الشروع في تسليم البطاقات العلاجية للعائدين من السعودية

أخونا الفيل السلام عليكم
الراجل “كان زول واقعي ومعايش لماسي المغتربين” والله ياما ناس شرحت ووعدت وقالت وصرحت لكن للأسف المغترب بعاني في أنه يسكن ويتواصل ويعلم أولاده ويتعالج ، و كمان منهوب قرشه وحلال حتى من أقرب الناس إليه …….خليك من الحكومة فهي تنهب مال النبي ، وجهاز المغتربين ده أساسا معمول عشان ينهب مال المغترب ويقدم مقابل ما نهبه خدمات لا تتجاوز الخمسة بالمائة من المبالغ المنهوبة…… و نحنا لينا سنين طويله عايشين في القصة دي بندفع ضرائب و لا نجد مقابل ، بيوت نشتري برانا، عربية نشتري برانا ، تعليم أولادنا في السودان برضو ندفع برانا ، علاج نتعالج بحقنا برانا ، و جاي جهاز المغتربين بقول أنه أصدر 530بطاقة لعدد 131 أسرة ، سبحان الله ، هل عدد الأسر القادمة من السعودية بس 131 أسرة؟ أنا متأكد أنه في الاف من الأسر لا تدري عن موضوع بطاقات التأمين ………..وأخشى ما أخشى أن تكون هذه البطاقات قد وزعت لمن لا يستحقونها فهناك مغتربين بعشرات السنين و حاليا بالسودان ولا يعلمون شيئا عن بطاقات التأمين التي رأيتها بأم عينك و لم يحضروا أي اجتماع مع المدعو حمد و لم يسمعوا بقصص حمد ليلة و ليله …. والحمد لله على كل حال من الأحوال