سياسية
برلمانيون: الأجانب سبب جوع سكان العاصمة
طالب نواب بتشريعي الخرطوم بفرض رسوم على الأجانب في الولاية، ففيما نبهوا إلى وجود (3) ملايين أجنبي من دولة واحدة فقط بالخرطوم، قالوا إن الأجانب سبب (جوع) مواطني الولاية
ويشاركونهم في صحتهم وتعليمهم ومعيشتهم. وطالب النائب أحمد علي محمد في جلسة التشريعي أمس بإعطاء مواطني الخرطوم بطاقة تموينية تميزهم في الحصول على السلع الاستهلاكية عن الأجانب، وقال: (على حكومة الولاية أن تفرض رسوماً زائدة عليهم، فالأجانب يتمتعون بما يتمتع به مواطنو الولاية)، وشدد على ضرورة وضع حد لمشاركة الأجانب مواطني الولاية في خدماتهم الأساسية.
الانتباهه.
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
وين الخدمت الأساسية المجانية
الجوع سببه ارتفاع الاسعار و قلة دخل المواطن المسكين
فعلا تلاته مليون اجنبى مؤتمر وطنى داخل الخرطوم هم سبب مشاكل السودان ليست فقط الولايه نسأل الله ان يجعل كيدهم فى نحرهم ويرينا فيهم بأسه ويجعل اموالهم واولادهم عزابا لهم
والله كدا ربنا يشيل النعمة الباقية دي. بقيتو زي السعوديين تقولو الاجنبي اخد فلوسنا والاجانب والاجانب؟ دي ارزاق واي زول بي رزقو. امكن ربنا راحمنا من بلاوي بسبب وجودهم معانا. تاني حاجة لازم تفهما ياغبيان يافاشل…مهما كان عدد الاجانب فانتم فاشلين ومامنكم فايدة وحزب ما محترم ورئيس محاط بأغبياء وحرامية وتعبو كلو في الفاضي. اشتغلو اقتصاد صاح بتمشو صاح.
فعلا حاجة تخجَل أن يصدر هكذا تصريح من داخل البرلمان…
الهجرة إلى العاصمة عرفناها منذ نعومة أظفارنا والأسباب نعرفها ودرسناها حتى فى مناهج التعليم والسبب هو سؤ التخطيط الإستراتيجى والتوزيع العادل للفرص الإقتصادية والثروة والخدمات. كل شئ مردوم فى العاصمة: التعليم….العلاج…الخدمات بأنواعها…حتى وسائل الترفيه على سؤها لاتجدها إلا فى هذه العاصمة المنكوبة. فى الدول الراقية يهرب الناس من المدن الكبيرة إلى الريف لينعمو بشئ من الراحة النفسية والجسدية. عندنا فى حالة الخرطوم العكس.
الحكومة هى التى ساهمت فى خلق هذا الوضع المزرى ببيعها كل الأراضى حول ولاية الخرطوم حتى تلاشت حدود الولاية ولامست حدودها ولاية الجزيرة وهى التى ساهمت فى هجرة سكان الجزيرة للعاصمة مما أدى لتدهور المشروع. 50% من سكان العاصمة سماسرة و30% حرامية والعشرين الباقين من النساء والأطفال الذين لاناقة لهم ولاجمل فى هذا الوضع.
انا اؤيد هذا الكلام المفروض ان كل مواطن سوداني ياخذ بطاقه تموينيه بسعر مخفض والمفروض ان تفرض رسوم على الاجانب
Zuhra ومحمد احمد..الناس ديل غلبهم البسوهو..هو الاجنبي قاعد شحاد؟ ما ياهو شغال اكتر من اولادهم المتسكعين في شارع النيل..اخير نسكت
ديل برلمانيين فاشلين ليس الا .
كلام صحيح مية في المية..اكتر من 15 مليون اجنبي من اثيوبيا وارتيريا وتشاد ونيجيريا وجنوب السودان وسوريا..المشكلة انو البلد هاملة وسايبة مافيها تنظيم للوجود الاجنبي يعني مثلا اي دولة في العالم فيها اجانب لكن عددهم معروف ومسجل وميزانيتهم معروفة.. يعني اي شي بقياس..لكن في بلدنا الفوضى دي مافي زول عارف عددهم كم وميزانيتهم كم.. والبقول انهم م اثرو علي معايش المواطنين بكون بجافي الحقيقة.. لانهم بستهلك معانا السلع الاساسية وكذلك الايجارات زادت زيادة كبيرة بسبب الاجانب وفرص العمل قلت بسبب الاجانب..الحكاية بقانون السوق عند زيادة الطلب ع المعروض يزيد الثمن.. طبعا دا جزء من المشكلة وليست كل المشكلة فهناك الفساد وضعف الانتاج والجيش الجرار من المسوؤلين بمخصصات ضخمة بالاضافة لسوء التخطيط والتخبط المستمر في سياسات الدولة وخاصة في الاستثمار لان هناك جبايات واجراءات طويلة وكثيرة تنفر المستثمرين.. وكذلك قل الانتاج بسبب الجبايات الكثيرة ع المصانع والمزارعين مم انعكس ع الانتاج الزراعي والصناعي..
نسال الله العلي العظيم ان تصحو ضمائرنا كمواطنين وكحكومة وكتجار وكملاك مصانع وان نراقب الله في افعالنا وان لا ننسي ان يوم الحساب ات لا محالة..
ليس الاجانب السبب . تهريب السلع وبيعها في أريتريا وجنوب السودان وتشاد اقفلوا الحدود فقط وخلال أيام سوف تتوفر السلع