البنك المركزي يعلن سعراً تأشيرياً جديداً للدولار
أعلن بنك السودان المركزي أمس (الخميس)، احتساب سعر تأشيري جديد للدولار ابتداءً من بعد غد (الأحد)، وتوقع خبير اقتصادي أن يكون سعر الدولار الرسمي (18) جنيها زائدا حافزا في حدود (80 % ـ 90 %) ليقترب من سعر السوق الموازي.
واعتبر الخبير الاقتصادي محمد الناير في تصريح لـ(سودان تربيون) الخطوة “شبه تعويم أو تعويم جزئي للعملة المحلية”.
وبحسب منشور لبنك السودان المركزي صادر يوم أمس (الخميس) فإنه “اعتبارا من يوم الأحد وفي إطار سياسة سعر الصرف المرن المدار سيقوم بنك السودان باحتساب السعر التأشيري باستيعاب حافز استقطاب تحويلات السودانيين العاملين بالخارج وتشجيع الصادرات في السعر التأشيري والأسعار المعلنة للبيع والشراء بواسطة البنك المركزي والمصارف وشركات الصرافة”.
وأضاف المنشور الذي تلقته (سودان تربيون) أن بنك السودان سيعلن السعر التأشيري المحتسب والنطاقات حوله يوميا على موقع البنك المركزي. وطالب المصارف بتحديد وإعلان أسعار البيع والشراء للعملات الأجنبية داخل النطاقات المحددة حول السعر التأشيري المعلن.
(اليوم التالي)
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
السعر التأشير ي ١٨
الحافز ٩٠ في المائة يعني ١٧ تقريبا
يعني السعر ٣٥ جنيه للدولار اغلى من السوق الموازي الآن
ي مدير البنك المركزي ي شاطر ناس الموازي سوف يرفعون السعر إلى ٥٠
والايام بيننا
سياسة فاشلة سياسة التعويم
الحل ي أستاذ الرجوع إلى التحويل الإلزامي
فرض التحويل الإلزامي على المغتربين
يحدد مبلغ معين يتم تحويله عن طريق البنوك الوطنية
اي مغترب عاوز يجدد جوازه يجيب إيصال التحويل الإلزامي تبعه هذا هو الحل الاسهل والأضمن
بنك السودان بقي ماعارف يعمل شنو .. كل يوم منشور وقرار جديد وهذا يطلق عليه ( التخبط الاقتصادي )
والنهاية الحل واحد فقط لاغير ( الإنتاج ثم الإنتاج ) وإنتاج علي مستوي عالي من الجودة وسعر ينافس السوق العالمية
وهذا حل يحتاج لسنين طوال اذا صدقت النوايا وابتعدت عن المصالح الشخصية ..
غلبنا البنسويهو معاااااااكم
كل يوم تخبط في تخبط
يعني قروشنا دي تاني نبلها ونشرب مويتا
دا كلاااااااام شنو دا
رجعوا الجنوب يا وهم باي طريقة كانت
حرامية والبترول كان مغطي عليكم
اول ما طلع من الميزانية انكشفتوا
الله يكشف حالكم زي ما ضيقتوا علينا
يا ابو عثمان اذا بتضمن لينا انو التحويلات بتاعه المغتربين بتدخل خزين الدوله (ودى ما اظن تحصل) نضمن ليك انوا النحويلات تكون عن طريق البنك المركزى والصرافات السودانيه ….وبخصوص الخدمات من تجديد الجواز وخلافه فيكفى انها بتكون بالعمله فى بلد السفاره او بمعنى هى اساسا بالعمله لكن الزام وهرش وقلع دا الخلى المغتربين يتخارجو من السودان …يعنى الفرق شنو بين تفكير المواطن وتفكير الكوز …؟. غايتوا نحسن الظن فيك ونقول ما كوز
كلام الطير في الباقير كل يوم منشور جديد
كم مرة قالو الكلام دا ما نفزو فيو شي والحياة ماشة لي اسوا من كدا زيادة فايتة الحد كلهم فاشلين جنرلات ماعندها موضوع
السياسه فاشله من الاساس
والمواطن ضايع في كل الحالات بين السوق الاسود والحكومه
لْـۆ صرحت الحكومه للتجار العمالات بالاعدام شنقنا لصار الدولار عند الحكومه فقط
نطالب بالحكومه اعدام اي تاجر عمله العبره لمن انزر