانضمامي لأسرة قناة سودانية ٢٤ لانها اتاحت لي فرصة عشان أوصل صوتي لي كل الناس
تجربة جديدة وغيرت من شخصي كثير واكتسبت كثير من الأشياء كثير من الثقة والقوة كمان
انا مبسوطة جداً لانها بتبني في شخصية “الاء المبارك” وليس لوشي
الدنيا عبارة عن مدرسة وكل يوم بتاخد درس جديد ولازم تتعلم
طبيعي اي شخص من ما يتولد بيبدأ يتعلم شوية شوية
وانا إتعلمت ولسه بتعلم وطلب العلم ماشي مخجل بتاتاً
ومهما عرفت حاجة وكسبت شي ماحوقف وحعمل جاهدة اني أصل للحاجة الانا عاوزاها
حابه اقول حاجة بسيطة لأي شخص اساء لي .. كلنا بنغلط وجل من لا يُخطئ ، ومش عشان انا لوشي يبقى مفترض أبقى بيرفكت في اي حاجة
لا ، انا زيي زي اي شخص بدأ في مسيرته من الصفر 
??
بتمنى دعمكم ، وقفتكم معاي ولو بي دعوة في ظهر الغيب
انا ماعدو لشخص كلنا في الدنيا دي سواسية ومصيرنا واحد في النهاية والكلمة الطيبة جواز سفر.
دُمتم أحبتي”.
محمد عثمان _ الخرطوم
النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
البت دى بالضبط كدا دايرة شنو ؟؟؟؟ قديتونا بيها كل يوم .. هاتو من الآخر..
S24 تبحث عن آلاء المبارك.. والنيلين تصنع لوشي..
جهة ما تروج وتسوق لها رغما عنا وربما عنها أيضا!!..ورغما عن أزمات الوطن..
وهو استغلال الجمال الرباني لمداراة القبح الإنساني الذي يطل من منافذ كثيرة..
القبح الذي صنعه سارقو الأوطان..في وطن السماحة والأخلاق..
والله نحن زااااتو بنسخن لما نشوفك مع التجميد الحاصل لكل الانشطة في البلد دي
ربنا ينجحك وإنت لسه في بداية الطريق بس خليك من الصور الخليعة دي
بنت رقيقة جدا بس الله يجازي كابوس ابوسنون مكسرة