ينعقد يوم (الأحد) 13 مايو الجاري إجتماع عاجل للمكتب القيادي للمؤتمر الوطني الحزب الحاكم في السودان وذلك قبل موعده المحدد بأيام.
ويعقد المكتب القيادي اجتماعه يوم الأربعاء كل أسبوعين، إلا أن الدعوة لأعضائه تمت في وقتٍ متأخر من مساء يوم السبت.
وبحسب معلومات (باج نيوز) إنه تم دعوة الأعضاء البالغ عددهم (45) عضواً، لحضور الإجتماع، لمناقشة “الوضع الإقتصادي الراهن” و “أجندة أخرى”.
ومن المتوقع بحسب المصادر أن يشهد الاجتماع تعديلاً وزارياً في حقائب المؤتمر الوطني فقط، وذلك بعد أن راجت أنباء في وقتٍ سابق عن تعديل حكومي شامل.
وتقول لائحة المؤتمر الوطني إنه من اختصاصات المكتب القيادي إجازة “أعضاء الحزب” المرشحين للمواقع الدستورية والتشريعية.
ويحق للأعضاء الرفض أو القبول، دون ترشيح أسماء، باعتباره حقاً خاصاً برئيس الحزب.
الخرطوم: باج نيوز
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
السلام عليكم يا اهلنا ف السودان
امس مهاتير محمد فاذ بالانتخابات وقال ح اشكل حكومه من 10 وزراء فقط نبقي مصريين ونقول واخد بال حضرتك 10 وزراء فقط وانتم ايها الشعب الذكي تعرفوا ماهي ماليزيا وما هي امكانيتها الضخمه،
ذكرت الكلام ده عشان استفذاني انو اجتماع المكتب القيادي للحزب الترابي وبتكون من 45 شخص طبعا هم ربما اكونوا ف مصاف الملوك والرؤساء يعني زي الرئيس ف المخصصات والاوامر والاعفاءات وعمل كل شئ يحلو لهم
يعني ايها الشعب الذكي عدد الدول ف السودان كالاتي
رئاسه الجمهوريه ///دوله
المكتب القيادي ///دوله
الحزب الترابي/// دوله
الحركه الاسلاميه///دوله
بقيه الاحزاب //// دوله
ولاه الاقاليم //// دول
المعتمدين /// دول
الحركات /// دوله
ونقصد بدوله مال وسلطه وجاه وثروة وووووو
طيب ايها الشعب الذكي ماذا تبقي بربك من عضام السودان
طيب ما ليهو حق اكون مافي شئ ف البلد لان المال توزع لان الكيكه السودانيه توزعت ع هذه الدول
الكيكه تاخذ من ثروات الارض باطنها وظاهرها ومن جيب المواطن
الكيكه ليها الحق تاخذ الاخضر واليابس والدقيق والزيت و العيش والدولار وكل شئ
ولسه ياما ح تشوفوا افلام دي المناظر
30 سنه بنفس هذه الوجوه ربما تمتد ل 300 سنه
ف نفس الفشل
ايها الشعب الذكي
لو استمر الحال هكذا 1000 عام ما ح نتقدم خطوة وح نكون لافيييييين ف حلقه فاضيه
لا بد من حلول جرئيه وبالقانون
ترشيح احد افراد الشعب للانتخابات ع ان يقوم كل الشعب بالتصويت له هو الحل
علي ان يكون من اول اهتمامات الرئيس الجديد الغاء وحذف وشطب هذه الدول من الساحه السياسيه للابد
حركه فقدنا الامل مع
حزب الشعب الذكي يختار رئيس ذكي
تحياتي
دوشتو راسنا كل يوم تعديلات مرتقبة….خلاص يا الكونغرس
ما حيحصل اي حاجه و اتذكرو تعليقي دا كويس و خلاصة الاجتماع في الاخبار حيكون (( اطلع الرئيس علي الاداء الاقتصادي و وجهه سيادتة علي دعم مشاريع التمنية المستدامة و اطلع علي خطوات تنفيد مخرجات الحوار الوطني )) و اخبار زي دي ترفع الضغط
هذه العجلة وهذا التسرع دليل على فشل القوم واحباطهم ! يا ايها الممكنين فان بدعتكم ما سميتوه التمكين وراء هذا التدهور المخيف في الدوله التي كادت ان تتلاشى ان لم يكن قد انهارت تماما / اعيدو رجال الدوله للدوله وضعو الرجل الصحيح في المكان الصحيح والا فالفشل صفتكم
مكنكم الله في النار
اجتماع الحراميه…مع التماسيح الكبيره والسماسرة والمرتزقة…
موتمر الحرامية شغالين لمصلحتهم ام الوطن والمواطن ليس في حساباتهم…لكن بتلعبوا في الزمن الاضافي….
ياجماعه نحن جربنا شهر كامل بدون وزير خارجيه والحمد لله ماحصل لينا حاجه … تعالوا نجرب شهر كده نكون بدون اي وزير وانا متاكد الحبه دي مابتجينا علي الاقل نوفر مخصصاتم ده وندعم بيها الاسر الفقيره .
دائما تعديلاتكم فاشلة ولا تحل مشاكل البلاد
يمشي احمد ويجي حاج احمد
راجعوا شوفوا الناس دي ما قادرة تقدم حاجة المشكلة شنو ؟؟؟
او يمكن السبب فيكم انتوا زاتكم بتجيبوا الرجل غير المناسب في المكان غير المناسب عشان كدا حقوا يغيروكم انتوا زاتكم
ويغيروا معاكم الرئيس
كلام فاضييييييييييييييي …. الأمور هي هي …………ولو غيرتوا جلودكم أنتم ياكم أنتم
الشعب انتهى والبلد إنتهت قال حكومة قال يا ناس حرام عليكم