قرارات اقتصادية مؤلمة وصادمة للشعب السوداني يتوقع صدورها مع عطلة عيد الأضحى
ألقت مظاهر الأزمة الإقتصادية في السودان ظلالها على حياة الناس، حيث إرتفعت معظم أسعار السلع والخدمات بصورة كبيرة، بالتزامن مع ندرة في السلع الحيوية، وبات من المتوقع أن تقوم الحكومة السودانية بإجراء عملية جراحية مؤلمة لمعالجة الوضع الإقتصادي الذي أصبح يزداد صعوبة مع صباح كل يوم جديد، من زيادة في أسعار السلع وندرتها أحياناً.
الرئيس السوداني خلال خطابه في مؤتمر شورى المؤتمر الوطني في الأيام الماضية وعد بإصلاحات اقتصادية بينما قال د. ابراهيم الصديق رئيس قطاع الإعلام بحزب المؤتمر الوطني الحاكم في السودان “ان القطاع الإقتصادي قدم رؤية جديدة لتحقيق معالجة جذرية للواقع الإقتصادي وتتمثل فى حزمة من السياسات والإجراءات”.
نائب الرئيس السوداني بكري صالح إجتمع يوم الإثنين 13 أغسطس الجاري مع مساعد الرئيس إبراهيم السنوسي حيث تباحثا حول الأوضاع الاقتصادية الراهنة والإجراءات الكفيلة بتحقيق وفرة السلع الضرورية.
وقال السنوسي – في تصريح صحفي نقلته وكالة السودان للأنباء الحكومية (إن الدولة بصدد القيام بإجراءات متوازنة تحفظ لكافة الجهات المعنية بتوفير السلع والمواطنين حقوقهم من حيث الوفرة والأسعار).
وقال مراقب اقتصادي فضل حجب إسمه لمحرر النيلين حول القرارات الاقتصادية المتوقعة بناءاً على التصريحات الحكومية السابقة: ستتمثل المعالجة الأنية في رفع الدعم الكبير عن المحروقات والخبز والذي بات يشكل إرهاقاً كبيراً للميزانية العامة للدولة، وقال المراقب أن سعر الوقود في السودان يعتبر من أرخص الدول في العالم.
وأضاف المراقب أيضاً من القرارات المتوقعة فتح باب الإستيراد بكافة طرق الدفع وذلك لمعالجة أزمة الندرة في السلع والتي إرتفعت مؤخراً بصورة جنونية نسبة لتقييد حركة الإستيراد.
وبخصوص سعر الصرف إستبعد المراقب تعويم الجنيه السوداني وإستمرار سياسة بنك السودان في نظام السعر المرن المدار، لكن يحتمل أن يتم تحريك السعر التأشيري مقابل الدولار لتشجيع عمليات الصادر، بالإضافة لرفع القيود المفروضة على السحب من البنوك وإعادة الثقة للجمهور.
وقال المراقب (القرارات الإقتصادية الجديدة رغم ما ستتيحه من وفرة في السلع، إلا أنها ستكون صادمة للشعب بسبب إرتفاع تكاليف المعيشة، وأتوقع صدورها في أي وقت وقد تتزامن مع عطلة عيد الأضحى).
الخرطوم/معتصم السر/النيلين
ركوب الخيل لا يناسب الجميع؟ أيهما أصعب تربية الأولاد أم البنات؟ جسر الأسنان
هل تعقيم اليدين مفيد؟ الكركم والالتهابات أفضل زيوت ترطيب البشرة
والله تزيدوا شي تااااني ما بتقعدوا لحظه في كراسيكم دي الشعب ما اتخنقت منكم الشعب ماات وموت لي موت الشعب بموت ليكم انتوا اول شي كفااااااار الله ينتقم منكم
و الله لو تم ترشيد الإنفاق الحكومي والصرف البزخي الهائل على الجيش الجرار من العواطلية من الدستوريين الذي يكلف خزينة الدولة أكثر من 30% من الميزانية العامة … ووقف الصرف على حزب المؤتمر الوطني الذي يرضع من ثدي الحكومة منذ إنشائه … وإلغاء الحكم الإتحادي بولاياته ومعتمدياته ومجالسه التشريعية … لو تم كل ذلك لتحسن إقتصاد البلاد وتحسنت أحوال الناس المعيشية …
كلام صحيح
نتمني ف المنام اجي واحد مكحل بالشطه
الغي كل الاحزاب وكل الموتمرات وكل الوهمات والوردات والحركات والاطارات
واكون الرئيس بس ومعاهو تمانيه وزراء فقط زي مالزيا لحكم البلاد مع قوة الجيش والامن وابشرطه والحزم والعزم والقوة
هناك رؤيه مناميه مبشره فيها اسم الرسول تقول انه سوف يكون هناك عقاب للفسده اواخر العام
مافي زول بمسك ليهو جنازة بحر الاخ الحر الراي. والله مع الاسف السودان الان خراب ويحتاج لمعجزات , ديون الصين وقروضها الريويه ساكت بتفكك البلد حته حته . اما من ناحية قوة الجيش فالجيش انتهي زمان واتعملت مليشيات موازيه له واقوي لتامين اركان حكمهم مع تهميش الجيش . الحل الوحيد الشعب كله يتكحل بالشطه ويمسك البلد ويكون سلطه وجيش من اول زي قوة دفاع السودان ايام الاستقلال . نميري وعبود الله يرحمهم كانوا نزيهين وماخربوا الجيش صمام الامان , الملاعين ديل سرطان واصاب السودان في كل النواحي والحل في البتر
د. خالد : شكلك ح يكون عليك كفارة يمين لأنك حلفت بالله. ح يزيدو كل شي و قاعديييييييييييييييييييين.
كلامك مية في المية يا باشري لكن ما تتوقع اقتراحك ينظر اليه لأن الفي ايدو القلم ما بيكتب نفسو شقي ..عربات اللاندكروزر بسعر عشرة مليار اكتر من الرقشات في الشارع و تشفط البنزين شفط و بالمجااان ..ما تقول لي كلها من حر مال راكبيها
اولا يجب عدم فتح استيراد خاصة من الكيان المحتل حلايب وشلاتين وابورماد من الخضر والفواكه الملوثة ويكفي ما حدث قبل في السيخ المغشوش يجب التعامل نهائيا مع الكيان المحتل وعلى كافة المواطنين عدم شراء اي منتج من الكيان المحتل ربما يدخلها الحكومة لمصلحتها لذلك يجب على المواطنين الوعي وعدم شراء اي بلاستيك او خضر وفواكه ملوثة خاصة ابوصرة والبلاستيك
تصحيح
يجب عدم التعامل مع الكيان المحتل*
ياابو عبدالله رووووق شويه خلينا فى الحفره بعد شويه حتاكل جلد زي ماحدث
لااجدادك سنه ١٩٠٦
قرارات اقتصادية مؤلمة وصادمة للشعب السوداني
هو تاني الشعب السوداني فضل فيه شي عشان يصدموه
بدأت أشك في توجه موقع النيلين العنوان فيه اثارة بلبله القرارات ليست صادمة للمواطن بل هي للمواطن لكنها صادمة للتجار والمضاربين بقوت الشعب ويا alkarazy لا تكن مصريا كن سودانيا
كيف ماصادمة للشعب أذا كنت حاترفع الاسعار والتي تسمي مجاز الدعم لان سعر طن القمح عالمياً أرخص من السعر الذي تتعامل به الحكومة لو الحكومة عايزة مخرج تسعي الي زيادة الأنتاج في كافة المجالات والعمل علي ألغاء جميع الرسوم التي تعيق الأنتاج والعمل علي تخفيض الانفاق علي الأمن والجيش وتوجيه كما زكرت سابقا للقطاعات المنتجة وليست المستهلكة الاقتصاد علم يدرس وأي دولة تحتاج الي خبراء اقتصادين لوضع الخطط والترتيبات اللازمة
مابقدروا يخفضوا انفاق علي الامن خاصة ناس الدعم (بياخدوا قروش كل شي تمام والا بقلبوها ليهم الليله قبل بكره)
يافيصل ومن متين بتقدموا شي للمواطن ؟ 30 سنه غير سفيتوا البلد وفلستوها عملتوا شنو تاني؟. وثانيا قراراتكم المتوقعه هي فتح باب الاستيراد للقطاع الخاص , تعال وغالطني القطاع الخاص هيستورد من اي دوله في العالم حتي من المصريين ناس الاوبئة وبالدولار العمله الصعبه يعني من الاخر الدولار بطير السماء الاحمر والسلع بتكون متوفره ايوه لكن اسعارها فلكيه جدا والدولار الحسه ب40 بحصل 600 . يعني من الاخر ناس اللمبي والركابي وابوركب غلبتهم عديل واي حاجه والسلام .. الحل واضح وبسيط الانتاج والتصدير والزراعه , لكن بي وين لناس اتعودت علي السف والاكل الجاهز وتهريب الاموال للخارج الاراضي زاتو رهنتوها للخارج وسلمتوها لمستثمرين اجانب يصدروا لدولهم مقابل ملايين الدولارات دخلت الجيوب
سبحانك يالله مااطول إعمار الظالمين لحكمة لا تعلمها إلا أنت اللهم أفرج همنا ونفس كبرنا واعنا ولا تعن علينا
أصلاً حلكم الوحيد والدائم هو زيادة الأسعار، وإثقال كاهل المواطن بمزيد من الدفع للدولة، وكذلك محاربة المنتجين بالجبايات، وهذا الحل مستمر منذ 30 سنة، أما الحلول الحقيقية فلن تفعلوها لأنهاء ستغلق عليكم منافذ الهبر والهمبتة، وسيستمر إفقار المواطن أكثر وأكثر، اللهم أبدلنا خيراً منهم عاجلاً غير آجل فإنهم لا يعجزونك.
هههههههههههههههههه والله ضحكت من قلبي لكلمة مؤلمة وصادمة .. منو هو البحس بالصدمة ولا الالم ما خلاص بقوا مخدرين وانعدم الاحساس بالالم ..بقوا زي صاحب مرض السكر ما بيحس باطرافة لم توقع واحدة واحدة ..
الناس اكلت الربا والحرام ومال الزكاة واليتامى (والمغتربين) والقلب بقي دوووووكة من وين يحس بالالم
لا حولا ولا قوه الا بالله يعني بس الناس دي دايرا تصل لي شنو
ياخي لا عندهم لا دين لا ضمير لا رحمه والله الكفار وهم كفار عندهم رحمه بشعبهم ماسكيننا كيزان وعواليق
كفايه ياخ والله كرهنا السودان بسببم ياخ
لا صحه لا تعليم لا اي شي نافع من سي لاسوء اشوف فيك يوم يا البشير انت وحزبك وربنا ياخد حق الشعب منك ومن الكيزان المعاك دنيا قبل اخرا
مافي ليكم غير حل واحد الحل الوحيد اصلوا انتم ميتين ميتين دي ماحياة داء موت وقتل .البشير بيقتل فيكم الحل كل الشعب يهب مظاهرات وعصيان مدني اخربوها اصلا خربانة وانا متاكد البشير مابيقدر يضرب الشعب ولو فعل ذلك امريكا وبريطانيا له بالمرصاد موت برصاص البشير بكرامة وشهادة في سبيل تغير النظام الفاسد افضل من موت بزل واهانة وتجويع .وبلادنا غنية جدا اغنى من اثيوبيا ومصر بلادنا فاقدة قيادة رشيدة امينة لها ضمير ووطنية وحب للتراب والشعب اخرجوا بطلوا الجبن الكل يخرج ويتظاهر اغلبوا الطاولة في وجوه الخونة من ناس الموتمر الماوطني الحرامية مصاصين دماء الشعب .اثبتوا للعالم انكم شعب لا يقبل الزل والهوان شعب بطل شعب معلم الشعوب كيف يغيروا الانظمة اللهم بلغت ولو تجبنتوا والله بلادكم تبقى انجس من الصومال جوع وموت وخراب ديار
من ضمن القرارات المتوقعة زيادة الضرائب على المغتربين والسداد يكون بالعملة الحرة وارغامهم على تحويل مبلغ من الدولارات عن طريق البنك للسودان والا جوازك مش ح يجدد او تصدر لك تاشيرة خروج من السودان اذا مشيت اجازة.
يعني دايرين يزيدوا الوقود والعيش عشان ما تزيد اسعار السلع الأساسية هو الاساسي اكثر من ديل الاثنين شنو تاني
اللهم هون علي الامة وفرج كربتهايارب
الله. اكبر . الله اكبر
الرئيس عمر البشير الله يوفقك انشاء الله
حبيبنا وقائدنا وقبل كدا رئيسنا
انت يازولنا فوق الراس