هاجمت الإعلامية السودانية رفيدة ياسين رجل الأعمال السوداني الهندي عز الدين مالك صحيفة المجهر التي نشرت خبراً عن رفيدة تحت عنوان (مذيعة سودانية تتحول إلى (عارضة أزياء) .
مذيعة سودانية تتحول إلى (عارضة أزياء)
ويعود اصل الحكاية ،الى ظهور رفيدة ياسين بإطلالة جديدة ورائعة بقيامها بحملة للتعريف بالثوب السوداني حيث نشرت عدداً من الصور وهي ترتدي الثوب السوداني، وكتبت بحسب ما نقلت عنها محررة النيلين (يا بلدي يا حبوب..أبو جلابية وتوب، التوب السوداني الزي التقليدي للمرأة السودانية، سودانية وافتخر).
السودانية رفيدة ياسين تعود باطلالة جديدة وتهز عرش جميلات فيسبوك.. التوب فيك حلو حلا.. 7 صور
وكتبت رفيدة يوم الثلاثاء بحسب ما نقلت عنها محررة النيلين ( انا عن نفسي مستعدة اتوسط عند الCEO بتاع بيريل عشان ارسل كميات لناس التليسكوب ديل وعليهو مني توب هدية لوازم لجلسة الصالون الجاية)، وأرفقت منشورها بصورة لخبر المجهر الذي وصفها بالتحول لعارضة ازياء، وهي تعني دون أن تصرح بالإسم الكاتب والصحفي الهندي عزالدين وقصة مقالاته عن مدير المخابرات صلاح قوش، حيث مدحه مؤخراً بعد إعادة تعيينه وسبق أن إنتقده أيام عزله وإدخاله السجن، وذكر الهندي في مقاله الأخير أنه إجتمع قبل فترة مع قوش في صالونه.
وواصلت يوم الثلاثاء رفيدة حملتها ونشرت صوراً جديدة وهي ترتدي الثوب السوداني وكتبت (والسلام يملاها يطلع من هنا..والحمام يتشابى.. بلدا هيلي نا… التوب أيقونة حواء السودان زي المرأة السودانية).
وكشفت رفيدة من خلال التعليقات أنها تركت العمل بفضائية إسكاي نيوز منذ عام، وتعمل الأن بقناة العربية، وطلبت أن يتم إخبار الهندي بذلك وكتبت (مسكين ? الله يشفي الحالة الهندية المستعصية، انا مسامحة ومتعودة) ودعمها أصدقائها في موقفها من الهندي.
ومن التعليقات (خلاص بقيتي انتي و صلاح قوش واحد)، فردت رفيدة (بري مالي ومال صوالينهم دي انا والشبهات انا بس دعم انساني ممكن ارسل توب وشملة لقالب لونين الهرّاش ده، وانا بما انه توبي اثار اعجابه متبرعة جدعنة مني ساكت بتوب وفركة وشملة للقاءاته الجاية).
ريم منصور/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
البلد كلها بقت إسفاف
تسلم يا حازم اصبت كبد الحقيقة –
من رئيسها لخفيرها
قليلة أدب وسفيهة أريتها لو كانت عارضة أزياء بس
هههههههههههههههههه … قذيفة ار بي جي في مؤ….رة الهندي
هو الوداهو يهبش شنو لكن زي مابقولو معذور ….
الهندي عز الدين بقيت مسخرة … لسبب واحد لانك غير محترم …
دا نهاية عدم الوعي الثقافي ونهاية ادراك مهمة الصحفي والاعلامي .. وكلاهما يعمل في المجال ولكن يحتاج لكثير وكثير جدا من التعليم
قمه السخف وعدم الحياء …..لا اتدخل فى التربيه ولكن حواء السودانيه ثوبها الحياء والملابس لا تعنى ولا تغنى
لا تعليق
خلي عندك ادب وشيل الكلام الجارح من الاسم
قوية يا رفيدة
كدا انتي حافظا تاريخو بس نسيتي ما ترسلي ليهو طلح
مافي داعي امشي سوق ام درمان خلي ال package اكون كامل
بس اعتقد ماكان استحق دا كلو انتي كايسا ليك سبب معاه بس
عموما من حقك توريهم العين الحمرا بس ظللي قزازك كويس
ههههه والله انتي ارجل من الهندي — اصلو الفيهو معروفة
زمان لي صديق بالجنوب روى لي قصة القصة تقول في واحد بيسال قال ياجماعة النسوان بتاعين الكازيوهات ديل بيلدوا بينجبوا واحد قال لا واخر قال نعم وشب غلاط رد اخر قال ليهوا اذا بولدو عيالهم وين واحد ممقوص وزعلان من السواقين قال ليهم السواقين ديل اولاد منو …. هسع دحين ظهرت حالات كثيرة لفتيات يقال سودانيات وفجاة يظهروا وبقوة انا عندي سؤال يا اهل الاعلام وياموقع النيلين البنات ديل ابوهم ياهو منو واخوانهم وعمامهم ومن ياتو قرية مسقط راسهم بالسودان ولا نحن دخلنا في جيل من انتاج المايقوما .. استغفر الله العظيم زمن الرويبضه اشبه اذا لم يكن هو
حسبيي الله ونعم الوكيل
زمان الواحدة ما بتقول زي الكلام ده حتى في غرفة النوم مع زوجها…
اللهم لا نسألك رد القضاء ولكنا نسألك اللطف فيه…
حسبي الله ونعم الوكيل…
قمه الانحطاط وتردي الاخلاق
بالعامية كدا… اتلم المتعوس علي خايب الرجاء. ..
الهم لا تواخذنا بما فعل السفهاء منا
لا البت عندها حياء وادب
لا الولد عندوا….. اي شئ
ليس كل من يقرأ و يكتب بمتعلم
وليس كل من يكتب بصحفي
وليس كل صحفي بكاتب
نقول شنو مافى كلام
حيبى اللة ونعم الوكيل
نقول شنو مافى كلام
حيبى اللة ونعم الوكيل-اكيد دى كوادر قناة العربية
اللة اعلم
الهندي عزالدين لو عاوزين تعرفوه كويس أرجعوا لفيديوهات ساره منصور & تراجي مصطفي …
كلام تقيل البت دي قصدها بالكلام ده شنو يعني والله الزول المقصود الدخلته مامرقت يلقاها من شكسبير ولامن رفيدة
ما اجمل حواء السودان عندما تكون في بيتها ولا يعلو صوتها . . ما اجملها عندما يكون ثوبها الحياء و فركتها طرحة تغطي الوجه وشملتها حشمة يغنى عليها اللحو .
التحية لحواء السودان
وطلحها شنو ؟؟
وووووب علينا وووا حوالينا
كررررررر علينا
اعوذ بالله من الانحطاط الاخلاقي الرجالي والنسائي
لك الله ياسودانا
الهندي الوداك تهبش النسوان شنو الواحد مرتو بخاف من لسانا
برافو عليكى رفيدة عشان تانى ما يهبش ليهو زول
في حاجة الناس لازم تنتبه ليها…
رفيدة كتبت الكلام ده في الفيس وليس صحيفة او صرحت بيهو في تلفزيون.
والتصريح في وسائط التواصل مش زي التصريح في الاعلام الرسمي… اللغة تختلف والتحفظ ينتفي